FÀKANMàli sàriyabaju tàko 4nan ɲɛbla-sɛbɛn
Màa minnu tùn Blàra Màli kura sàriyabaju ɲɛblàbaara labɛnni na, olu tlalen 'kɔ baara in kɛli la 'kalo damadɔ 'kɔnɔ, u Nàna sɛbɛn in Di Jàmanakun-tigi ma n'o Ye Asimi Gòyita ye kà Bὲn 2022 kalo 10nan tlè 11 ma.
A ni 'sàriyabaju kɔrɔ cɛ dàanfara dɔ Ye sàariyakisɛko Ye bawo a ta ka ca ni kɔ̀rɔlen ta ye. 'Yὲlɛma caman kofɔlen Dòn a 'kɔnɔ.
Nkà min yὲrɛ ye jàmanadenw dàbali Ban kosɛbɛ fo n'a kuma bɛ bɛɛ da la 'bì, o ye sàriyakisɛ 31 nan ye. O sàriyakisɛ bɛ kanko kan.
Kanko, 'kɛrɛnkɛrɛnnenya la fàsokanw jaasilen Dòn kojugu a 'kɔnɔ.
Sàriyabaju in ɲɛblasɛbɛn ye min Fɔ, o Flɛ nìn Màli kùnnasigikanko kan bamanankan na:
Sàriyakisɛ 31: Kan minnu fɔlen Dòn 'sìgida kelen walima 'sìgida caman fɛ olu bɛɛ 'sèn Bɛ cɛnlakow la tàbiya sira fɛ. O kan bɛɛ Ye fàsokan dɔ ye ani u bɛɛ bɛ Laban tàli ma kà Kɛ kùnnasigikan dɔ ye.
Fàsokanw lakanani, u dònni 'da la an'u tàli kà Kɛ kùnnasigikan ye, sàriya bɛ o waleyabolow Dàntigɛ.
Fransɛkan Ye kùnnagisikan dàntigɛlen ye.
Fànga bɛ Se kà sàriya dɔ Tà kà kanyekele wɛrɛ Tà kà Kɛ kùnnasigikan ye.
Nìn kùnnafoni mɛnnen ye ta Wuli fàsojama sɔ̀n na, bawo 'sìgi tùn Kɛra ni Màlikurako min ye, o jɔ̀sen fɔlɔ-fɔlɔ ye kanko in ye. N'a Fɔra ko halisa k'o ka jugu hali kɔ̀rɔlen ye, an ka kan kà nìn ɲìnikali in Kɛ: "Yala Màlikurako na Bɔ wa?"
K'a Tà a don na fo bì wulikajɔw Bɛ 'sèn na walasa yὲlɛma bɛ Se kà Dòn a la cogo min na kà fàsokan 13 lakodɔnnen bɛɛ Kɛ kùnnasigi-kanw ye waà u bɛɛ ka Blà frànsɛkan 'ɲɛ. A ma Fɔ ko kà frànsɛkan Fìli pewpew, nkà a Bɛ jɔ̀yɔrɔ min na, a ka bɔ yèn kà fàkanw Blà a nɔ̀ na. O de Ye jàmanaden fànba hakilina ye 'bì bawo 'jamana si tɛ Jɔ̀ a ka kanw 'kɔ.
Blàdon : 2022-10-17 Yɛlɛmako laban : 2022-10-17
