FÀKAN

Mali duguw >

Sìnsinna

Dugu yɔrɔfɔli

Sìnsinna ye mali dugu dɔ ye min bɛ Sikaso marabolo ani Kucala kolomi la. Mali galoda dɔ dòn fana. Sìnsinna bɛ Kucala kafoda duguw fɛ. Sìnsinna ni Kucala cɛ bɛ Bɛn bam 1 ma. Kucala kɔ fɛ, a bɛ dugu wɛrɛw cɛ la i n'a fɔ Kanikɔ ani Лitabuguru.

Dugu tɔgɔko

A bɛ Fɔ Sìnsinna ma fana ko ʃiʃikan. Sìnsinna bɛ Jate ka Kɛ a bamanankantɔgɔ ye. ʃiʃikan, o y'a mamaratɔgɔ ye.

Dugu dugutigiya

Sìnsinna ma ‘màsakɛ-duguya Kԑ ka Tɛmɛ, nka a tùn bɛ Mara dugu dɔ fɛ n'o ye Kucala ye. A bìlama bɛ Mara faama-dugutigi de fɛ.

Dugu bònya

Sìnsinna mùmɛ ye kìn wolonfla ye. Olu ye Fasɔgso, Sokalaba, Numusokala, Kiniso, Ntɔgɔso, Kongalaso ani Sɛɛso ye. A mɔgɔ bɛ 4676 ɲɔgɔn Bɔ. A sìgikɛnɛ tɛ o ʃi kɛnɛba ye ten. Tomon kɔrɔ tɛ Sìnsinna.

Dugu siyako

Miɲankaw dɔrɔn de bɛ Sìnsinna. Yen jàmuw ye Danbɛlɛ, Kulibali, kɔnɛ, sise, Jabaatԑ, ani sanɔgɔ ye. Mamara ni bamanankan fla bɛɛ bɛ Fɔ yen, nka mamara de fɔli ka ca ‘forobaya la.

Dugu baarako

Sɛnɛ ye sìnsinnakaw ka baaraw la fànba ye. O sɛnɛfɛn dɔw ye saɲɔ, keninke, kàba, kɔɔri, tiga, tiganinkuru, ani ʃɔ ye.
Sɛnɛ kɔ fɛ, nakɔlabaaraw bɛ Kɛ yen. U bɛ nakɔjiri dɔw Sɛnɛ i n'a fɔ mangoro, lenburu ani manje. Nafɛn dɔw fana bɛ Sɛnɛ yen i n'a fɔ tubabunkɔyɔ, tamati, jaba, fòronto ani ʃù.
Numuya bɛ Kɛ Sìnsinna. U ka numuw bɛ Dàbadlaw, kòlonbɔw, bɔgɔdaga-dlaw ani segeredlaw Kɛ.
Sìnsinnakaw bɛ baganmara Kɛ. O baganw na, u bɛ misiw, fàliw, sagaw, bàw, lὲw ani wùluw Mara. Nin bagan kofɔlen ninnu kɔ fɛ, u bɛ kamamanfɛn dɔw fana Mara i n'a fɔ ʃɛw, kamiw, ani tonkɔnɔw.
Baganmara kɔ fɛ, jago fana bɛ Kɛ Sìnsinna, bari u bɛ sɛnɛfɛnw, butigifɛnw ni baganw Jago u magow ɲɛnabɔli kama.
Ninnu bɛ tɛmɛnen 'kɔ, bololabaara bɛ Kɛ yen i n'a fɔ jiriʃi, kalali, ani motodlaw.
Sìnsinnakaw fɛ yen, donso-bolodon bɛ Kɛ.  

Dugu yiriwaliko

Sìnsinna ka yiriwaliko siratigɛ la, kɛnɛyaso kelen ani musojigin-so kelen bɛ yen. Лɔsimansinw, pɔnpekɔlɔnw, jabaraninw, kɔɔrisuguw, motow ani kalalikɛ-mansinw fana bɛ Sɔrɔ yen. Sìnsinna ni baɲuman-kεtɔn minnu jra ka baara Kԑ, o dɔ ye CMDT ye. O ka yiriwa ɲɛsinnen bɛ kɔɔrisɛnɛ, nɔgɔkow, sanni ni feere ani juruko ma.

Dugu kàlanko

Balikukalan, lakɔlikalan, madarasa bɛɛ bԑ Kɛ Sìnsinna.
Sìnsinna ka lakɔli-kalanso ye foroba ye. Dugumakalan  fàn fɔlɔ ni fàn flanan bɛɛ b'a la. A dugumakalan fàn fɔlɔ kàlanso la, sànwɔɔrɔ-kàlan bε Kε yen. A fàn flanan na, sànsaba-kalan bɛ Kɛ o 'kɔnɔ.
Madarasaso min bɛ u 'bolo o dàn ye dugumakalan fàn fɔlɔ ye sànduuru-kalan bɛ Kɛ  min na.

Dugu batoko

Silamɛya bɛ Sìnsinna. A batoso duuru bɛ yen. Mɔgɔ min Nàna ni yen silamɛya ye o ye Fàcɛ ye. Silamɛya tɛmɛnen 'kɔ, laadalabato dɔw bɛ u fɛ yen. Olu la, ɲa ni kɔrɛ ani ɲamakɔrɔ b'o la. U ka ɲa batoyɔrɔ tɔgɔ ye ɲato ye. O kelen de bɛ yen. U ka kɔrɛ batoyɔrɔ tɔgɔ ye kɔrtan ye min fana kelen b'u fɛ yen.

Dugu ɲεnajεko

Лɛnajɛlako minnu bɛ sìnsinnakaw fɛ yen olu ye seliw, sɔnniw, sangaw, sanyɛlɛma ani kɔɲɔw ye. Fɔlifɛn minnu bɛ Fɔ a ɲɛnajɛw la olu ye bala, bàra, jenbe, bɔnɔ ani dunun ye.

Dugu kungoko

Kɔ kelen ni dala sàba bɛ Sìnsinna kungo ‘kɔnɔ.

Dugu kabakoma-yɔrɔko

Kabakomayɔrɔ 'fɛn tɛ Sìnsinna.

Blàdon : 2016-01-20     Yɛlɛmako laban : 2016-07-29


I fɛla Fɔ fasiri kan :

Captcha

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2024

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015