FÀKAN

Ziirinda                                                                                                                    2016 06 18

Jaadikɔngɔ

Jaadikɔngɔ dɔ Nàna kungokɔnɔ-fɛnw fɛ sàn dɔ la. Baloko Gɛlɛyara a sàn fo kungokɔnɔ-fɛnw tùn bɛ Sa kɔngɔ 'bolo. Nkà a ko selen yɔrɔ la, suruba tùn bɛ To ka sògoʃuw Tɔmɔ k'olu Dun. Aa! a ko Nàna dan Sago. Hali surukuba tùn bɛ sògoʃu minnu fana Sɔrɔ o fana sɔrɔli Nàna Gɛlɛya. Surukuba dun tɛ Se kɔngɔmuɲu na. O kɛlen a Nàna Minɛ k'a Fasa. Don dɔ de Kɛra sa, a Tor'a ka sògoʃu-ɲini na ka Taa Bɔ sonsannin sìgilen kan yɔrɔ dɔ la. O tùn Bɔr'a ka 'so ka N'i Sìgi fɲɛminɛ na yen. Nkà surukuba ma Se ka min Fàamu a y'a Sɔrɔ sonsannin tùn bonyana ni k'a fari Minɛ k'o Nɔɔrɔ a kan ten. Surukuba Sinna k'a Teri n'a jɛɲɔgɔn Kɛ sonsannin ye o nɔgannin bɛɛ la. A y'i kanto a ma ko

-N dɔgɔ sonsan, n'i ma ne Dɛmɛ baloko la kɔngɔ bɛ na n Fàga dɛ! i yɛrɛ ɲɛ bɛ n fàsacogo la kɔni?

O kɛlen, sonsannin k'a ma k'o tɛ 'baasi ye, ko sinni sɔgɔma k'a ka Soli ka Nà, k'ale sonsannin bɛ kɔ dɔ yɔrɔ Dɔn ko jɛgɛw bɛ Sɔrɔ yen kosɛbɛ k'u bɛ Taa mɔni na ɲɔgɔn fɛ yen sinni. Aa! o don donnon Kasira ka surukuba jɔlen Sɔrɔ sonsannin ka soda la. Sonsannin de Nàn'a ka da Yɛlɛn k'a bɛ Taa a seliji Minɛ dɔrɔn, a ɲɛ ʃura surukuba kan a ko

-Ee! n kɔrɔ, e Nàna ka ban wa?

-Ateliya n dwaa, tle Ganna: surukuba kan bɛ ten.

Aa! sonsannin y'i Teliya o la sa, ka fajiri Seli u Bɔra ka kɔsira Minɛ. U selen, u ye mɔni da Minɛ, k'a Tà sɔgɔma-sumalennin fɛ fo ka Taa Blà fitiridanin na u ma foyi Sɔrɔ jɛgɛden kelen 'kɔ. O kɛlen, sonsannin y'i kanto surukuba ma ko:

-N kɔrɔ i bɛ Taa ni bì jɛgɛden kelen ye wa tari i bɛ sinni ta den fla kɔnɔ?

-N dɔgɔ e ka Taa ni bì ta ye ne bɛ sinni ta den fla Kɔnɔ: Surukuba kumakan.

U taara 'so. O dugujɛ u Nàna ɲɔgɔn fɛ tun, ka N'u ka mɔni da Minɛ sɔgɔma fo wula, u ma foyi Sɔrɔ jɛgɛden fla 'kɔ. U taakuma selen, sonsannin Sinna ka jɛgɛden fla ninnu Tà k'u Blà surukuba ka npalan 'kɔnɔ ten, k'i kanto surukuba ma ko

- N kɔrɔ, bɛnkan ye bɛnkan ye. e ka Taa ni bì ta ye. O la sinni ta den naani ne b'olu Tà.

O y'a Sɔrɔ fo surukuba bɛ Лanamini kɔngɔ fɛ. nkà jɛgɛden naaniko -kuma fɔlen sonsannin fɛ a Sinna ka jɛgɛden fla ninnu Bɔ ka Di sonsannin ma ten k'i kɔ Dòn f'a taatɔ bɛ Teŋetaŋan. O dugujɛ sabanan na surukuba y'i jija ka Nà mɔnikɛ-yɔrɔ la tun kabini sɔgɔma fo tle bìntumanin. U ma foyi Sɔrɔ jɛgɛden naani 'kɔ o don fana na. Nkà surukuba ma hali sɛgɛ Walon ka Kɛ a dɔgɔ sonsannin na o don. A y'a ka jɛgɛden naani Tà ka Bl'a ka npalan 'kɔnɔ ka sosira Minɛ, a bɛ Taa a bɛ Taa...

Sonsannin bɛ na mun Kɛ? A Dònna tu 'kɔnɔ ka Bòli biribiri ka T'i Da k'a sènw Kɔrɔta san fɛ ni k'i ɲɛ bɛɛ Wɛrɛ ka Dòn sankolo la. Surukuba ɲɛ Dar'o kan yɔrɔ min, a ko

-Ee! sonsansu!

Nkà a ma Sɔn k'a Tà. A Tɛmɛn'a ka sira fɛ, a yɔrɔ janyanen sonsannin Fora ka Wuli tun ka Dòn tu 'kɔnɔ ka Bòli biribiri ka T'i Da surukuba ɲɛ tugun o dacogo kelen in na. Aa! surukuba ɲɛ Da o kan, a nisɔndyara a ko:

-Ee! sonsansu wɛrɛ! a Sinna k'i kun Jan san fɛ f'a b'u Dan a bolokɔnninw na, a ko sonsansu fla ni jɛgɛden naani. E ko o tɛ ne ka dwaakun kelen balo Bɔ? I Jɔ tan dɛ!

O Fɔ a fɛ, a Sinna k'a npalan Foosi ka B'a kama na k'o Blà o sonsansu in 'kɔrɔ k'i kɔ Segin ka Taa sonsansu fɔlɔ nɔ fɛ. A selen yen a ma sonsansu foyi Ye yen tun. A y'i kɔ Segin ka N'a Sɔrɔ a ka npalan o, sonsansu flanan o, a ʃi tɛ yen tun. Aa! O kɛlen sa, kɔngɔ ni jigitigɛ y'u bolo Di ɲɔgɔn ma ka surukuba ni djɛn Fàra.

N y'o Sɔrɔ yɔrɔ min, n y'o Blà yen.

Blàdon : 2016-07-06     Yɛlɛmako laban : 2016-07-06


I fɛla Fɔ fasiri kan :

Captcha

Yaya
2017-05-21 09:56:46
A ka ɲi

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2024

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015