FÀKAN

Lakalita >

Setigi-yɛlɛma: kùnnasigi-fanga ye setigi-fɔlɔ kura Sɔrɔ

A tɔgɔ ye ko Sumeylu Bubey Mayga. A ʃì Bɛ sàn 63 la. Mɔgɔ dogolen tɛ maliba in 'kɔnɔ maa ʃi la. Ale ye jamana kùnnasigi-fanga kow ɲɛ minɛbaa kura ye. A Sìgira Abdulay Idrisa Mayga nɔ na, o min ye kalo damadɔ Kɛ setigi-fɔlɔya la kà Bɔ Awirikalo tɛmɛnen na kà n'a Blà nin don in na, 2017 12 29, don min na a y'a ka walansɛmɛ-sɛbɛn Da tabali kan.

Sumeylu Bubey Mayga bɛ na Kɛ IBK sìgilen setigi 5nan ye an 'bolo. K'a da Minɛ Tatam Li la, Musa Mara, Modibo Keyta kà Nà Se Abdulay Idrisa Mayga ma, Sumeylu Bubey Mayga bɛ Nà IBK ka fangata fɔlɔ kùnfoorili kɛbaa ye. A Sìgira a ka fanga golo kan bì sibiridonya in na 2017 12 30 n'a 'damana-sariyakisɛ ye.

Sumeylu Bubey Mayga yɛrɛ ye jɔn ye?

A bɛ Bɔ Gawo de. A ka kàlan Bòlila kibarudi cogoyaw kan n'a y'o Kɛ Senegali kàlanso dɔ la. A y'o baara Dabɔ Mali 'kɔnɔ dìbi-dibi la musatle laban waatiw la, waati min y'a Sɔrɔ donkibarudi-sɛbɛnw bugunni tùn ma Yamaruya. A Kɛra ADEMA sintibaa dɔ ye jɛmuse nàlen 'kɔnɔ. A Nàna i Foosi kà Bɔ o la k'a damanatɔn Sìgi ko "convergence 2007". A laban Nàn'o tɔn tɔgɔ Yɛlɛma kà Kɛ ASMA ye 2013 sàn.

An ka setigi-fɔlɔ kura in ye jɔyɔrɔ caman Fà Mali politiko siratigɛ la. Kà Bɔ alfatle a kà Nà Blà fo Ibk-tle in na, 'jamana-ɲɛmaa ma Tɛmɛ n'a ma Kɛ setigi ye min 'kɔrɔ. A ye setigida caman Kɛ o la.

 

Don n'a nàtaw la, an bɛ n'a Dɔn setigi minnu bɛ Nà Tà kà Kɛ Sumeylu Bubey ka kùnnasigi-fanga jɔyɔrɔ-tigiw ye.

Blàdon : 2017-12-30     Yɛlɛmako laban : 2017-12-30


I fɛla Fɔ fasiri kan :

Captcha

Yaarɔsira
2017-12-30 23:08:54
Nin setigi-fɔlɔyɛlɛma in ka ça sa dɛ!

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015