FÀKAN

Ziirinda                                                                                                               2016 06 21

Jinɛw ka sɛnsɛn sɔnniko

Nin Kɛra jinɛjamana dɔ ye, forobaboli dɔ tùn bɛ yen n'a bɛ Weele ko Sɛnsɛn. 'Sàn o 'sàn u tùn b'a Sɔn ni nimafɛn dɔ ye min bɛ ɲɛnawolomali Kɛ. U b'a Лini kungokɔnɔfɛnw de la kɔrɔlen. Nkà sàn dɔ Kɛra u ye kungokɔnɔna bɛɛ Dòn ɲɔgɔn na u ma kungokɔnɔfɛn ɲɛnawolomalikɛla Sɔrɔ. O kɛlen, jinɛmasakɛ fana ye jinɛcɛkɔrɔba ni jinɛkamalen bɛɛ Weele màsablon na, ka n'a F'u ye k'ale fà Ko k'a y'a Mɛn ale mɔkɛ 'da k'a Fɔ ko olu jinɛw ka djɛnwuli sababu bɛ na Bɔ sɛnsɛn sɔnbaliya la sàn dɔ la. A K'u ma k'o tuma na bɛɛ k'i Labɛn ka saya Kɔnɔ yanni dwaakun fla cɛ, bari sɛnsɛn sɔnni waati tɔ Tor'o ye.

Jinɛmasakɛ tlalen o fɔli la a y'i 'Лɛsin jinɛkamalenninw ma k'i kanto:

- Kɛrɛnkɛrɛnnenya la aw jinɛkamalenw, aw ye jinɛya Kɛ hadamadenya ye, wa aw y'a Dòn ngalama na. K'a Tà anw mɔkɛw ka na Tɛmɛ an fàw la fo ka na Se anw ma, 'màsakɛ ma deli ka mɔgɔw Weele sɛnsɛn sɔnfɛn sɔrɔbaliyako-kuma na. Ɔ, aw de tle la nin bɛ Kɛ. Ayiwa, kumalasurunnya la, an ka ɲɛnamaya n'an ka djɛnban bɛ aw 'bolo dwaakun fla 'cɛ. Aa! a y'o Fɔ yɔrɔ min a Wulila k'i kɔ Dòn.

O y'a Sɔrɔ jinɛkamalennin dɔ tùn bɛ yen, o tɔgɔ tùn ye Seeni ye. Donsoya de tùn ka Di seeni ye. Ɔ, nkà Seeni tùn mà man di fiyew, o Kɛra sababu ye k'a Kɛ jɛɲɔgɔnntan ye jinɛjamana in na yen. O màngoya min tùn bɛ Seeni kan o y'a To jinɛkamalenw bɔlen màsablon na, u Fàrala ɲɔgɔn kan ka kungokɔnɔna Minɛ k'u bɛ Taa sɛnsɛn sɔnfɛnɲini na nkà u ma ma fɛn Fɔ Seeni ye. O kɛlen Seeni fana Nàn'a kuma Лɛfɔ a ba ye. Ba k'a ma k'a ka Tugu u 'kɔ ten, ko n'o tɛ ko n'u taamakun Лɛbɔra ko màngoya min b'olu kan ko dɔ fana bɛ na Fàra o kan. O kɛlen Seeni m'a ba kumakan Sɔsɔ. A Wulila k'u nɔfɛtugu, a Ser'u ma tuma min na, jinɛmalenkuntigi y'i kant'a ma k'a ka B'u 'kɔ, ko n'o tɛ k'olu bɛɛ bɛ Segin ko wa olu tɛ dàn o ma k'u bɛ Tla ka Taa Fɔ màsakɛ ye. Seeni dùn y'a Dɔ ko n'u Seginkokuma Sera màsakɛ ma k'a sababu K'ale ye k'o kɔni ye fagali kun kelen ye. Seeni kasibaatɔ Seginna ka n'o Лɛfɔ ba ye. O fana yi Kɛ kasi kan. A Kasibaatɔ b'a Fɔ:

- Ee! Ala mun na i b'an Dan ka tla ka màngoyamugu Tà k'a ʃuuru an Kan?

