FÀKAN
Zinbabwe
Ale Ye ‘jàmana ye min Bɛ fàrafinna wòroduguyanfan fɛ ; a faaba Ye Harare ye. Zinbabwe jàmana ni Zanbi bɛ Dànbɔ kὲɲɛka fɛ, Mozanbik B’a ni kὲɲɛka ni kɔrɔnseleke ‘cɛ, Sudafriki B’a ni wòroduguyanfan ‘cɛ, ni kà Bɔswana K’a tlèbinyanfan fɛ. A jàmana dùgukolo fὲnsɛ Ye 390 759 km² ye. A jàmanaden bɛ Weele ko « Zinbabweka » walima Zinbabwe mɔ̀gɔ. A jàmanaden tùn Ye ‘màa miliyɔn tan ni flà ani mùrumuru bi sàba ni seegin (miliyɔn 12,38) ɲɔgɔn ye 2008 sàn na. Jàmana baarakɛkan ni kan madɔnnen Ye Alnglɛkan ye, nkà kan wɛrɛw bɛ Fɔ yèn i n’a Fɔ Sindebele n’a ɲɔgɔnnaw. Wari min bɛ Dun Yèn o Ye Zinbabwe Dollar (Z$) ye. Zinbabwe Jɔ̀njɔn ɲɛw Ye : Jɛman, Binkɛnɛ, Nὲrɛ, Blènman, Fìnman, Blènman, Nὲrɛ ani Binkɛnɛ ye. Jɛman kɛlen dòn tangili sawura ye numan fɛ kà Kɔ̀nɔ ni dòolo Kɛ o cɛmancɛ la, kà Sɔ̀rɔ kà ɲɛ tɔ̀w Dà ɲɔgɔn ‘kɔ kinin fɛ kà Jìgin. Kɔ̀nɔ jà ɲɛ Ye nὲrɛ ye, dòolo Ye blènman ye.
Jɔ̀njɔn jà Flɛ !
Blàdon : 2023-03-19 Yɛlɛmako laban : 2023-03-19
