FÀKAN

Ziirinda                                                                                                     2016 06 18

Jara ni Kɔnɛ ani Dawu sɔrɔcogo

Nin Kɛra kamalennin dɔ ye min tùn tɔgɔ ye ko Habahaba. Habahaba tùn Kɛra 'màa ye min tùn tɛ Sɔn baara ma fyew. A bɛ Bòli k'i Dogo a 'fà n'a 'ba ka ciw 'ɲɛ. Kasɔrɔ a ɲɛ tnɛtùn ye dumuni ye, a tùn bɛ Se fɛn o fɛn na o tùn ye dumun in de ye. Ni baara tùn Dir'a n'a kɔrɔw n'a dɔgɔninw ma, a tùn bɛ Bòli k'i Dogo, ni y'a nàtɔ ye fo dumunikɛwaati. Wa n'o dumuni fana tùn Sìgira tɔw tùn tɛ bɛrɛ Sɔrɔ Ala ni Habahaba teliyakojugu fɛ. Wa hali tuma dɔw la a tùn To k'i Bɛlɛn ka Dòn gabugu 'kɔnɔ ni k'u ka nalasogo bɛɛ Sɛɛnɛ k'a Kɛ hɛ!

Aa! don dɔ de Kɛra sa, Habahaba fà Dimin'a 'kɔrɔ kosɛbɛ, a y'a Gɛn ka B'a ka 'so ko yɔrɔ min ka d'a ye k'a ka Taa yen. O kɛlen, Habahaba y'a 'fà ka du Blà, ka Bɔ ka djɛn Minɛ. A Taara Se yɔrɔ dɔ la. A ye cɛ dɔ Ye jiriba dɔ fan fɛ, nkà 'bulu foyi tùn t'a jiri la fo n'a Bɔra bulunin kelen na. Habahaba Kɛ k'o Ye, a y'i kant'o ma ko:

- Heey! E bɛ mun Лinina nin jirifurubulu-ntan in fan fɛ?

O fana y'i kant'a ma:

-Ee! ne balimakɛ n fà de ye n Gɛn ko k'a sababu Kɛ ko n bɛ dumuni Kɛ kojugu. Ɔ, n fana Bɔra ko n bɛ Taa n ta Лini n yɛrɛ ye Ala fana Nàna n gɛrɛsɛgɛ Dòn nin jiri in na, a tùn dennen dòn koɲuman wa dya dàn y'a ta ye. Ɔ, n fana y'o jiriden ninnu Dun k'a Ban, k'a furubuluw fana Dun ni kasɔrɔ nin bulunin kelen in To yen yanni waati yɛrɛ 'cɛ.

O kɛlen, Habahaba y'i kant'a ma ko:

-E tɔgɔ bɛ di?

-Ne tɔgɔ ye Awalon ye: cɛ kan bɛ ten.

Habahaba k'a ma o la, k'a ka jiribulu kelennin in Dun k'a ka Jigin u ka Taa ɲɛ Лini ɲɛ. K'ale fana Gɛnna a fɛ nin cogo kelen in de la. O kɛlen, Awalon ye jiribulu Tigɛ k'a Dun kasɔrɔ ka Jigin. A ni Habahaba ye sira Kɛ kelen ye. U Tora u bɛ Taa, ka Taa... f'u Taara Bɔ cɛ dɔ fana na, o tùn bɛ ka dingɛ Sèn a bolo la. Wa a ka dingɛ tùn Dunnyana fo k'a kùn Tunun. O kɛlen, Awalon y'i kan Fli o ma

-Heey cɛ o! e bɛ ka nin Kɛ munna?

A fana y'i kant'u ma ko

- Ne fà de Banna n na ko n bɛ dumuni Kɛ kojugu ka n Gɛn ka B'a ka 'so. Ɔ, n fana bɔtɔ 'so o y'a Sɔrɔ n tùn bɛ n ba ka tiga blàyɔrɔ Dɔn n Taara caman Tà o la.Ɔ, n selen yan, n ye n Sìgi k'a Dun fo k'a tɔ To den kelen ye. N fana ko n b'o den kelen in Fli n 'da minkɛ, a ye n da jɛn ka Bin dugu ma, a binnen Kòlonkolonna ka Jigin wonin dɔ 'kɔnɔ. n ye kalanin dɔ Tà k'a Wɔgɔbɛ o m'a ɲɛ, ɔ n fana ye n K'a kan ni n bolo fla ye, nkà halisa n m'a Ye fɔlɔ.

Cɛ Kɛ ka nin Fɔ,

Habahaba k'a ma

-N balimakɛ e tɔgɔ bɛ di?

-Ne tɔgɔ ye Abɛɛdun ye: cɛ ko ten.

Ɔ, o kɛlen, Awalon fana k'a ma k'a ka dingɛ tɔ To yen k'a ka Bɔ u ka Taa ɲɔgɔn fɛ. O kɛlen, Habahaba ni Awalon ni Abɛɛdun Kɛra terimaw ye. U sira Minɛ u bɛ Taa fo ka Taa Se dugu dɔ la, p y'a Sɔrɔ kɔngɔn Digira u bɛɛ la. Habahaba y'i kanto k'u ka Jigin dugutigi fɛ yen ko n'o Kɛra k'olu na dɔ Sɔrɔ ka dun. Ɔ, u y'a Kɛ o cogo la. U Jiginna dugutigi yen yen. O fana ye dumuni ni dayɔrɔ ɲuman d'u ma. Aa!nnkà dumuni min Dira u, o tùn bɛ Bɛn u bɛɛ lɔgɔma kelen-kelen de ma. U y'o Kɛ yeko kelen ye. Ka Tla ka Gɛrɛ denmisɛnninw ta k'o bɛɛ Dun ka Bɔ olu 'kɔrɔ fɔ olu tɔw Kasira. O kɛlen, dugutigi fana y'u Gɛn k'u marayɔrɔ t'a 'bolo.

