Mali jàmanakuntigi ka Irisilataga
2025 sàn zuwεnkalo tlè 22, Màli jàmanakuntigi Asimi Goyita n’a ka minisiri caman Wulila kà bɔ Màli la k’un Kùnda Irisila jàmana kàn. U ye taama in Kε kà Taa Irisila walasa kà Taa yèn jàmanakuntigi ka weele Lamεn.
U selen Irisila jàmana kàn, irisiw y’u Kùnbεn ni bònya ni kàrama ye. Bisimilaliw bannen kɔ fὲ, Irisila jàmana ɲεmaa Nfladimir Putin y’a Jìra ko Màli ni Irisila ka jὲkaara da Mìnεna k’a bε ‘sàn bi wɔɔrɔ ni duuru Bɔ wà ko Irisila ye Màliden 10.000 ɲɔgɔn Lakana kàlanbolo kεrεnkεrεnnen caman na.
Mali jàmana ɲεmaa Asimi Goyita fana y’o kuma Sεmεntiya kà Tla k’a Fɔ Ko Màli ni Irisila ka jὲkabaara Kεra tàarε-taarε ye Màli mà kεrεnkεrεnnenya lakanako nàsira fὲ.
Jàmaana ɲεmaa flà in bεε da Jὲra a mà Ko Màli ni Irisila Jàmanan ka tεgεdiɲɔgɔnma sìnsinnen dòn ɲɔgɔnbonya ni tilennenya kàn.
Nìn ɲɔgɔnye in ‘sèn fὲ, bolonɔ Blàra bὲnkansεbεn caman na Mali ni Irisila ni ɲɔgɔn ‘cε. O bεnkanεbεnw bε Bòli kεrεnkεrεnnenya la kùranko, lakanako ani jàko kàn jàmana flà nìnnu ni ɲɔgɔn.
Làjεrε bannen kɔ fὲ, jàmana kùntigi flà nìnnu ye dònbolow Kε ɲɔgɔn ye.
Blàdon : 2025-06-25 Yɛlɛmako laban : 2025-06-25
