FÀKANBamanankan gàsimadaɲɛ fɔtaw dɛnkɛrɛfɛ tìgilamɔgɔw ma an’u sùturafɔcogow bìlasiralisɛbɛn
langages_stigmatisants_bamanan_et_melioratifs.pdf
Kulu dɔw dɛnni kɛrɛ fɛ k’a sababu kɛ u ka lujura n’u ka baara cogoya ye, o ye kɛnɛkanko ye Mali la. Dɛnkɛrɛfɛ bɛ kɛ o kulu minnu na o dɔw ye musow ka kulu ye, funankew ka kulu ani lujura tigilamɔgɔw ka kulu. O la sa, komin dɛnkɛrɛfɛ suguya ka ca, a sugu jumɛn de kuma bɛ sen na nin sɛbɛn in kɔnɔ ?
Kuma kan bɛ min ma yan, o ye dɛnkɛrɛfɛ min bɛ kuma kɛcogoya kan k’i sara kulu kofɔlen ninnu na. Kumacogoya bɛ dɛnkɛrɛfɛ min bange o ye fɛn sidɔnnen ye sigida bɛɛ kɔnɔ. Fura dun bɛ a dɛnkɛrɛfɛsugu la. Kan fɔbaajama tɛ dɛsɛ k’a fiyɛn latilen fiyewu ni bolodali dɔw bilali ye sen kan a latilenni kan ma. O dɛnkɛrɛfɛ latilenni dɔ waleyara faransɛkan na ka tɛmɛ, kan min na gasimadaɲɛ dɔw i n’a fɔ « aveugle (fiyentɔ), sourd (tulogeren) » fɔli falenna k’u suturalen fɔcogo bila u nɔ na ko « non-voyant (yelikotɔ), malentendant (tulokotɔ) ».
N’a fili latilenni bolodali dɔ bilali tɛ sen kan, kumakanjuguya ka dɛnkɛrɛfɛ bangelen kɔlɔɔlɔ tigilamɔgɔw ka telin k’u senbɔ sigida jamakow la i n’a fɔ kalataw, ani kumaɲɔgɔnyaw. O sababu y’a to IFES-Mali (International Foundation for Electoral Systems) ye kalata tɔgɔlayɛlɛma bolodali dɔ bila sen kan min laɲini ye ka dɔ bɔ sigida sirinnawalew girinya la sanko kumakanjuguya dɛnkɛrɛfɛwale ta. Bolodali don min waleyali bɛ ka bɔ a sira fɛ ni jama sendonni waleyaw ye kunnafoniko la.
Blàdon : 2023-11-16 Yɛlɛmako laban : 2023-11-16
