FÀKAN

Jinɛ-janfanci

Nin kεra jinεkε dɔ ye min dagayɔrɔ tùn ka surun sεnεkεla dɔ ka fòro la. A tùn Tɔɔrɔlen bε sεnεkεla in 'kɔrɔ bawo hadamaden ni jinε tε Bεn sigida kelen na tèn. Ka Da o kan, jinεkε tùn bɛ fε ka janfa Siri sεnεkεla in kama. Dòn dɔ, sɛnɛkɛla Brilen sɛnɛ na a ka fòro la jinɛkɛ Sinna k'i Blà hadamadenya sawura la ni k'i Лɔɔri ka Bɔ a kɔ fɛ. Foli kɔ fɛ, a y’i kanto sεnεkεla ma,

-N 'tεri, ne ye jinɛ de ye. Yan ye ne ka du ye. Ɔ, Ala dun ye e fana baloɲini-yɔrɔ Kɛ yan ye. I m'a Dɔn a Kɛra balimaya ye?

-'Cyɛnna a Kɛr'o ye. Sɛnɛkɛla y'a Jaabi tèn.

-Ɔ, o siratigɛ la, ne kɔni tùn y'a ŋaniya ka hεrε Лɛsin i ma a Mɛnna. Nka n bε Siran i ka wùlu de 'ɲε. An jinɛw ni wùluw ka kow tɛ Taa ni ɲɔgɔn ye kosɛbɛ. O la, n b'a Лin'i fɛ n'i bɛ Nà ʃyɛn wɛrɛ i ka wùlu in To 'so. N'o Kɛra, n na 'fɛn K'i ye sini i yɛrɛ n'a Ye. Nafolo kalifalen dòn an jinεw na Ala yɛrɛ ka sebaaya 'kɔnɔ. N bɛ na nin K'i ye an ka sìgiɲɔgɔnya de kosɔn n balimakɛ, nka fo i k'i hakili To wùluko in na.

-N y'a Mɛn n balimakɛ , ni Ala sɔnna wùlu in tɛ fòrosira in Da a ɲɛ kan tùn.

Ɔ, tle damadɔ o kɔ fɛ, jinεkε nana Poyi ka Bɔ fòro seleke dɔ la k’i Kanto sεnεkεla ma,

- N 'teri, i ni ce! i ni jɔn bε yan bì ?

Sεnεkεla fana y’a ka foli Laminε, ni ka sɔrɔ k’i Kant'a ma,

-Ne kelen de bε yan bì n balimakɛ.

Nisɔndiya fɛ, jinεkε ye dɔnkilida Daminε ka to k’i Magεrε sεnεkεla la. A bε Pεrεn fo tasuma kisɛw bε Pan-pan ka Bɔ a da fε. Jaa sɛnɛkɛla ka wùlu tùn Dogora ka tùgu a 'kɔ ka Nà i Dogo tu 'kɔnɔ ka Sɔrɔ sɛnɛkɛla yɛrɛ ma Bɔ o kàlama. Jinɛkɛ y'o wale in Daminɛ minkɛ wùlu Poyila ka Bɔ tu 'kɔnɔ ni k'i Лɛsin janfanci in ma. O kɛlen, a y'a yɛrɛ Лini ka Taa kɔsɔ.

O min Kɛra, sɛnɛkɛla in fana ye wùlu caman Tà ka Fàra dɔ in kan. A tùn bɛ dɔw Laʃi fòro la, a ni tɔw bɛ Jɛ ka Taa 'so ɲɔgɔn fɛ. Wùlu dun ɲɛnayeli man di jinɛ ye. Aa! a ma Лɛ min 'kɔ jinɛkɛ y'a yɛrɛ Tà ka Taa kungoda wɛrɛ la. Sɛnɛkɛla ka fòro Tor'a taya la. A fana ye barika Da wùlu ye.

N y'o Tà yɔrɔ min, n y'a Blà yen.

Blàdon : 2017-07-14     Yɛlɛmako laban : 2017-07-14


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015