FÀKAN

Ziirinda >                                                                                                        2016 06 18

Màsakɛ jugu ni musokɔrɔba fitiriwale

Nin Kɛra màsakɛ dɔ ye min tun ye ɲɔmasaba ye. Nka a ka ɲɔ tùn tɛ Sɔrɔ ‘wari la ‘kuma tɛ delili ma. A ka ɲɔ sɔrɔcogo tùn ye min ye, o  ye n'i Nàn'a ma, a b'a Fɔ ko jyɛn bɛ Laban fɛn min ma k'i k'o Fɔ. Лɔɲinina bɛɛ y'u sèn Dòn, k'u bolo Dòn kà Dɛsɛ u ma Se k'o ɲɛ Sɔrɔ. Nka musokɔrɔnin dɔ tùn bɛ yen min denw Banna k'a To, se foyi tùn t'a ye. O kɛlen kà màsakɛ in Komɛn, o Ko ee, ne dabaa Ala, i tɛ ne Dɛmɛ nin kelennin na waasa ne na Se kà tle damadɔ balo Sɔrɔ wa ?". Musokɔrɔnin Wulila o la ni k'i Kùnda màsakɛ bara kan. A bɛ kà Taa, kà Taa, kà Taa fo kà Taa Se ʃìsunba dɔ ma. A y'i Sìgi yen k'a b'a sɛgɛnnafyɛn Bɔ. O y'a Sɔrɔ ‘wò belebele dɔ bɛ ʃìsun in na. Jaa o wòba in tùn ye kooro dɔ ʃiyɔrɔ ye. Musokɔrɔba sìgilen, a bɛ kà Miiri, a bɛ Hami a bɛ nà Taa min Fɔ màsakɛ ye walasa kà ɲɔ Sɔrɔ. Dɔɔnin kumakan dɔ Bɔra ʃìwo ‘kɔnɔ ko:
- Musokɔrɔba,  e bɛ Taa min?
Musokɔrɔba fana ko:
- E, jɔn dòn?
- Ne kooro dòn.
- E bɛ min?
- N Flɛ wò 'kɔnɔ yan. I bɛ Taa min? mun hamiko b'i kan?
Musokɔrɔba y'i Kanto a ma ko: Ne ye màsakɛ dɔ ko Mɛn, u ko ɲɔba b'a 'bolo. Ne dun, ‘se tɛ ne ye, ‘fanga tɛ ne na, ‘dàbali tɛ n ye, ‘balo tɛ n 'bolo wa a ‘jìgiya fana tɛ n ye. N ka taama kun Flɛ o ye. Fɛn min ye n hamikun ye sa, a Fɔra n ye ko màsakɛ dɔ bɛ yan min ka ɲɔ tɛ Sɔrɔ ko fo n'i ye jyɛn labanko Fɔ. Ne dun t'o Dɔn. O kɛlen, kooro y'i Kanto a ma ko:
- I kana Hami. N bɛ nà jyɛn labanko Fɔ i ye. A ko "n'i Sera màsakɛ fɛ yen, i nàkun fɔlen 'kɔ, n'a Ko k'i ka jyɛn labanko Fɔ, a Fɔ a ye ko jyɛn bɛ Laban fitiriwaleya de la. N'o Kɛra, i na ɲɔ Sɔrɔ.
Musokɔrɔba, Wulila kà sira Minɛ. Musokɔrɔba Wulila kà sira Minɛ kà Taa. A taamatɔ ‘kan bɛ: Ala dan ka nin Kɛ n ye bì sa! Ala ye ɲɛganbaatɔ dɛmɛbaa ye koyi!...
A selen màsakɛ bara la, a ko:
- Ee màsakɛ, ne Nàn'i Magɛn. Màsakɛ, ‘den tɛ n 'bolo, ‘balo tɛ n 'bolo, ‘se tɛ n ye, ‘dàbali fana tɛ n ye. Hali ʃu rɔ, ne ʃìra n ma dumuni Kɛ. Ne Nàna i deli i ka n Sɔn ‘ɲɔ na.
O kɛlen màsakɛ y'i Kanto a ma ko:
- Musokɔrɔba, ɲɔ bɛ ‘ɲɔbugu nka tàkan b'a la dɛ. Yala jyɛn bɛ Laban fɛn min na i b'o Dɔn wa?
- Awɔ,  musokɔrɔba ‘kan bɛ tèn.
- A Fɔ n ye i k'i ka ɲɔ Minɛ i kà Taa.
O kɛlen, musokɔrɔ y'i Kanto ko:
- Màsakɛ, jyɛn bɛ Laban fitiriwaleya de la.
O kɛlen, màsakɛ Ko:
- E! aa! musokɔrɔba nin dòn jaati.
Ɔ, màsakɛ fana ye ɲɔba Cὲ kà Di musokɔrɔba ma, musokɔrɔba y'i kɔ Dòn. A Taara Se ʃìsunba yɔrɔ ma, a hakili Jiginna Kooro la. A y'i Madon kooro la a ka wò 'kɔnɔ ni k'i Kanto: ne ye ɲɔ Sɔrɔ nka a tɔ de Tor’a nako ye. Ɔ, e dun bɛ yan, n na e Minɛ kà Kɛ n ka tòna ye. A ye kooro Minɛ ni k'a Kantigɛ k'a Blà a ka ɲɔ kan. A selen 'so, a ye ‘tò dumanba Tobi kà na dumanba Tobi kà kooro in Kɛ o na ye.
Musokɔrɔba ye lɔgɔma ɲɛ sàba Kɛ. A naaninan Bɛnna sògokuru dɔ ma. Abini a y'o Blà a ‘da yɔrɔ min, o kolo Balanna a kan na. Fɛn bɛɛ Kɛra o la fura ma Sɔrɔ o la. A ma Лɛ min 'kɔ musokɔrɔba ye jyɛn To.

An y'o Sɔrɔ yɔrɔ min, an y'o Blà yen.

 

Blàdon : 2016-06-18     Yɛlɛmako laban : 2016-07-07


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015