FÀKAN

Ziirinda                                                                                                                         2016 06 18

Masakɛ ɲuman n'a den ŋaniya jugu

Nin Kɛra masakɛ dɔ ye min tùn ka ɲi kosɛbɛ, nafolo tùn b'a 'kùn w'a tùn bɛ Hinɛ a ka jamanadenw na kojùgu. A tùn y'i Janto kàlan, sɛnɛ baganmara, mɔni ani kɛnɛyako la haali. O de tùn y'a To a ko Dyara a ka jamanadenw ye. Ni masakɛ ɲuman in tùn Taara a ka jamana 'fàn o 'fàn bonyaw tùn bɛ Bɔ fàn bɛɛ ka n'a Kɛ k'a kɔnkɔn Fa. Nkà masakɛ denkɛ fɔlɔ tùn Kɛra den jugu ye w'a fà ka ɲumanya walew tùn ka go a ye kojugu. Don dɔ Kɛra yen a y'i Madon a fà la k'i kanto o ma ko

-Bwa, i bɛ ka jamanadenw Tyɛn kojugu, u bɛ na jama ka Blà i la. Jamanaden ka kan ni gosili ni lajaaba de ye 'tuma bɛɛ.

Aa!, denkɛ kɛlen ka nin kuma B'a 'da, masakɛ Hamina ka jɔɔrɔ. A Kɛra sa 'tuma bɛɛ a b'i Sìgi k'i Miiri a denkɛ ka jamanadenw maracogo la ale yɛrɛ salen kɔ fɛ, bari a y'a Dɔn sisan k'a den tɛ ŋanya ɲuman tigi ye. Nkà masakɛ Nàna mun Kɛ? Walasa jamanadenw tiin ka Dòn a den na djɛnma don o don sɔgɔma fɛ a tun bɛ den in ni kankɔrɔsigi damadɔ Fàra a yɛrɛ kan ka Bɔ ka Ti ɲɛ Da a jamana yiriwa sira bɛɛ kan i n'a fɔ kàlanyɔrɔw, wɛrɛkɔnɔnaw, mɔnikɛyɔrɔw, kɛnɛyasow, wa n'a tùn Taara forokɔnɔnaw na don min a yɛrɛ tùn bɛ daba Minɛ tuma dɔw la k'i bri ka sɛnɛ Kɛ. O waleya in tùn bɛ jamanaden laseewa k'u jadon u yɛrɛ la, u tùn bɛ nɔnɔw, jɛgɛw, ni fɛn caman D'u ma o sèn fɛ, nkà masakɛ denkɛ tùn bɛ Лugun o fɛn ninnu fana na. Jamanadenw tiin ma se ka Dòn masakɛ denkɛ la nin bɛɛ 'kɔ. Ɔ, don dɔ fajirida fɛ masakɛ fari Ganna, dugujɛlen, a ma Se ka Taa yɔrɔ la. A ye dɔgɔkun kelen K'o la a tɛ Se ka Taa 'yɔrɔ la. O kɛlen a ye kankɔrɔsigi dɔw Blà ka Munmun-munmun jamana 'àn bɛɛ la ka jamanadenw Bɔ kunpan na. Aa! kùnnafoni jɛnsɛnna k'a Fɔ ko masakɛ fari man di a la yɔrɔ min aa! jamana Nàna ka na Suma bɛɛ Hamina, u bɛ dugawu Dòn a ye 'tuma bɛɛ. Bàna Nàna ka na ka Nà juguya, fura sugu bɛɛ dɔ Kɛr'a la nkà o bɛɛ la a Tora Ala ta la. Ala ye masakɛ ɲuman in miniji Dɔgɔya. Aa! o Kɛlen, jamanaden Siranna. U Hamina. Wa u Jɔɔrɔla. Ɔ, u Nàna masakɛ sutura minkɛ cɛkɔrɔbaw ye dugu mɔgɔw Fàra ɲɔgɔn kan, u bɛɛla kɔrɔbalen Wulila ka kuma Tà a ko

-An bɛ Ala Fo k'a barikada, ale min y'an Da, n'an bɛɛ bɛ Tla ka Segin ale kelen in ma. Jamanadenw, o Ala in de tùn y'an gɛrɛsɛgɛ Dòn 'masakɛ la min Kɛra An fɛ, wa a y'a Minɛ an na dɛ! o tuma na bɛɛ ka dugawu k'a ye. O tɛmɛnen 'kɔ an fɛ yan, laada ye laada ye dɛ! o jumɛ ye? ni masakɛ Banna a denkɛ fɔlɔ de Sìgi a nɔ na. An Bangera k'o Sɔrɔ yan. O tuma na k'a Tà bì la an ka masakɛ kura Flɛ.

U ye masakɛ denkɛ bolo Minɛ k'a masakɛya minɛ bɛɛ D'a ma, a Sìgira jamana kun na. Kabani o don a ye pɛrɛnni da Minɛ kankɔrɔsigiw yɛrɛ la fɔlɔ. Wa o sàn kelen in na a ko ko ni sɛnɛfɛnw Tigɛra ko sɛnɛkɛla bɛɛ ka Nà n'i ta ye ka N'a Blà ale ka 'so, ni min Bànn'o ma a b'o Minɛ k'o kunkolo Tigɛ, don o don mɔnikɛla bɛ Nà n'u ka jɛgɛ mɔnenw bɛɛ ye ka n'u D'a ma ni min Bànn'o ma a b'o kunkolo Tigɛ. Kɔnkɔn Nàna jamanadenw Tɔɔrɔ ka dɔw Fàga. A Tor'o de la sa, aa! jaa bà dekunen bɛ kinni Kɛ. Aa! don dɔ Kɛra jamanadenw bɛɛ Fàrala ɲɔgɔn kan ka maramafɛnw Tà ko n'a ma ɲɛ k'olu bɛɛ bɛ ka Sa kɔnkɔn y'a sababu ye k'o dekun ka Bon k'o tuma na u ka Taa masakɛ jugu in nɔ fɛ k'a Fàga walima a k'olu bɛɛ Fàga a ko ka Ban ʃyɛn kelen. Aa! i sɛnɛkɛla, i baganmarala, i kankɔrɔsigi....U bɛɛ Fàrala ɲɔgɔn kan k'u 'kùn Da masakɛ bara kan. U selen, u y'a Minɛ k'a Siri jiribolo dɔ la ka lɔgɔba Ton a dugu ma k'u bɛ na tasuma Dòn o la a 'kɔrɔ ni k'a Jeni. Maakɔrɔba dɔ Sɔrɔla jama cɛla min kumakan tùn Labatolen tùn don kosɛbɛ, o ko k'u ka Hinɛ a la a fà ka ɲumanyaw kamà. Ɔ, o kɛlen, u m'a Fàga blen nkà u y'a n'a ka denbaya bɛɛ Fàra ɲɔgɔn kan k'u Sɛnsɛn ka Taa fo jamana dàncɛ la, u selen yen u ye sira D'a ma yen k'a sèn ka Cun jamana in 'kɔnɔ tun. O kɛlen, jamanadenw ye lafya Sɔrɔ, ko kɔnɔkulu jɛlen de bɛ bii Fɔ.

N y'o Sɔrɔ yɔrɔ min, n y'o Blà yen.

Blàdon : 2016-06-18     Yɛlɛmako laban : 2016-06-18


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015