FÀKANDɔnniya fòrobayali jὲmukan tàko 14nan
Làbɛn 3nan : Bàngudɔn : Tlè n’a màntonw kisa.
Dakun : Jikuruntola n’a kùnkanfaamuyaw (Saturne et ses littératures scientifiques)
1. Mànton 6nan : Jikuruntola (Saturne)
1.1 Jikuruntola kofɔli (Présentation de Saturne)
- Jikuruntola Ye mànton 6nan ye n’i b’i Màbɔ tlè la kà T’a fɛ ;
- Jikuruntola bɛ Da ntòlaba kan kà sɔ̀rɔ kà jikuruntoladankan Da a kan ;
- Tlè mànton bɛɛ la, ale Ye flanan ye a yankan bònya fɛ ntòlaba bɔlen ‘kɔ yèn ;
- A kòorikɔnɔ bònya Ye bam 120 534 ye a cɛcijala yɔrɔ la ;
- Dùgukolo ɲɔgɔn 1 000 bɛ Se kà Dòn jikuruntola ‘kɔnɔ ;
- Jikuruntola ɲɔgɔn tɛ tlè màntonw na ɲɛlaye la k’a sababu Kɛ a lamininkɔ̀nw ye ;
- An ye jikuruntola D’a la k’a sababu Kɛ a bàrisogo kɛli ye ni ji fɔ̀lɔkɔlama ye ;
- Sannakolo dòn min yeko fɔlɔ Kɛra Galile fɛ 1610 sàn na ni jannaflɛlan ye.
- Jikuruntola tɔgɔlakalow yelen bɛ 150 Bɔ bì-bi in na, a fitinin Fàr’a kùnbaba kan ;
- A kalow la bèlebele minnu ka sùrun a la olu dɔw ye : Anselad, Tetis, Reya ani Titan ;
- Jikuruntola ka kalow Kɛra ‘sababu ye k’a lamininkɔnw Dὲndɛn a da fɛ;
1.2 Jikuruntola n’a laminisannafɛnw cɛ jànya (Distance aux astres voisins)
- Fùrancɛ bamɛtrɛ miliyari 1,43 ɲɔgɔn Bɛ jikuruntola ni tlè ‘cɛ ;
- Fùrancɛ bam miliyɔn 222 ɲɔ̀gɔn B’a ni ntòlaba ‘cɛ a kɔ fɛ ;
- Fùrancɛ bam miliyari 1,45 B’a ni jikuruntoladankan ‘cɛ a ɲɛ fɛ ;
1.3 Jikuruntola bàrisogoko (Structure de saturne)
- Jikuruntola Ye jikurumanton dɔ ye, kà Danbɔ bɔ̀gɔkurumanton ni fɔ̀lɔkɔmanton ma ;
- Jikuruntola forokofiɲɛ mànfɛnw ye jilan ye (80%), tlèlan (10%) ;
- Tòlifɔlɔkɔ (kàbasulan) ni sɛmɛnanɲaga (ammoniac) mùrumuruninw B’a la fana ;
- Jilan bɛ To sawurayɛlɛma na jikuruntola ‘kɔnɔ a jilama n’a fɔ̀lɔkɔlama ‘cɛ ;
- Jilan jilama B’a fìri min ‘kɔnɔ, o yɔrɔ fùntenihakɛ bɛ Yὲlɛn kà Se fo 12 000 hahɛ ma ;
- A forokofiɲɛ kùnnana na, nɛnɛ bɛ Jìgin kà Se fo hakɛ jaasilen -139 ma ;
- Lamininkɔn wolonfla Bɛ jikuruntola la minnu B’a ɲɛlaye cὲɲa sababu la ;
- A lamininkɔnw mànfɛn Ye jikuru ni kabakuru mìsɛnw ye.
1.4 Jikuruntola ka bɔnnɔnako (Mouvement de Saturne)
- Jikuruntola ka tlèlamini kùntaala Ye sàn 29 ye, o min y’a ka sàn kelen ye ;
- A ka bɔ̀lɔkanmunu-munu kùntaala Ye waati 10 ɲɔgɔn ye, o min Y’a ka tlè kelen ye ;
1.5 Dodaɲɛkura fɔlenw kùnɲɔgɔnw dili fransɛkan na:
1. Cɛcijala = équateur
2. Fìri = couche / épaisseur
3. Forokofiɲɛ = atmosphère
4. Fɔ̀lɔkɔ = gaz
5. Fɔ̀lɔkɔmanton = planète gazeuse
6. Hakɛ jaasilen = moins tel degré
7. Jannaflɛlan = télescope / lunette astronomique
8. Jikuru = glace
9. Jikurumanton = planète gazeuse
10. Jikuruntola = saturne
11. Jikuruntoladankan = uranus
12. Jilan = hydrogène
13. Kòorikɔnɔ = diamètre
14. Kùntaala = période/durée
15. Lamininkɔn = anneau
16. Mànfɛn = élément constitutif
17. Mànton = satellite
18. Munu-mununi = rotation
19. Ntolaba = Jupiter
20. Sannafɛn = astre
21. Sannakolo = planète
22. Sɛmɛnanɲaga = ammoniac
23. Tlèlan = hélium
24. Tòlifɔlɔkɔ = méthane
Sunkofɔlan
Microsoft Encarta Collection, 2009, saturne (astronomie).
Microsoft Encarta Junior, 2009, saturne,
Solar system scope, Application android téléchargée de playstore, https://play.google.com/store/apps/details?id=air.com.eu.inove.sss2,
Blàdon : 2023-10-10 Yɛlɛmako laban : 2023-10-14
