FÀKAN

Ziirinda                                                                                                                     2016 06 18

Donsokɛ ni fitiwalen

Nin Kɛra donsokɛ dɔ ye. Don dɔ de Kɛra a Bɔra ka Taa a ka kungoyaala dɔ la. A Taara Bɔ kɔlɔn kolon dɔ la ka Sɔrɔ Jàra, sà, mɔgɔninfin ani suruku Binnen b'o 'kɔnɔ. O kɛlen donsokɛ Kabakoyara u hinɛ Dònn'a la, a Jiginna ni ka jàra Labɔ. Jàra nisɔn Dyara a y'i kanto donsokɛ ma

- Donsokɛ i ni ce i ni baraji. I ye ne ni Kisi Ala ka hɛrɛ caman K'i yɛrɛ ye. I 'sàra tɛ n 'bolo bì nkà ni Ala Sɔnna n b'i ka ɲuman in Sara i ye don min tɛ bì ye. Ɔ, nkà 'kuma laban na donsokɛ fɛn dɔ bɛ kɔlɔn in 'kɔnɔ ko mɔgɔ i ka n'a Labɔ dɛ!

Jàra y'o Fɔ sɔrɔ min a y'i kɔ Dòn. Donsokɛ Tlara ka Jigin tun ni ka sà Labɔ. O fana nisɔn-dyakojugu y'i kant'a ma ko

- Donsokɛ i ni ce i ni baraji. I ye ne ni Kisi Ala ka hɛrɛ caman K'i yɛrɛ ye. I 'sàra tɛ n 'bolo bì nkà ni Ala Sɔnna n b'i ka ɲuman in Sara i ye don min tɛ bì ye. Ɔ, nkà 'kuma laban na donsokɛ fɛn dɔ bɛ kɔlɔn in 'kɔnɔ ko mɔgɔ i ka n'a Labɔ dɛ!

O fana y'o Fɔ k'i kɔ Dòn. Donsokɛ Seginna ka Jigin kɔlɔn kolon in 'kɔnɔ tugun ka Yɛlɛ ni suruku ye. Aa! suruku fana nisɔn Dyara a y'i kanto donsokɛ ma ko

-Donso i ni ce i ni baraji. I ye ne ni Kisi Ala ka hɛrɛ caman K'i yɛrɛ ye. I 'sàra tɛ n 'bolo bì nkà ni Ala Sɔnna n b'i ka ɲuman in Sàra i ye don min tɛ bì ye. Ɔ, nkà 'kuma laban na donsokɛ fɛn dɔ bɛ kɔlɔn in 'kɔnɔ ko mɔgɔ i ka n'a Labɔ dɛ!

Donsokɛ ye ninnu saba Labɔ kuma min, a k'a b'a kɔ Dòn ka Taa sɔrɔ min cɛ y'i kant'a ma kɔlɔn 'kɔnɔ ko

-Ee! donsokɛ, e ye ninnu minnu Labɔ olu ye kungokɔnɔ-fɛnw de ye e ɲɔgɔn hadamaden ye a fɔ e bɛ Sɔn ka Taa ka ne To n Sa nin kɔlɔn kolon in 'kɔnɔ?

Aa! a y'o Fɔ sɔrɔ min a hinɛ Dònna donsokɛ la. donsokɛ Seginna ka na Jigin ni k'a fana Labɔ. Aa! a nisɔn Dyara, a ko

-Donsokɛ i ni ce i ni baraji. I ye ne ni Kisi Ala ka hɛrɛ caman K'i yɛrɛ ye. I 'sàra tɛ n 'bolo bì nkà ni Ala Sɔnna n b'i ka ɲuman in Sara i ye don min tɛ bì ye. Ɔ, nkà 'kuma laban na donsokɛ fɛn dɔ bɛ kɔlɔn in 'kɔnɔ ko mɔgɔ i ka n'a Labɔ dɛ!

Ɔ, o ko Tɛmɛnen fo ka Mɛ,don dɔ jàra ni donsokɛ Bɛnna o y'a Sɔrɔ donsokɛ Sɛgɛna wa a tùn ma 'sògo fana Sɔrɔ nkà sògoba tùn bɛ jàra 'bolo. Jara y'a Fo ni k'i kant'a ma ko

-E bɛ ne Dɔn wa donsokɛ?

