FÀKANKr Dukure > Sɛbɛnnikɛla >
Kr Dukure: Sɛbɛnnikɛla
Karamɔgɔ ka ko ma Dàn dalafɔ dɔrɔn ma. A ma Dàn hali kàlanso-kɔnɔkalan dɔrɔn ma. A b'a Dɔn ko a bɛ sira minnu kan ko n'a ma nɔ wɛrɛ Blà a ka kɛtaw la k'u laban tɛ na mago Лὲ. Nɔ wɛrɛ min b'a To hakilila bɛ yɔrɔ jan Sɔrɔ ani ka Mɛn 'ʃì la n'a fɔbaa yɛrɛ ye o ye hakili blàli ye sɛbɛnfura kan. O y'a To Kr Dukure ye hakilila caman Fɔ ka Tla k'u Sɛbɛn ka Kɛ 'gafe ye. A ka gafe sɛbɛnnen caman kɔni ma Bɔ sɛbɛnca-sobaw la. A fànba bɛ Kɛra a yɛrɛ ka sɛbɛnca ye a ka so yen.
A ye gafe minnu Sɛbɛn olu bɛ dakun caman na. U b'a Dabɔ poyigafew la, ɲɔgɔlɔngafew, faamuyagafew, ziiringafew, degeden-gafew, siginikalan gafew, mabɛngafew, daɲɛgafew, dɔnniya ni dɔnniya forobayaligafew fo ka Se hakilijaka-bɔgafew ma. Min bɛ Fɔ ka Fàra o kan, o ye a gafew ma Sɛbɛn kan kelen na. A tla bɛ bamanankan na sa, nk'a dɔw fana bɛ soninke (marakakan) la. A fànba y'a yɛrɛkelenna-gafew ye. Kelen-kelen b'a la minnu y'a ni mɔgɔ wɛrɛw 'jὲ ye. A ka gafe dɔw fana bayɛlɛmani ye ka Bɔ farasɛkan na kà Nà bamanankan na. A gafew mankutu Flɛ nin ye:
A ka gafe minnu bɛ bamanankan na
Bamanankan mabɛn, 1974, MAKDAS sɛbɛnca, a ni Bubakar Tarawele ni Adama Samaseku ka jὲ ‘kɔnɔ
Bamanankan degeden-sɛbɛn, 1990,
Miiri de bɛ ɲɔ kɛ dlɔ ye, 1979, ziirin
Geseba falentan, 1978, ziirin
Fatɔya ni jigiya, 1980, faamuya
Ni sàn Cyɛnna jate tɛ kalo la, 1978, Editions Cauris 2009, ɲɔgɔlɔn
Poyigafe, 2008,
Sɛbɛnko bɛrɛ, 1990,
Jyɛnlatigɛ kangɛlɛya, 2010,
Kunkandɔn, 2008,
Лɛgɛnkalan, 2000,
Hakilijakabɔ bamanankan sɛbɛncogo kan, 2007
A ka gafe minnu bɛ soninke la
Soninken ceeredi Kitaabe, 1999,
Saha moxo sire, 1995,
A ka gafe dɔw ye jansalan Sɔrɔ i n'a fɔ
Ninnu t'a ka gafe bɛɛ ye. A ka gafe dɔw ma Sɛbɛn sɛbɛnfura kan. Olu Sɛbɛnna biribara kan walima kurannanma. Olu bɛ Lajɛ mansin kan ko latigɛlan. A ye daɲɛgafe min Baara 2007 sàn na, a ni Isiyaka Baalo ka jὲ ‘kɔnɔ, o bɛ latigɛlan kan. O ye daɲɛgafe ye min kɔnɔdaɲɛ ka surun daɲɛ 14 000 na. Kankelen-daɲɛgafe fana dòn bamanankan na ani soninke la. Nanflamayɔrɔ dɔw b'a la i n'a fo farasɛkan-bamanankan daɲɛsɛbɛn ani zanaw.
Komin sɛbɛnni t'a ka nɔblalan dɔrɔn ye, a ka kɛlenw nɔ bɛ Ye sira wɛrɛ minnu fɛ o dɔw ye a kan tàliw ye, a ja tàliw (lamagaja Fàra ja jɔlen kan), ani latigɛdɔn sira fana fɛ.
Blàdon : 2016-06-27 Yɛlɛmako laban : 2017-04-16
