FÀKAN

Latigɛdɔn >

Fàkan.ml fogo bɔkɛnɛna dajirali don fɔlɔ kunaɲɛ

Fàkan Kanbaaraso mɔgɔw y'u ka fogo fàkan.ml bɔkɛnɛna don fɔlɔ Kɛ sàn kalo 5nan tle fɔlɔ dɔnnikulu san fɛ sannakalanso dɔ la ko FST.
Lajɛɛrɛ in yɛrɛ kùnkan tùn ye "Fàso kanw ka Tà, jamana ka Taa ‘ɲɛ". A ni fɛn wɛrɛw kɛli tùn bolodalen don ɲɔgɔn fɛ i n'a Fɔ MAKDAS mɔgɔw ka baara kɛlenw Mali kanw na : fogo (bataki.org), jateblaw (kalimu, TDUK ani daɲɛgafe Wagadu).
Baara tùn Tlalen don tlayɔrɔ flà ɲɔgɔn ye. Fɔlɔ tùn bɛ tàli Kɛ bolondondenw ka ɲɔgɔndanko kan. O la kabi 8nan waati, bolodondenw  ka sɛgɛsɛgɛli Dabɔra fogobon « Idéal » ‘kɔnɔ. U ye sanga 30 Kɛ. O bannen, bolodondenw Taara Fara mɔgɔ tɔw kan dajirali kɛyɔrɔ la. Min ye sɛgɛsɛgɛlikɛlaw ye sa, olu ye ɲɔgɔndan fililatlenw Kɛ. Fililatlen bannen, u ye ŋana sàba Dɔn ɲɔgɔndanna mɔgɔ 7 ‘cɛ la.
Baara tlayɔrɔ flanan tùn ye dajirali ye. Komin Fàkan kanbaaraso ani MAKDAS kulu tùn ka kan kà o baaraw Bɔ a da fɛ, MAKDAS y’a dajirali Kɛ kà Bɔ yen. Kɛnɛ Sɔrɔla kà Blà Fàkan ka bolo kan.
Sɛgɛsɛgɛlikɛlaw nàlen y'a Sɔrɔ Kr Baalo bɛ fàkan.ml fogo dajirali la kàban.
Kan ni Yiriwa mɔgɔw Nàna banbe kan kà Kuma kelen-kelen. U ka kuma fànba sinsinnen tùn bɛ fàso kanw tàli kan ‘ba la
O kɛlen, fàkan mɔgɔ tɔw Tɛmɛna ni fogo dajirali ye. Musa Danbɛlɛ y’i wasa Dòn sìgidɔn dakun jirali la.
Yusuf Baalo Dara Musa kan. Ale ka dajirali Kɛra dakun min kan o ye fogo daɲɛsɛbɛn ye. A ye daɲɛ dɔw don kà Jira jama la ‘misali ye.
O bɛɛ bannen ‘kɔ, bolodondenw Jirala jama na. U kelen-kelenna bɛɛ y'u yɛrɛ Kofɔ kà Sɔrɔ k'u fɛla Fɔ kanko kan Mali ‘kɔnɔ ni kà T'u Sìgi. O la sa, ŋanaw weeleli da Minɛna kà Nà banbe kan. A da Minɛna ŋana sabanan ma n'o Kɛra Ŋolo Sanɔgɔ ye. An balimamuso Awa Kulubali y'o ka jansalilan Di. Jakaliya Watara Dara o kan. Ale ye ŋana flanan ye. Kr Mamadu Dukure y'o ka ladyalifɛn Di. O tɛmɛnen, ŋana fɔlɔ Bɛnna Umar Kulubali ma. Kr Adama Samaseku y'o jansalilan Di. Kr Dukure ni Kr Samaseku bɛɛ y'u hakilina Fɔ. U fana ye fòlikan kɛrɛnkɛrɛnnen Kɛ kà Taa Kr Isiyaka Baalo n'a jɛɲɔgɔnw yɔrɔ la.
O kɔ, kuma Dira jama ma. Mɔgɔ fɔlɔ min Kumana o Kɛra Gawsu Bɛrte ye kà Kɔnɛ a o kan. Kr Dukure Ko kanko ye jyɛnlatigɛko de ye. « N'i Ko kan, i Ko ji ni wasa, ko a dama ka kan jamanaden bɛɛ la ». Kr Samaseku Ko « kanko baara ye danbe ni yɛrɛdɔn baara ye». A ye fòli kɛrɛnkɛrɛnnen Di Mandela Dukure ma ale min bɛ latigɛdɔn ɲɛtigɛliw Kɛ. O ‘kɔ, jataw Kɛra. Kr Baalo ye bònya ni bonyanmasegin Kɛ mɔgɔw la kà Sɔrɔ k'u Labla. Baara bɛɛ Banna kà Bɛn 13 waati ma.

 

Blàdon : 2016-05-04     Yɛlɛmako laban : 2016-05-04


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015