Donsokɛ fana y'i kant'a ma

-Aa! n t'i Dɔn nin cogo in na dɛ, fo ni y'i yɛrɛ Fɔ n ye Dɔɔni.

Jara k'a ma

-i ye jàra min Labɔ kɔlɔn kolon 'kɔnɔ o sàn jan na o de ye ne ye. N tùn ye lahidu Tà i ye n ko n b'i ka ɲuman Sàra i ye, o tuma na o don de ye bì ye nin sògo in bɛɛ Minɛ i ka Taa 'so i ta dòn.

Aa! o kɛlen donsokɛ nisɔn Dyara a ye sògo Tà f'a bɛ Dɛsɛ a 'kɔrɔ. A taatɔ ni suruku fana bɛnna tun. O y'a Sɔrɔ suruku tùn ye màsakɛ dɔ ka sanu Soɲa. A ye donsokɛ Ye sɔrɔ min a ko

-Donsokɛ i ni Ce. Yala e bɛ ne Dɔn wa?

Donsokɛ y'i kant'o fana ma ko

-Aa! n t'i Dɔn nin cogo in na dɛ, fo ni y'i yɛrɛ Fɔ n ye Dɔɔni.

Suruku y'i kant'a ma ko

-i ye suruku min Labɔ kɔlɔn kolon 'kɔnɔ o sàn jan na o de ye ne ye. N tùn ye lahidu Tà i ye n ko n b'i ka ɲuman Sàra i ye, o tuma na o don de ye bì ye nin 'sanukuru in Minɛ i ka Taa 'so i ta dòn.

Donsokɛ y'o fana Minɛ, a nisɔn dyakojugu fɛ f'a bɛ Yɛlɛ fiɲɛ fɛ. Donsokɛ Taara 'so awasalen. Ɔ, nkà o tɛmɛnen 'kɔ ni tle damadɔ ye màsakɛ Nàna Wuli a ka sanu ɲinini na. A y'i Sara dugu 'mɔgɔ bɛɛ la ko ni min Sera k'ale ka sanu yeli sababu ye k'a bɛ ladyalifɛnba dɔ Di o tigi ma. Aa! o kuma Fɔra màsakɛ fɛ yɔrɔ min. Donsokɛ ye cɛ min Labɔ kɔlɔn kolon 'kɔnɔ o sàn jan na o y'i Dɛn ka Taa Fɔ màsakɛ k'a ka sanu bɛ donsokɛ de 'bolo. Ɔ, o kɛlen màsakɛ fana y'a Blà a yɛrɛ 'ɲɛ ka Taa donsokɛ fɛ yen. U yen sanu Minɛ donsokɛ la wa màsakɛ Tlala ka jɔnw Blà k'a Siri ka Blà so dɔ 'kɔnɔ k'a bɛ Tla ka n'a fàa. Aa! an b'o de la jaa kɔngɔ de ye sà fana Minɛ o Bɔra k'a bɛna dumuni Лini a munun-mununbaatɔ Nàna Bɔ donsokɛ sirilen dalen na. A Kabara k'i kanto donsokɛ ma ko

- un ye nin Lase e ma donsokɛ?

Donsokɛ fana y'i kant'a ma

-E y'a Dɔn cogo di ko ne ye donso ye?

-E Flila ne ma wa? sa kan bɛ ten.

Donsokɛ y'i kanto o fana na ko

-Aa! n t'i Dɔn nin cogo in na dɛ, fo ni y'i yɛrɛ Fɔ n ye Dɔɔni.

Sa k'a ma

- i ye sà min Labɔ kɔlɔn kolon 'kɔnɔ o sàn jan na o de ye ne ye.

Aa, o kɛlen donsokɛ fana Dònna kuma ɲɛ na k'a bɛɛ F'a ye. Sà Sɔrɔla k'i kanto o la ko.

