FÀKAN

Mumɛ >

PARENA ka sàn politiki-tɔnsigiba fɔlɔ: kuma Bòlila màafaa kὲlɛli kan kosɛbɛ

Sibiridon, feburuyekalo tle 20, 2016 sàn, PARENA y’a ka politiki-tɔnsigiba Kε Bamakɔ. A Kεra yɔrɔ min na o ye « Palais de la Culture » ye, Seko ni Dɔnko tɔgɔlaso.
Lajεrε Sìgira dakun min kan o tùn ye ko « Jìgiya, Tìɲε ani Layidu kεnε ».
Sàni lajεεrε in yεrε ka da Minε, o y’a Sɔrɔ labεn bεε sabatilen dòn ka Ban pew. An ka  lakana tìgilamɔgɔw, GMS, tùn bε kεnε kan walasa ka lakana Sàbati.
Dònsow fana tùn bε yen. Dònso-nkɔninfɔla ye dɔnkilida da Minε tùma min na, mɔgɔw Wulila k’u Jɔ. Dɔw ye dɔn Kε, dɔw yεrε ta Kεra tεgεrεfɔ ye. U bε mugulankolon Ci-ci cogo min, u b’o Cì ten. O tεmεnen ‘kɔ, gitarifɔlaw ye mɔgɔw Laɲεnajε ni dɔnkili dumanw ye. Nka nin bεε la, ɲεmaa yεrε n’o ye Cεblen DARAMƐ ye, o tùn ma kεnε Sɔrɔ fɔlɔ. Mɔgɔw kɔni bε ka Nà cogo min na, olu bε ka Nà ten. Kàlandenw tùn ka ca kosεbε. An ma Лinε jatalaw fana ‘kɔ. O tεmεnen ‘kɔ, kumatigi y’a Fɔ ko mɔgɔw k’u Sìgi.
O la sa, Cεblen DARAMƐ Nàna kεnε kan ka Bεn nεgε ɲε 10 : 15 waati ma. A bìsimilalen kɔ fε, bεε Wulila k’i Jɔ ka Màli pàsa Da ɲɔgɔn fε bεn ni kelenya ‘kɔnɔ. O kɔ fε, Milmo n’o ye dɔnkilidala funakenin kùnkεnε ye, o ye dɔnkili kɔrɔma dɔw Da. Poyidala dɔw Tùgura o la.
U ye kuma Di PARENA ɲεmɔgɔ dɔ ma. O y’a ka kuma da Minε bamanankan na ka bònya ni bònyamasegin  Kε mɔgɔw ye ka Sɔrɔ k’i da Dòn jamana gὲlεyaw la.
Лεmɔgɔ musoman dɔ Dara ale kan.
Cεblen yεrε Sɔrɔla ka Nà bànbe kan nεgε ɲε 11 : 42 waati. A y’a ka laseli da Minε ni dugawudon ani waleɲumandɔn fòli ye ka Лεsin bεε ma. A ka kuma da Minεna bamanakan na nink’a Kùncε ni faransεkan ye. Bakuurubaya la, a ka kuma tùn ɲεsinnen bε Màli lakanacogo, kàlanko ani soko ma kosεbε. A y’a Jìra k’a Fɔ ko maa fàata ka ca sisan Màli ‘kɔnɔ kojùgu. Ko bolonɔbla min Kεra 2015 sàn mεkalo la, k’o fana ka Waleya. A K’o bolonɔbla in Kεra màlidenw ma ɲεni ni degun ye, ko barisa bεε kamana gànnen dòn.
Kàlan siratigε la, a y’a Jìra an na ko 'kàlan tε ka Kε Màli kàlansow la blen. O waleya min Flε o ye  k’o ka kan ka Kὲlε. A ka kuma Kùncεra ni Màli pasa kumasen naani labanw ye faransεkan na.
Lajεεrε Kùncεra ka Bεn ni nεgε ɲε 12 : 06 waati. O kεlen bεε y’i taayɔrɔ Magεn.


Yusuf Baalo bolonɔ dòn

 

Blàdon : 2016-02-22     Yɛlɛmako laban : 2016-12-07


I fɛla Fɔ fasiri kan :

Captcha

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2024

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015