FÀKAN

Ziirinda >

Sinamuso jugu

Nìn Kɛra muso fla ye minnu tùn bɛ cɛ kelen 'kùn. Sinaya gɛlɛyaba tùn bɛ u ni ɲɔgɔn 'cɛ. O Kɛra sababu ye fo muso flanan tùn tɛ fɛ ka muso fɔlɔ n'a denw Ye a ɲɛ na. K'a sɔrɔ muso fɔlɔ denkɛ fɔlɔ tùn b'a bonya bonya suguya bɛɛ la. Wa o fana de tùn ye muso fɔlɔ fana ka den mandi ye wa a jigiba fana tùn dòn. Nkà Ala ni juguya fɛ muso flanan ma Miiri den in ka bonyaw ma ka ɲɛ Sin a ma dɛ. Don dɔ Kɛra a Wulila ka Taa morikɛ dɔ fɛ yen k'a bɛ Taa o den in Лɛɲini walasa k'a ka hadamadenya Dòn galama na. A selen moriso la, a bisimilalen morikɛ fɛ, a y'i kanto

-Ee, karamɔgɔ, ne kɔnɔ gannen dòn bì koyi!

-Cogo di n balimamuso? morikɛ kan bɛ ten.

O kɛlen, a ko

- A ye n Tɔɔrɔ karamɔgɔ, a n'a ba mana fɛn o fɛn Dòn n cɛ tlo la a bɛ n Minɛ n'o ye.

-O ye jɔ ye ne ba? morikɛ kan bɛ ten

-Karamɔgɔ n sinamuso den.

O kɛlen, morikɛ fana k'a ma ko

- Nɛgɛ tigɛda ye fanda ye. N'i Sera yan ka Ban nìn ye o dagablen talen ye ka Bɔ i da la. I bɛ fɛ an k'a Kɛ cogo min na i t'o fɔ n ye?

-Karamɔgɔ ne tɛ fɛ n ɲɛ yɛrɛ de ka D'a kan n ka ɲɛnamaya yɛrɛ tɔ 'kɔnɔ. Muso ye morikɛ Jaabi ten.

Morikɛ fana y'i kant'o la ko

-Hann! ni n y'a Fàamu, i bɛ fɛ an k'a Blà jamanakɔnɔtaa la wa?

Muso fana ko morikɛ ma o la ko

- Karamɔgɔ n'o Kɛra a Mɛn o Mɛn n tlo bɛ na Dòn a kibaru la don dɔ la, ne dun t'o fɛ.

O kɛlen, morikɛ y'a kùn Kɔmi, a y'a Fàamu ko muso bɛ fɛ ka min Fɔ. A ko muso ma

-N'i ko ten, o ka Nɔgɔ an moriw ma n'a tɔ bɛɛ ye. ɛɛ, n bɛ na furamugunin Di i ma i k'i Jija ni k'o Kɛ a 'kɔnɔ. N'o kɔni Ser'a 'kɔnɔ, i ka Da n na walima i ka Tigɛ n na, a bɛ Taa 'dugu la taa-ni-ka-segin tɛ dugu min na wa 'màa tɛ 'màa kibaru Sɔrɔ k'i To yen wa o dugutaa in 'balifura tɛ hali ne yɛrɛ 'bolo 'kuma tɛ mɔgɔ wɛrɛ ma.

Aa! o Bɔ morikɛ 'da! muso y'a Fàamu k'a bɛ fɛ min Fɔ. A nisɔndyara f'a bɛ muguri.

 

Ɔ, morikɛ ye furamugunin fitinin dɔ D'a ma, k'a k'a Kɛ i n'a fɔ ale y'a ɲɛfɔ cogo min na. Muso fana ye fura Minɛ ka sira Tà, a bɛ Taa a bɛ Taa... A Nàna Bɛn ni flamuso dɔ ye o bɛ ka nɔnɔ Fère. A ye nɔnɔ dɔɔni San o 'bolo. A selen 'so sa, a ye nɔnɔ in Yɛlɛma minɛn dɔ 'kɔnɔ ni ka furamugunin in fana Yɛlɛma o 'kɔnɔ, k'a Лagami. A y'a sɛbɛkɔrɔ Лagami ni k'a Blà ka muso fɔlɔ den in Kɔnɔ. Tuma min na a Tlala nìn bɛɛ la, a Taara k'a bɛ T'i Ko. Aa! jaa kojugu t'a yɛrɛ Kɛ! muso jugu in bɛ Bɔ ɲɛgɛ na yɔrɔ min a Nàna nɔnɔflen jàlen Sɔrɔ a yɛrɛ den 'da den wɛrɛ t'a 'bolo min 'kɔ kɔni. Den in ye nɔnɔ in bɛɛ Mi k'a Ban tayi! Muso jugu in y'i bolo fla Da a kùn na ka Kule dew, k'ale bolo Kɛr'a yɛrɛ kàla ye.
N y'o Sɔrɔ yɔrɔ min n y'o Blà yen.

Blàdon : 2016-07-15     Yɛlɛmako laban : 2016-07-15


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015