-o tɛ 'baasi ye, N tùn ye lahidu Tà i ye n ko n b'i ka ɲuman Sàra i ye, o tuma na o don de ye bì ye ne 'bolo dɛ. I ye màsakɛ min Kofɔ n b'a Dɔn. Wa fɛn min ka Di a ye dyɛnsosigi in na o dàn y'a muso ncinin ye. O tuma na n'o Taara koli la bì ʃu in na n Taa a Kin. N'o Kɛra u bɛ na Bòli ka fura Лini fàn bɛɛ nkà ni ne daji tɛ a tɛ Bɔ a la. Nkà n'u Nàna i Лininka i b'a Fɔ k'i bɛ Se k'a furu Kɛ ko nk'a fura bɛ Dla ni nafiki kunkolosɛmɛn de ye. O la, n bɛ na dajinin Di i ma, n'u y'o Лini ka Nà i b'i Dɛn ka daji in dɔ Mun a yɔrɔ la a bɛ Kɛnɛya o yɔrɔ bɛɛ. Ɔ, ni min Bɔr'o la an bɛ na o Ye.

Aa! Nàna Ko. Màsakɛ ka muso mandi in Taara màsakɛ ka ji Sìgi o Taar'i Ko. A yɛrɛ ye npalan Fa ka Dòn k'a bɛ n'i Ko, aa! a y'i tɛgɛ fla Fa k'a Seri a kɔ la yɔrɔ min sà k'a saba a kùn ko paraw yɔrɔ min o ʃi man kɔrɔya ni ʃi ye. Aa! dàga Wulila sɔnkala ma Ye. U ye fàn bɛɛ Dòn ɲɔgɔn sa furakɛli o furakɛli, nkà a ʃi ma mako ɲɛ. O y'a Sɔrɔ jɔnkamalennin dɔ tùn bɛ màsakɛ 'bolo o hakili tùn ka Di kosɛbɛ ni ko tùn gwanna màsakɛ tùn bɛ Dɛn k'o Лininka sɔn. U Dɛsɛlen a Nàn'o Weele k'a Лininka a hakilina na. O kɛlen jɔnkɛ fana y'i kanto o la k'a ye donsokɛ min Siri k'a ka T'o fana Лininka ko bari sàfura ɲuman ka Teli ka Sɔrɔ o fana 'bolo. O kɛlen màsakɛ m'o Blà dàga girin dala a Taara donsokɛ nɔ fɛ k'a Лininka. Donsokɛ fana k'a ma k'ale bɛ Se k'a fura kɛ ɲɛ Tugu n'a Yɛlɛ 'cɛ, ko nkà a fura de tɛ Sɔrɔ. Màsakɛ k'a ma k'a k'a Fɔ ko hali ni ale bolola-fɛn bɛɛ bɛ Taa a da fɛ k'a b'o Kɛ walasa a muso ka kɛnɛya. Ɔ, donsokɛ fana y'i kanto o la ko a fura bɛ Bɔ nafigi kunkolosɛmɛ de la. Aa! o kuma Fɔ donsokɛ fɛ màsakɛ Yɛlɛla ni k'i kanto donsokɛ ma k'o kɔni Sɔrɔla ka Ban. Cɛ min ye donsokɛ ka sanu Kofɔ a ye jɔnw Blà k'o Gɛn ka Minɛ ni k'a kunkoloTigɛ k'a Ci k'a sɛmɛ Bɔ ka N'a Di donsokɛ ma. O fana y'i Dɛn k'i tɛgɛ Da 'sà daji in na ni k'a Kɛ ka muso sèn Saalo. Aa! o Kɛra sɔrɔ min na muso Wulila k'i Jɔ i komin kabini Ala y'a Da 'kàla ma deli k'a wagaʃi. O kɛlen màsakɛ tùn ye sanu mi Minɛ a la a y'o sanu kuru ɲɔgɔn na tan Fàra kɔrɔlen na ka D'a ma. Ka Tla k'a Kɛ a ka kɛlɛ kuntiigi ye, ni k'a Fɔ a ye tun ko ni fɛn o fɛn y'a ja dugu in kɔnɔ k'a bɛ Se k'o Kɛ. Wa ko ni Ala ye ale miniji Dɔgɔya k'ale ka dugu kalifalen b'a la.

N y'o Sɔrɔ yɔrɔ min an y'o Blà yen.

 

Blàdon : 2016-06-19     Yɛlɛmako laban : 2016-06-19


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015