U gɛnnen, u Bɔra ka sira Minɛ tun. U Taara Se buguda dɔ la, u ye fulakɛ dɔ Sɔrɔ yen saga caman tùn b'o 'bolo. A tɔgɔ tùn ye Amadu amadu Si ye. U Gɛrɛla Amadu amadu Si la. U y'u kanto Amadu amadu Si ma k'olu bɛ ka baara de Лini. O kɛlen, Amadu amadu Si fana y'u Tà ka Blà a ka sagaw 'kɔ. Aa! Habahaba ni Awalon ni Abɛɛdun nisɔdyara f'u bɛ muguri. Flakɛ Taalen 'so, u y'a ka saga bɛɛ Minɛ k'u kan Tigɛ fo k'a tɔ To sagamuso kelen dɔ n'a den ye. O dugujɛ, Amadu amadu Si Nàna Sɔrɔ u y'a ka saga bɛɛ Fàa ka Dun. A y'a bolo D'a kùn na ka Kule dew, ka Bòli ka Taa mɔgɔw Weele dugu 'kɔnɔ. Nkà yanni olu bɛ Se tuma min o y'a Sɔrɔ u Bòlila.

Ɔ, u Tɛmɛna n'u ka sira ye tun. Sagasogo Taar'u Blà ka kɛɲɛ ni dugu dɔ ye, jaa o tùn ye màsakɛdugu dɔ ye. U Jiginna o màsakɛ fɛ yen. Màsakɛ fana y'u kùn Bɛn ni dumuni caman ye u y'u kɔnɔkolonw Fa o la. O kɛlen, Abɛɛdun y'i kanto tɔw ma:

- An tɛ fɛɛrɛ Лini an ka To yan? N'an Tora yan an n'an fa don o don.

Awalon y'i kant'o la ko

-Aa, nin kɔni dabɔ ɲɛna.

Ɔ, dugujɛlen màsakɛ Nàn'u Bisila. Habahaba ye kuma tu Tà bɛɛ 'tɔgɔ la. k'i kanto dugutigi ma ko

-Aa! dugutigi, i barika i ka dumuni dumanw na fɔlɔ. Dugutigi, n'i y'anw selen ye yan bì juguma tɛ, anw bɛ baara de Лini. Dugutigi anw de ye an ka dugu sɛnɛkɛla ŋanaw ye, ɔ, an y'i ka ɲumanya ko Mɛn, an k'an bɛ Nà ɲinɛ samiya Kɛ i fɛ k'i Dɛmɛ.

Aa! o kuma Dyara màsakɛ fo k'a dàn Tɛmɛ. Dugu Jɛra a Taara n'u ye a ka ʃɔforo belebele dɔ la k'u k'o ʃɛn. Aa, Bɔ ko ɲɛ yen dɛ! Habahaba ni Awalon ni Abɛɛdun y'u Bri ka sɛnɛ Kɛ k'a Kɛ... fo ka Taa Se selifana ma u ma dumuni Ye. Kɔngɔn Nàn'u Dɛsɛ u y'u Kɛ màsakɛ ka ʃɔforo kan k'a ʃɔ bɛɛ ju Bɔn k'a Лimi k'a Ban pew. Aa! màsakɛ Nàna Sɔrɔ a ka ʃɔforo Dunna k'a Ban tayi. A ye dugumɔgɔ Blà u la. U y'u Gɛn ka Minɛ k'u Cì fo hawuja. Nkà u Sera ka Tla. U Bòlila ka Taa ɲɔgɔn kùn Bɛn tugun. U ka fìniw bɛɛ tùn Fara-farala k'u fàn dɔw fana fara-fara. O kɛlen Habahaba y'i kanto Awalon ni Abɛɛdun ma ko mɔgɔ fɔlɔ min ye ale Gɛn ka Minɛ k'o ye bere K'ale kɔ la ko Nɛ! Awalon y'i kant'o la ko Habahaba ta nɔgɔyara koyi. Ko min y'ale Minɛ ko bere tùn t'a 'bolo k'a ye bolokuru K'ale tlo 'kɔrɔ ko Dayii! ko halisa ale tlo bɛ ka Huuu! Fɔ. Abɛɛdun Sɔrɔla k'i kant'o la ko màa fɔlɔ min Ser'ale ma k'o ye sèn de Kɛ k'ale Tan a kɔnɔ na k'o y'a Sɔrɔ ʃɔbulu Kɛlen bɛ Funun dɔɔni ko o kɛlen ale kɔfɛla fana ye mankan dɔ Bɔ ko Jarrr! ko halisa ale ka kulusi ɲiginnen bɛ. Ɔ, o kɛlen sa, Habahaba ko

-K'a Tà bì la ne jàmu ye "Kɔnɛ" ye, Awalon e jàmu ye "Daou" Abɛɛdun i jàmu Kɛra "Jara" ye. O tuma na anw Kɛra balimamanw ye k'a Ta bì la fo djɛnwulu.

An y'a Tà yɔrɔ min, an y'a Blà yen

 

 

Blàdon : 2016-07-06     Yɛlɛmako laban : 2016-07-07


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015