FÀKAN

Ziirinda >                                                                                                        2016 05 11

Subagamuso

Nin Kɛra muso dɔ ye, n'a tùn ye 'den o den Sɔrɔ a b'a Di a ba ma k'a sababu Kɛ sere ye. Jaa ale ba ye subaga ye. N'a tùn ye den o den Di o ma, o tùn b'o Dun. Ni denmuso Taara don min k'a bɛ Taa a den Lajɛ, a bɛ To ka dɔnkilinin dɔ Da ko:

Ne ba, ne ba, n ka Sidi Taara min?
Ne ba, n ka Sidi Sala Taara min?
N ka sanu ni n ka wari Taara min?
N'o Kɛra ba fana b'i Kant'o la ko:
Ne 'den, ne 'den, i ka Sidi Bɔra.
Ne 'den, i ka Sidi Sala Bɔra.
I ka sanu ni wari Bɔra.

N'o Kɛra, denmuso in bɛ makɔnɔni Kɛ fo ka Se waati jan ma a denw tɛ Nà. A bɛ sira Лini a ba fɛ ka Taa 'so. Aa, muso Tora kamanagan 'kɔnɔ tèn. Don dɔ, a Nàna a kuma Fɔ cὲkɔrɔba dɔ ye. Jaa o cὲkɔrɔba in tùn ye ɲὲgwan ye.
O K'a ma ko muso kan'a Miiri k'a ba dòn dɛ, k'ale de y'a denw Dun. Ko subaga dòn. O kɛlen muso y'i Kanto cὲkɔrɔba ma ko
- Ɔ, n 'fà, ne dun bɛ nin Kɛ cogo di sa?
O K'a ma ko fo kàla ka Turu a kan fɔlɔ walasa  a k'a Dɔn ko a ba nɔ dòn. O la, a Ko muso ma:
- 'Furamugunin bɛ n 'bolo. N b'o dɔ D'i ma. N'i Taara i denw lajɛli la ʃyɛn wɛrɛ, i b'o dɔɔnin Dòn i 'da ni ka sɔrɔ k'i 'ba Лininka. N'i y'a Sɔrɔ k'a 'nɔ bɛ i denw dunni na tigi-tigi, a bɛ Fɔɔnɔ. Ɔ, n den n'o Kɛra, i yɛrɛ n'i tà n'i blà Dɔn a ko tɔ la.
- N y'a Mɛn n 'fà, muso ko tèn.
Ɔ, cὲkɔrɔba ye furako fɔlen in Di muso ma, ka Tla k'a Fɔ ka D'a kan k'a kan'a Caya a da 'kɔnɔ dɛ! a k'a y'a Mɛn. Ɔ, o kɛlen a fana y'i Labɛn o tle flanin bɛɛ la, ka sira Лini a cὲ fɛ k'a bɛ Taa a denw Lajɛ a ba fɛ yen. Cὲ fana ye sira D'a ma. A ba kɛlen k'a Bisimila a selen 'kɔ, a y'i Dɛn ka furamugunin dɔɔnin Kɛ a 'da ni k'i Kanto ko:

Ne ba, ne ba, n ka Sidi Taara min?
Ne ba, n ka Sidi Sala Taara min?
N ka sanu ni n ka wari Taara min?
O kɛlen ba fana y'i Kanto ko:
Ne 'den, ne 'den, i ka Sidi Bɔra.
Ne 'den, i ka Sidi Sala Bɔra.
I ka sanu ni waaaaa.

Musokɔrɔba ka dɔnkili ma Se ka Laban k'a sabu Kɛ fɔɔnɔ ye. Aa, sisan kɔni, denmuso y'a Dɔn ko cὲkɔrɔba ye min Fɔ k'o ye cyὲn ye. A Dimina. A dimiko jugu ye cὲkɔrɔba ka fura tɔ bɛɛ Yὲlɛma a da k'i Kanto ko:

Ne ba, ne ba, n ka Sidi Taara min?
Ne ba, n ka Sidi Sala Taara min?
N ka sanu ni n ka wari Taara min?

Aa, n badenw, musokɔrɔba ko a b'a da Yɛlɛn ka kuma yɔrɔ min, aa, fàn bɛɛ Kɛra fɔɔnɔ ye. Waaaa, waaaa, waaaa.
Ɔ, o fɔɔnɔ Tora 'sèn na fo ka Taa musokɔrɔba Dɛsɛ. A ma Лὲ min 'kɔ a Kɛr'o ye ʃyὲn kelen. Subaga-musokɔrɔba ye jyɛn To o cogo la.

N y'o Tà yɔrɔ min, n y'o Blà yen.

Blàdon : 2016-05-11     Yɛlɛmako laban : 2016-07-07


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015