Surukuba Naloma

surukuba ani sonzanin

Dòn dɔ, surukuba Wulila ka Taa sonzanin yɔrɔ la k’u ka Taa jεgεmɔ na. Sonzanin Sɔnna. Ɔ, u Taara kɔ̀ la ɲɔgɔn fε. Nka u ma foyi Sɔrɔ jεgεden kelen ‘kɔ. O kԑlen, sonzanin y’i Kanto

-komin an ka bì jԑgԑ sɔrɔta Bԑnna kelen dɔrɔn ma. N b’a fԑ i k’o To ne ‘bolo, o la ni sini ta Kԑra fla ye e bԑ Taa n’o ye. Tari di ?

Surukuba ko o la,

-O tԑ ‘baasi ye ni sini ta bԑԑ bԑ Di ne kelen ma n Sɔnna fasay.

Dugu Jεra kokura u Taara mɔni na tùn. U Taara mɔni Kԑ fo ka tle Ban nka a Kԑra fɔlen ye. U ye jεgεden fla pe Sɔrɔ. O kԑlen, sonzanin ko,

-N kɔrɔ, e ka denbaya ka ca cogo min na n ma D’a la ni jԑgԑden fla b’I bɔ, o tuma na a to ne ka Taa ni nin ye. A Kԑra cogo o cogo sini ta bԑ caya ni b ì ta ye, ɔ, n’o Kԑra e tԑ na Taa n’o ye?

Surukuba Sɔnn’o fana ma. Sonzanin y’o ɲɔgɔnw Kԑ surukuba la fo ka Se ʃyԑn naani ma. Aa ! nka ʃyԑn duuru na surukuba y’i ɲԑ blen Bɔ sonzanin na. O kԑlen sonzanin y’i kanto,

-N kɔrɔ, n hakili la jԑgԑden duuru man kan ka Dɔgɔya i ka denbaya la dԑ. E ka Taa ni b ì ta ye.

U Taatɔ so, sonzanin Sinna ka na Bali ka Jɔ k’i kanto,

-Ee! N kɔrɔ, ne Лinana n ka muru ‘kɔ kɔ la yen koyi! N b’i Sɔrɔ ‘so yen.

Surukuba tùn kɔrɔtɔlen dòn ka Se n’a ka jԑgԑden duuru ye so kɔnɔ min kԑ a y’i kanto sonzanin ma,

-Ala ka sini Jir’an na n dwaa

O kԑlen, sonzanin y’i Bugɔ tu ‘kɔnɔ ka Bòli ka T’i Da k’i Yԑrԑkԑ surukuba ɲε fε i ko sonzanʃu. Surukuba selen a ma, o y’a sèn Maga a la nk’a ma B’a nɔ na. O kԑlen, surukuba Tԑmԑna a la. Sonzanin Wulila tun k’i Bugɔ tu ‘kɔnɔ ka T’i Yԑrԑkԑ a ɲԑ fԑ tun k’a Kԑ i k’a salen dòn. Surukuba sera a ma tun k’i sen Maga a la, a ma B’a nɔ na, surukuba Tԑmԑna. Sonzanin Wulila k’i Bugubugu tu ‘kɔnɔ tun ka T’i Yԑrԑk’a ‘ɲԑ. Surukuba selen a ma o y’i kanto,

-Ee ! ni ne tùn ye nin sonzanʃu ninnu bԑԑ Tà ka Fàra n ka jԑgԑden duuru kan o tùn tԑ tle damadɔ na Sɔrɔlen ye n fԑ ?

O hakilina jiginnen a ‘kɔnɔ, a Sinna ka jεgεden duuru in bila sonzanʃu laban in ‘kɔrɔ ka Segin ka Taa a tɔw nɔ fε. Nka a kɔseginnen a ma sonzanʃu foyi Ye blen w’a seginnen a m’a ka jԑgԑden duuru fana Ye blen ‘kuma tԑ sonzanʃu ma. Surukuba kasibaatɔ Nàna ‘so.