FÀKAN

Waraba jubaatɔ

Nin Kɛra  musolasiritɔ dɔ ye. A tùn  Taara dɔgɔ Лini kungo 'kɔnɔ. Ala fana y'a Kɛ o don Bεnna n’a ka tìn wulidon ma. A ma Лɛ min 'kɔ a y’a yεrε Sɔrɔ kungo 'kɔnɔ denmuso fla la tuba dɔ  kεrε fε. Jaa o y'a Sɔrɔ  waraba dɔ  fana tùn Jiginna o tu kelen in 'kɔnɔ. Muso ɲε Dar'o kàn minkɛ a ni sèntεgε Jiginna dugu 'kɔnɔ. O kɛlen a y’a jiginni To gundon la bawo a tùn t'a Faamu cogosi la k'a denw bɛ Bɔ a la. Wa a ma waraba in Kofɔ 'màa ye fana bawo Ala ni bange hinε kosɔn a tùn t’a fε waraden ninnu ka Bɔnɛ u ni na. Jaa o hinɛ kelen in tùn bɛ waramuso jubaatɔ in fana na. O Flɛ ka muso den filanin ninnu Tà K'u Balo fo  k’u Kɔrɔbaya.

Sàn caman tεmεnen 'kɔ filaninw ba nana Bàna. O bàna in Nàna juguya fo ka na Laban kà bagi Blà a la. Mɔgɔw tùn bε ɲugu muso in na. Flanin ninnu kɔrɔbayalen, waraba y'u sɔrɔcogo Лɛf'u ye ka Sɔrɔ k'u Blà ka Taa dugu 'kɔnɔ k'u ka Taa u ba Лini. U selen, u Sera màsakɛ fɛ k'u b'u ba Лini. O fana ye tabale Gosi ka weele-weele Da ko denwolo-muso bɛɛ ka ɲɔgɔn Sɔrɔ mara kubeda la.

Aa! O don kama 'mɔgɔ  ʃi tε filanin ninnu Ye n’u kanu ma Dòn i la. Aa! dàga Wulila sonkala n ma Ye. Tìgiyaɲini Dabɔra nka woloyɔrɔko in  dε! Ni min Nàna k'a ta y'u ye, ni ɲininkali Sera u woloyɔrɔko fɔli ma o tigi bɛ Bìn yen. U Tor'o la k'a Tà sɔgɔma fo ka Taa se wula ma muso ʃi ma Se ka Sɔrɔ min ye den ninnu woloyɔrɔ Dɔn. Muso bɛɛ tɛmɛnen k'a Ban fo k'a tɔ To musokɔrɔnin-bagitɔ ye, Màsakɛ Ko k'a fana ka Nà. Tuma min na musokɔrɔnin bagintɔ y’i Sεnsεn k’a bɛ Gɛrɛ den ninnu na fo dɔw Tora u bɛ surunba C'a la bawo ko weelekun t'a la, dɔw yɛrɛ tùn bɛ Yɛlɛ a ma. Dɔw tùn b'u Kanto,

-Mɔgɔ ɲanamanw ma fεn min ɲɛ Sɔrɔ e bagitɔ de bɛ Se k'o Лɛ Sɔrɔ!

Tuma min na muso Sera a y'i Kanto,

-Ne de y'aw ba ye. N b'aw Bange don min na a Kɛra kungo 'kɔnɔ tuba dɔ 'kɔrɔ. N y'aw flilen To yen ka Nà 'so min na a kùn ma Kɛ ko n tùn t'aw fɛ. N Jiginnen aw ka tuba in kɛrɛ fɛ jaa waraba jubaatɔ dɔ fana tùn bɛ  o tu kelen in 'kɔrɔ, ne kɛlen k'o Ye n Bòlila nka n selen 'so n ma 'fɛn Fɔ 'màa ye.

Aa! O fɔlen, flaninw nisɔn Dyara, u y'u Pan k'u Nɔrɔ muso bagitɔ la. O kɛlen, Màakε fana ye u n’u ba bɛɛ Lagεrε a yεrε la ni ka Tla k’u Furu a denw ma. Ni k'i Kanto u ba ma ko n'a mago bɛ jyɛnlatigɛ fɛn o fɛn na k'o bɛ D'a Ma ko bari buranya gasi ka bòn. O kɔ fɛ a Tlara ka sariya dɔ Sìgi ko ni màa o màa Yɛlɛla bànabaatɔ ma ko n'i Yera i kùnba bɛ Tigɛ ka Bɔ i kanba da la.

N y'o Tà yɔrɔ min, n y'a Blà yen.

Blàdon : 2017-08-01     Yɛlɛmako laban : 2017-08-27


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015