Seeni Nàna a ba ma, k'a bɛ Taa kungoyaala la. Ba fana kasibaatɔ ye dugawu K'a ye. A Bɔra, a Taara ka Taa, ka Taa... fo ka Taa Se kungo jan dɔ la, nkà a ma sògo Sɔrɔ. ʃu Nàna Kò k'a To yen minkɛ a y'i Da yen ntabanɔgɔsunba dɔ 'kɔrɔ. Seeni sunnɔgɔla fo ka dugujɛ Kɛ k'a Minɛ sɛgɛ y'o sababu ye. A bɛ Wuli tuma min na a y'a Sɔrɔ tle Bìnna ka Bɔ. A Sinna k'i Yɛlɛma ka Kɛ miniya belebele dɔ ye, o y'a Sɔrɔ nɛrɛsun jalan dɔ bìnnen bɛ tabanɔgɔsun in da fɛ fana jaa o kɔnɔna tùn ye 'wòba ye a y'i sɛɛnɛn ka Dòn o 'kɔnɔ.

Ɔ, nkà jinɛkamalen-kulu min ye Seeni Gɛn ka B'u 'kɔ, olu Taara kungo fàn bɛɛ Dòn ɲɔgɔ na u ma 'fɛn Sɔrɔ u Seginna ka Nà 'so jinɛcɛkɔrɔba Fàra jinɛkamalen kan bɛɛ y'i Sìgi sa ka saya Makɔnɔ.

