FÀKAN

Mali duguw >

Sùsula

Dugu yɔrɔfɔli

Sùsula bɛ Kucala kolomi fɛ. Molobala min bɛ Sikaso marabolo la, o galoda-dugu dɔ dòn. Sùsula ni Kucala cɛ ye bamɛtɛrɛ 35 ye. Nka a ni Molobala fana cɛ tɛTɛmɛ bam 2 kan. Sùsula lasɔrɔli ma nɔgɔ bari a tɛ gudɔrɔnda la. Nka lasɔrɔ cogo min b'a la sɔnnɔgɔya bolo ma, o ye, i Bɔra Kucala fɛ o, i Bɔra Kuri fɛ o, f'i ka Tɛmɛ Molobala fɛ ninka sɔrɔ k'i kùnda a kan. A ni Sokurunin, Farawula, Ntɔso ani Molobala de bɛ dàncɛ Bɔ.

Dugu tɔgɔko

Mɔgɔ min ye Sùsula tu Tigɛ a ka baara tùn ye sὲnɛ ye. Wa o sababu kelen in de Taara n'a ye yen. Misi caman de tùn b'a 'bolo. Bàna nana Dòn a ka misiw la nink'u Fàga. O misiʃuw tolilen k'u kasa Bɔ, dimɔgɔw fana Nàna ka caya a yɔrɔ la. O kɛlen i tɛmɛtɔ a yɔrɔ da fɛ, i tùn bɛ misiʃuw Ye fàn bɛɛ dimɔgɔw tolen b'u kan. O kɛlen mɔgɔw fana Tora k'a yɔrɔ Weele ko "Susɔmɔɔkan". Susɔmɔɔkan ye mamaradaɲɛ ye, a kɔrɔ ye ko " Dimɔgɔw ka dugu". Nka a ka Fɔ a ma ko "Sùsula", o Sɔrɔla bamanankanfɔlaw ka fɔcogo fɛ. Sùsula nacogo ye nin ye.

Dugu dugutigiya

Sùsula Marala Molobala màsakɛw fɛ ka Tɛmɛ. Nka màsakɛ-fanga Bannen, Sùsula mara mùmɛ Seginna a dugutiw ma. Sugandili Tɛ sùsulakaw ka dugutiya la. Du kelen bɛ Sùsula u ka dugutigiw bɛ Bɔ min 'kɔnɔ. O du in na, cɛ min ka kɔrɔ ni tɔw ye o de bɛ Kɛ dugutigi ye. Bì (2015), Lozeni Sangare ( sènfɛ juru: 60879438) de ye yen Dugutigi ye.

Dugu bònya

kìn fla de bɛ Sùsula olu ye Wazerela ani Kagookan ye. Sùsula sìgikɛnɛ tɛ o ʃi kɛnɛba ye. A tu tigɛli ni sisan (2015) 'cɛ a ma sìgiyɔyɔ-yɛlɛma Kɛ.

Dugu siyako

Miɲankaw, fulaw, dɔgɔnɔw ani bamananw de bɛ Sùsula. O de y'a To bamanankan, fulakan, ani dɔgɔnɔkan bɛɛ bɛ Fɔ yen Mamara kɔ fɛ. Jàmu Sangare, Danbɛlɛ, Jara, Tarawele, Kulubali, Ginndo, Jalo, Sise, Sidibe, Munkoro ani Sanɔgɔ bɛɛ bɛ Sùsula.

Dugu baarako

Susulakaw bɛ Saɲɔ, keninke, kàba, kɔɔri, tiga, tiganinkuru, ʃɔ, tiga, saza, malo, mangoro, lenburuba, lenburukumunin, manje, sɔmɔ, tubabunkɔyɔ, tamati, fòronto ani ʃù Sὲnɛ.

Daaba ni kamanmafɛn kùnda, u bɛ misi, saga, bà, fàli, wùlu, sò, kami, ʃɛ, ani tonkɔnɔ Mara.

Laadala mɔnikɛyɔrɔ kelen bɛ Sùsula n'o bɛ Weele ko Nuwege. U b'u ka mɔni Kɛ ni jɔw, byɛnw ani npolow ye.

Susulakaw bɛ jago misɛnninw fana Kɛ ka fàra geseda ni donsoya, jiriʃi, jurufugan fìnisɔgɔ kan.

Dugu yiriwaliko

Lakɔliso, musojigin-so, ɲɔsimansinw, pɔnpekɔlɔnw, jabaraninw, kɔɔrisuguw, motow ani kalalikɛ-mansinw bɛ sùsulakaw fɛ yen ko kurako siratigɛ la.

CMDT ani USAID ye baɲumankɛ-tɔnw ye minnu ye dɛmɛ Dὸn Sùsula ye yiriwaliko hukumu 'kɔnɔ. Wa u ka yiriwako fànba fana tùn bɛ sὲnɛ ni baganmara de 'kùn kan kosɛbɛ.

Dugu kàlanko

Balikukalan bɛ Kɛ Sùsula a bɛ sàn 50 ɲɔgɔn Bɔ bì (2015). Lakɔlikalanso kelen kelen bɛ u fɛ yen duguma-dakun fàn fɔlɔ kàlanw bɛ Kɛ o 'kɔnɔ. Madaraso kelen fana bɛ u fɛ yen duguma-dakun fàn fɔlɔ ani duguma-dakun fàn flanan kàlanw bɛ Kɛ olu 'kɔnɔ.

Dugu batoko.

Silamɛya dɔrɔn de bɛ Sùsula. O misiri fla b'u fɛ yen.

Dugu ɲεnajεko

Seliw, kɔɲɔw, burannɛnɛ ye Susulakaw ka ɲεnajεlakow ye. U ka fɔlifɛnfɔtaw ye bala, bàra, bɔnɔ, nburu ye.

Dugu kungoko

Kɔ Saba, dàla naani ani jɛ kelen bɛ Sùsula kungo 'kɔnɔ yen.

Dugu kabakoma-yɔrɔko

‘Kabakomayɔrɔ tɛ ntɔsokaw fɛ ko mɔgɔ bɛ Se ka Taa i ɲɛ Da min kan. 

 

Blàdon : 2016-06-19     Yɛlɛmako laban : 2016-07-29


I fɛla Fɔ fasiri kan :

Captcha

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2024

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015