FÀKAN

Lakalita >

2017 donjateko: sàn nɔɔrɔminɛw ni sàn kaloyeta jɔdonw

2017 sàn y'i kùn Poyi. Sàn kura n'a 'kɔnɔko. Sàn bɛɛ n'a donjate dòn. An y'aw Ladɔnniya salon nɔɔrɔminɛw Kɛra cogo min na. Komin o ni ɲinan ta tɛ kelen ye, a ka kan an ka Kuma kalo ni tle nɔɔrɔminɛko kan 2017 sàn in 'kɔnɔ. An bɛ Segin a kan ko an 'kan Bɛ jakuma ka kalominɛ kisa ma. O kisa in fana ɲɔgɔn bɛ Kɛ tle la. O tɛ mɔgɔw ka faamuya la. Jakuma fana bɛ tle Minɛ. An y'o ɲɔgɔn dɔ Ye 2013 sàn kalo 11nan tle 03. Mali ni jamana caman y'o Ye ɲɔgɔn fɛ. A dɔ Kɛra Faransi n'a dafɛjamanaw la 1999 sàn utikalo fana na. Dɔnniya min bɛ dugukolo n'a ɲɔgɔnnafɛnw (bunsanw, kalow, dugukolo, tle, ʃyanw,...) sawura ni lamagacogo kàlan Kɛ, bangudɔn, o y'a Jira k'a Fɔ ko kalo nɔɔrɔminɛ min latigɛ dɔnnen dòn an fɛ yan kosɛbɛ k'o ni tle ta ninnu bɛɛ ye fɛn kelen ye. O dɔnniya in bolo min kɛrɛnkɛrɛnnen bɛ a ɲɛdɔnni kan ma, lamagadɔn, o ka ɲininiw y'a Jira ko a yeelenmafɛn niinnu yeelen dadugali bɛ Nà ni a ko in kɛli ye. A ɲɛdɔnbaliya de Nàna ni fɔli ye k'o Dabiri ko jakuma ye kalo Minɛ. Komin a dɔnniya kisɛ B'an 'tɛgɛ sa, a ka kan an k'a weelecogo ɲuman Blà mɔgɔw ka bolo kan. O la, an Ko a ma ko nɔɔrɔminɛ, kalo ta Fàra tle ta kan, bari ko min Bɛ yeelenko kan o nɔɔrɔ Kofɔ cogo dɔ la.

2016 sàn nɔɔrɔminɛw tùn ye sàba-saba ye. Лinan 2017 in ta t'o Bɔ. Sànw ta Bɛ ɲɔgɔn 'ɲɛ. Лinan ta ye kɛko fla-fla ye. Kalo-nɔɔrɔminɛ kɛko 2 min bɛ ɲinan sàn 'kɔnɔ o fɔlɔ bɛ Kɛ kalo flanan (Feburuyekalo) tle 12 walima o tle 13. A ʃyɛn flanan bɛ Kɛ kalo seeginnan (Utikalo) tle 8 walima o tle 9. U bɛ Kɛ kaloyeta (fàrafinkalo) minnu 'kɔnɔ olu ye lasiri flanan ni fùrancɛ-kalo ye, olu kelen-kelenna tle 12 walima 13 ani tle 14 walima 15 ma. U bɛ na Ye jyɛn jamana minnu mɔgɔ fɛ o 'dàn ma tigɛ an ka jatebla fɛ.

Halibi, n'an Ko an bɛ Tɛmɛ 2017 donjateko kibaruyaw ye, a tɛ Лɛ n'an da Se kaloyeta jɔdonw ma; o kalo in ni dɔnniyakalo bɛ Bɛn ni ɲɔgɔn ye u jɔli n'u sàliw siratigɛ la.

Ale kalo in tɔgɔlasan Daminɛna 2016 sàn 'kɔnɔ n'a kalo fɔlɔ ye ko jɔminɛ. O daminɛ Bɛnna dɔnniyakalo kalo 10nan (Ɔktɔburukalo) tle 4 ma bari a Jɔra o kalo in tle 3 don. A sàn bɛ na Foori 2017 'kɔnɔ, n'a kalo 12nan ye o selibakalo. O jɔdon bɛ Bɛn dɔnniyakalo kalo 8nan tle 23 ma ka sɔrɔ k'a tle fɔlɔ Kɛ o dugujɛ alamisa ma.

Kaloyetaw kalo 12 tɔgɔw mumɛ n'u jɔdonw sɛrɛdalen Flɛ nin ye dugu ma. U ni dɔnniyakalo bɛ Bɔ ɲɔgɔn da fɛ cogo min na o fana jatew B'a la.

Kalow tɔgɔ

Jɔdonw / dɔnniyakalo

Jɔdon tɔgɔ

Jɔminɛ

2016 10 03

ntɛnɛn

Dɔnbamakɔnɔ

2016 11 01

tarata

Dɔnba

2016 12 01

alamisa

Lasiri fɔlɔ

2016 12 30

juma

Lasiri flanan

2017 01 29

kari

Lasiri sabanan

2017 02 27

ntɛnɛn

Arajaba

2017 03 29

araba

Sunkalo-makɔnɔ

2017 04 27

alamisa

Sunkalo

2017 05 27

sibiri

Selincinin-kalo

2017 06 25

kari

Fùrancɛ-kalo

2017 07 25

tarata

Selibakalo

2017 08 23

araba

* Jɔdon minnu fɔlen dòn a kalo ninnu na, fɔnkɔ bɛ Se kà Ye a dɔw la. O kɔrɔ ye ko a dɔw bɛ don fɔlen Jɛ ni tle kelen yɛlɛnni ye a kan. O la, ni sunkalo y'a ta Bon kà jɛn, sani o jɔdon ka Kɛ kalo 5nan tle 27 ye blen, o bɛ Kɛ o tle 28 ye. O fɔɲɔgɔnkɔ o sababu bɛ Bɔ an ka nasuru tàlen kɛrɛnkɛrɛnbaliya la.

* Don minnu Fɔra kà Kɛ kalow jɔdonw ye, olu tɛ a kalo masina tle fɔlɔ ye bari kalo tle dànni tɛ Dabɔ a jɔdon na. O bɛ Dabɔ a jɔdon dugujɛ la. Misali la, sunkalo jɔdon ye sibiridonya dɔ ye. O sibii dugujɛ kari bɛ Bɛn o tle fɔlɔ ma.

 

 

Blàdon : 2017-01-09     Yɛlɛmako laban : 2017-01-09


I fɛla Fɔ fasiri kan :

Captcha

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2024

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015