FÀKAN

Kr Dukure >

Kr Dukure: bayɛlɛmanikɛla

Kr Dukure ka hakililaw nɔblaliw la, a ma Dàn a yɛrɛ ka miiriyaw sɛbɛnni dɔrɔn ma. A ka sɛbɛnni wɛrɛw bɛ yen minnu ye bayɛlɛmani ye. A ka sɛbɛn bayɛlɛmanen fɔlɔw bɛ 'tàli Kɛ a ka fangaɲini-tɔn miiriyaw gafew kan. Komin a ka cɛsiri tùn bɛ jyɛnyɛlɛma sira kan ka Nà, a y'i wasa Dòn Karl Maks, Leninn, Mawo ani Fidɛl Kastro ninnu ka gafe sɛbɛnnenw bayɛlɛmani na bamanankan na. A tùn b'o gafe ninnu faransɛkannama Kàlan k'u hakilina Blà bamanankan na. O gafe ninnu ye: Maks ni Ɛngɛl ka ŋaniɲɛjira (le manifeste du parti communiste), fanga ni jyɛnyɛlɛma (l'Etat et la revolution), Mawo Zedɔn ka gafe yɔrɔ dɔ, sɔ̀sɔli waleya (la contradiction). Gafe ninnu Kɛra biribara de kan. O baaraw tùn bɛ K'a fɛ a ka fangaɲini-tɔn jìgiya kosɔn ko PMT. PMT ma 'kàla turu nin gafe bayɛlɛmanen ʃi la, o jìgimisɛnya kosɔn 1978 a y'i sènbɔ PMT tɔndenya la n'a ma Kɛ ni bɔlisɛbɛn dili ye. A Tɛmɛna n'a ka cɛsiri ye a haminako n'a kùntlenna fɛ. Hali ni tɔn ma kanko Tà 'ba la a cogo yɛrɛ la, Kr Dukure tùn b'a Dɔn ko tɔn bɛ sira min kan k'o sesɔrɔ sìrilen bɛ hakililaw Walakili la fàsojama ka kan na. Ko jɛgɛ tɛ Balo ji 'kɔ cogo min na, Kr Dukure bɛ kan ni yiriwa Bisigi ka Blà o minɛn kelen ‘kɔnɔ. O la, ale fɛ ni sìgida yiriwali 'ko bɛ maa min ‘kɔnɔ, i ka kὲlɛbere fɔlɔ ka kan ka Kɛ miiriya ɲumanw laseli ye i ka jama ma jama ka kan na. Nin daliluw kosɔn, Kr Dukure ma gafesɛbɛn ni gafe-bayɛlɛma flà ʃi Blà 'kɔ bamanankan na. A ni Abdulay BARI ye dabolo-yɛlɛma gafe dɔw Bayɛlɛma i n'a fɔ "jyɛnsira na n Cyɛntigiya", o min ye Fidɛl Kastro ka gafe sɛbɛnnen ye n'a faransɛkannama ye ko "l'histoire m'acɲuitera". O n'a ɲɔgɔnna gafe wɛrɛw baara Kɛr'a fɛ minnu bɛ bololasɛbɛnni sawura la a 'bolo halibi, bari ale tùn b'u Kɛ tɔn min ye o ma kanko K'a 'kùnkɛrɛ-fɛko ye.
Kr ka gafe-bayɛlɛma ma Dàn dabolo-yɛlɛma gafew dɔrɔn ma. A ka dɔnniya forobayali cɛsiriw ‘kɔnɔ, a ye nimadɔn gafe dɔw Bayɛlɛma bànaw 'kùn kan. A ka o baara bɛ 'tàli Kɛ forobakɛnɛya sabatili kan sìgida la. O 'sèn fɛ, a ye bayɛlɛmani minnu Kɛ ka Bɔ faransɛkan na ka Nà bamanankan na o dɔw ye ɲɔninsa, boloci, ji ni kɛnɛya, dlɔmin. A ye o baara ninnu Kɛ EDIM mɔgɔw ka sɔrɔ k'u Bɔ ka Kɛ 'gafe ye. Ka Fàra olu kan, Kr Dukure ye lamagaja dɔw sènkɔrɔ-kuma sɛbɛnni Kɛ bamanankan na. Drabo ka ja bɔlen min tɔgɔ ye ko "taafe fanga" o 'sèn b'olu la. 2009 sàn na, Malitel mɔgɔw y'u Kanbɔ a ma u ka sènfɛjuruw blàsiralikanw bayɛlɛmani na. Kumakan minnu bɛ Nà weelelikɛla ma lamɛnni ta sira fɛ a y'olu bayɛlɛmabaa ye bamanankan na.
Kr Dukure ka bayɛlɛmaniw bɛɛ la dànkelen Kɛra bangudɔn gafe ɲɛnama dɔ bayɛlɛmani ye bamanankan na. Albɛr Anʃtaynn ka gafe min Bɔra lamagadɔn kan ko kunkan-dɔn ("relativité"), bamanankanmɛnnaw gɛrɛsɛgɛ Dònna o faamuya la 2007 sàn, Kr Dukure ka bayɛlɛmani fɛ. A dajirako fɔlɔ Kɛra FLASH la o sàn in kalo 03nan tle 12, ACALAN ka kanko kɛnɛ dɔ kan. O gafe in dɔnniya dungew la dɔnni selen ye bari bì bangudɔn koɲɛ fànba bɛ Bòli a gafe kɔnɔdaliluw kan. An ka 'dɔn na, a Bayɛlɛmana wɔlɔfɔkan ni bamanankan na dɔrɔn na Fàrafinna kanw fɔlɔ, wɔlɔfɔkan ta min Kɛra senegalikaw ka dànkelen dɔ fɛ ko ʃɛk Anta Jɔp.
Kr Dukure ka bayɛlɛmani kɛlen ka ca. Da tɛ S'a bɛɛ ma ka Ban. A bɛ tnɔ wɛrɛw Bɔ a ka bayɛlɛmani ninnu na ka bamanankan Lafa n'a miiriya kuraw n'u daɲɛ sɔrɔlenw ye.

 

Blàdon : 2016-06-27     Yɛlɛmako laban : 2017-01-08


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015