FÀKANLakalita >
Purtugolkaw ka Kriscano Ronaldo, ka 2016 ka sanu jɔnjɔn
Ronaldo ni a fadenkɛ Leonɛl Mesi ye sanu-ntola-jɔnjɔn K'u ta ye kabini 2008 sàn fo ka na Se bì ma. Kumalasurunya la, k'a Ta 2008 fo ka na Se bì ma ntolatanna wɛrɛ ma Se ka sanu-ntola ŋanaya Sɔrɔ ni nin màa fla 'kɔ. Nka fɛn min ye ɲinɛ 2016 sàn ta sa, KR7 Wulila k'i Jɔ n'o ye tun. O min kɛlen flɛ o bɛ Bɛn a tako naaninan ma ale fɛ. Ka Kɔn Kristyano ronaldo 'ɲɛ purtugolkaw ka ntolatanna ŋana dɔ fana Tɛmɛ na n'o ye Lwis figo ye, o fana delila k'a jɔnjɔn in Ta 2000 sàn. A y'a ka foli ni waleɲumandɔn Sama Kristyano ronado ma fogosiri twitɛr kan. Nin jɔnjɔn naani bɛ ronaldo Kɛ purtugol ntolatanna ŋana ye fana bari yen, ntolatanna ʃi m'a ta ɲɔgɔn Kɛ fɔlɔ wa Fɛrnando goms fana y'o Sɛmɛntiya, o min ye purtugolkaw ka ntolako ɲɛmaaba ye. Yɛlɛma dɔw Dònna ɲinɛ 2016 sàn ntola ŋana ɲinicogo la. Sàn tɛmɛnenw na, fifa de tùn b'a di ni jàmana 173 ntolakunnafonidilaw ka kàlafli jaabiw ye. Kristyano ronaldo ye jɔnjɔn in Ta sàn minnu na ka Kɔn ɲinɛ 'ɲɛ o Kɛra 2008, 2013 ani 2014 ye. Nka min ye a fadenkɛ Leonɛl mesi ye, ale b'a 'ɲɛ nin jɔnjɔn in tali la, bari ale y'a Ta fo ʃyɛn duuru: 2009, 2010, 2011, 2012 ani 2015.
Waleya minnu ye KR7 Lase nin dakun na bì u ka Ca. mɛkalo tle 28, 2016 sàn, Ronaldo ye Erop ŋanaya jɔnjɔn fla Ta n'a ka kulu ye, n'o ye reyal madrid ye, ka Fàra 2008 ta kan k'a To macɛstɛr (ntolatankulu) la. A ye jɔ yàrako 96 Kɛ 2016 sàn ntolakɛnɛ na. O fana Kɛra sababu ye k'a Kɛ o sàn kelen ntolakuru ŋana ye Erɔp. O 'kɔ, a y'a faso fana Kunnawolo ni jɔnjɔn dɔ fana tali ye ka D'u ma 2016 sàn kalo 07nan tle 10nan don, n'o bɛ Weele ko "Ero". O min ŋanakɛnɛ tùn da Yɛlɛna a ka jàmana (purtugol) ni fransi 'cɛ.
Blàdon : 2016-12-25 Yɛlɛmako laban : 2016-12-27
