FÀKANKr Dukure: sɛbɛnbɔla
Mamadu Fuseni Dukure ka baaraw y'a To a k'i Sèndon hali sɛbɛnw bɔli la a yɛrɛ ka 'so. A ka hakililaw sɛbɛnnen caya fɛ ani sɛbɛnw bɔli musakako gὲlɛya gafe-bɔyɔrɔw la, a ye mafɛngɛcogo min Sɔrɔ o la o Kɛra a yɛrɛ k'a ka sɛbɛnw bɔli dabali Tigɛ a yɛrɛ ye a ka 'so. Komin sɛbɛnbɔlan b'a 'bolo kàban, a fana ye sɛbɛbɔlan min Labɛn an ka kanw sɛbɛnni na latigɛdɔn sira fɛ, a y'a ka gafew bɛɛ bololasɛbɛnni bɔko dɔw Kɛ n'a ka mansinw ye 'so yen. Ka Fàra a yɛrɛ ka gafe sɛbɛnnen kan, a bɛ mɔgɔ wɛrɛw ka sɛbɛnw Bɔ a ka mansinw na. A bɛ kùru-kuruw (depliants) Dla ka lasɔrɔsɛbɛn fana Bɔ. Sàn o sàn, a yɛrɛ b'a ka sànbɛɛ-sanbɛɛsɛbɛn Bɔ n'a ka mansinw ye 'so. Mɔgɔ minnu mago bɛ kanw sɛbɛnni na latigɛlan na i n'a fɔ kàlandenw ka kàlanfoori-sɛbɛnw, a y'o dɔw Bɔ i n'a fɔ Sunkɔ JARA. A bɛ sɛbɛnca sugu caman Kɛ n'a ka mansinw ye.
Kabini 1976, a Kɛra dɔnniyasɛbɛnw ani tabiyasɛbɛnw sɛbɛnni-jɛkuluw la. Sɛbɛn min tùn bɛ Weele ko "SANKORE", a 'sèn Yer'o bɔko 8nan ɲɛnabɔlikulu la. Kabini o sɛbɛn kelen in tɔgɔ Bɔra Sankore la ka Kɛ "Jama" ye 1976 sàn na, Kr Dukure Kɛra o ɲɛnabɔbaa dɔ ye fo a yɛrɛ ka mansinw Kɛra o bɔko 11nan ni 12nan sɛbɛncaw kɛlan ye.
Blàdon : 2016-06-27 Yɛlɛmako laban : 2017-01-08