Ɔ, nkà ka Seeni T'a ka nɛrɛjalanwo la yen, Dɔɔni a tlo b'a la jelemankan bɛ ka Bɔ nɛrɛsun in na. A Siranna, a hamina, ni k'i kanto a yɛrɛ 'kɔnɔ ko nin ye hadamaden ka baara ye. Jaa Seeni Nàn'i yɛrɛ Sɔrɔ hadamadenjamana dɔ da fɛ, o dugu npogotiginin dɔw de tùn Nàna dɔgɔjalanɲini na yen. O nɛrɛsun jalan yelen olu fana nisɔn Dyara u y'u k'o bolow tigɛli kan. Npogotigininw mana ɲɔgɔn Sɔrɔ u tɛ Fa u ka cɛko baro la. Dɔ Nàna u bɛɛla kɔrɔbalen Лininka n'o ye Sajo ye ko mun na a flanw bɛɛ bɛ furu la ale dùn ma furu fɔlɔ. Sajo Yɛlɛla k'i kant'a ma ko bɛɛ ni janɲɛko. Ko cɛw Bɔra ale Sajo 'kɔ fo ka caya ko nk'ale m'a ɲɛna Ye olu ʃi la. A k'a y'a Fɔ a 'fà ye ko jolifɔn bɛ 'cɛ o 'cɛ la k'ale tɛ Furu o cɛsugu ma, ko cɛ fɛn o fɛn dun Nàna ale Лini a fà fɛ ko jolifɔn Yer'a Bɛɛ la, k'o de la ale fana ma Sɔn u ʃi la. Ko wa n'ale ma 'cɛ jolifɔnntan Sɔrɔ k'a tɛ Furu cɛ wɛrɛ ma. Seeni kɛlen k'o Mɛn k'a To nɛrɛwo kɔnɔ yen. A nisɔn Dyara. Npogotigininw y'u ka dɔgɔ Tigɛ k'a Siri ka Nà 'so minkɛ Seeni fana Bɔra k'i Yɛlɛma ka Kɛ hadamaden ye, kamalen ɲumannin wa jolifɔnntan dɔ ye. K'i Лɛsin dugukɔnɔna ma. A selen yen a y'i Лɛsin sojow ka so ma. A selen du 'kɔnɔ a y'i Madon sajo fà la k'a F'a ye k'a Nàna a denmuso Sojo Лini 'furu la. O kɛlen, fà fana ye weele Blà ka Sajo yɛrɛ ma k'a Лɛf'a ye. Sajo Sɔrɔla ka jinɛ Seeni Lajɛ koɲuman a ma jolifɔn Y'a la. O kɛlen a y'i kant'a fà ma k'a bɛ Furu o ma. U ye Sajo ka kow bɛɛ ɲanabɔ k'a Ban pew. A bɛ Blà ka Taa don min na, a dɔgɔmuso dɔ tùn bɛ yen n'o ye Sìtu ye, o y'i kanto Sajo ma k'ale ma Da Seeni ka hadamadenya la, ko bari k'a Tà Seeni Nàdon na ka na Se bì ma ko màa ʃi tɛ Seeni bɔdugu Dɔn. Nkà Sajo ma hali kàlan Dòn a ɲi na ka Bɛn n'o kuma ye. Tuma min na labɛnw Sabatira, u ye fɔlifɛnw Tà ka Sajo n'a cɛ Sɛnsɛn ka Bɔ soforokun na. U selen yen, bɛɛ Seginna fo k'a tɔ To Sajo n'a cɛ n'a dɔgɔmuso Sìtu ye. U ye sira Minɛ u bɛ Taa u bɛ Taa... Fo u Taara Se 'yɔrɔ la Sajo ni Sìtu fla ʃi tɛ yɔrɔ min Dɔn. Sìtu bɛ Bali min na, a ye Seeni ni Sajo fla bɛɛ Лini ka Dɛsɛ. O y'a Sɔrɔ Seeni ye Sajo Yɛlɛma ka Kɛ kabakurunin dɔ ye, k'a yɛrɛ yɛlɛmana ka Kɛ tenntannin dɔ ye k'i Sìgi jiribolo dɔ la k'i kanto Sìtu ma k'a ka Segin ka Taa 'so ko ka Taa Fɔ Sajo 'ba n'a 'fà ye k'u burankɛ tɛ mɔgɔ ye ko jinɛ jugu dòn, k'u denmuso na Kɛ ka jinɛjamana kunmabɔ. A y'o Fɔ minkɛ ka Wuli ka Taa ni Sajo ye sɔgɔsɔgɔ. Ɔ, o kɛlen sa, sira Yɛlɛna Sìtu ye O kasibaatɔ Nàna Dòn 'so, k'ale kɔrɔmuso totɔ bɛ jolifɔnntan furu la. Seeni Jiginna jinɛjamana na ka sɛnsɛn sɔnni sarati tɔ To tle sàba ye. A Taara ni Sajo ye masakɛ fɛ yen. K'ale ye nin sògo in Sɔrɔ bì ko nin bɛ Se ka Kɛ ka sɛnsɛn Sɔn ko bari nin ye ɲɛnawoloma Kɛ cɛ ni ɲɔgɔn 'cɛ f'a flanw bɛɛ Taara 'furu la k'a To. O y'a Sɔrɔ jà ni kɔnkɔn tùn y'a da Minɛ ka jinɛjamana Nakasi ka Ban. Ɔ, nkà Seeni nàlen ni Sajo ye o Dyara jinɛ cɛ, muso denmisɛnnin ni màakɔrɔba bɛɛ ye. U ye Sajo Minɛ k'a Kɛ ka sɛnsɛn Sɔn. Aa! o kɛlen hɛrɛ Nàna jinɛjamana kan ji Sɔrɔla nɛma Sɔrɔ dannifɛnw Лɛna. Aa! jinɛmàsakɛ nisɔndyalen y'a ka jamana npogotigi bɛɛ Fàra ɲɔgɔn kan ko Seeni k'a Лɛnakala ko hali n'a ɲɛna Bɛnna ni waleta ye k'o bɛ Di a ma. O don kamà, npogotigi min tùn cɛ ka Лi ni jinɛnpogotigi bɛɛ ye o kɔɲɔ Bɔra ka Di Seeni ma. ka Tla ka sanu Caman D'a kan. Nkà o ʃi ma màsakɛ Bɔ, a Tlala ka jinɛkamalennin dɔw Sugandi k'u Blà jamana 'kɔnɔ ko ni Seeni n'a ba ka tɔgɔ jugu Sɔrɔ la min 'da k'o bɛ Minɛ k'a Fàga. Sajo ka ɲɛnawoloma Labann'a ma Bɔnɛ ye, Seeni ka màngoya Labann'a ma mandya ye.

N y'o Tà yɔrɔ min, n y'o Blà yen.

Blàdon : 2016-06-22     Yɛlɛmako laban : 2016-06-22


I fɛla Fɔ fasiri kan :

Captcha

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2024

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015