Surukuba ni sonsannin ka kilisiko

Ziirinda > 2016 05 20

Surukuba ni sonsannin ka kilisiko

N ye nin Da ‘surukuba ni 'sonsannin na

Surukuba tùn tɛ Sɔ̀n koblen ma nka dumandun tùn ka D'a ye. Nka sonsannin tùn ye 'donsoba ye, wa kungoyaalaw tùn ka di a la kosɛbɛ. Don dɔ, sonsannin Taara a ka kungoyaala dɔ la. Ala y'a Kɛ a ye bàla belebele dɔ Fàga. A nàlen, a y'o Di a muso ma o fana y'o Tobi koɲuman. Aa, surukuba de tɛmɛtɔ y'o kasa Sama ni k'i Jɔ k'i kùn Jan kà sɔrɔ k'i Kanto.
- Nin kasa in tɛ Bɔ mɔgɔ ʃi ka 'so ni n dɔgɔ 'sonsan tɛ. I Jɔ n ka n Teliya ka Taa 'so ka fɛɛrɛ Лini nin ko in na.
O fɔ a fɛ, a y'i 'sèn Fa biribiri ka Taa a ka 'so. A selen yen, a ye doʃyɛn Tà kalaw kà Bòli kà Taa sonsannin fɛn yen. A selen a Ko:
- N mago bɛ tasuma dɔɔnin na
Sonsannin K'a ma:
- Ee, n kɔrɔ 'suruku e ma Se k'i muso Blà ka Nà tasuma Tà?
- A bolo degunnen dòn n dwaa, surukuba 'kan bɛ tèn.
Surukuba ye o tasuma Tà, a Taara Se yɔrɔ dɔ la, a y'o Bɔ yen. Surukuba ye ʃyɛn damadɔ K'o la, n'a Taara tasuma dɔ Tà, a bɛ T'o Bɔ sira la ka Tla ka Segin. O taakaseginw cayalen sonsannin Nàn'i Kanto a ma
- N kɔrɔ, i tɛ nin Minɛ i ka T'i daji Tigɛ n'o ye?
Surukuba Ko:
-Aa, n dwaa, o bɛ sɔ̀n ka fusaya kɔnɔ ma ni manabɛlɛ ye han!
Ɔ, sonsannin ye dàga da Yɛlɛn ka sogokuru kelen Bɔ ka D'a ma. A y'o Dun minkὲ, a y'i Kanto sonsannin ma k'ale fana bɛ Taa ni 'sonsannin ye sinin kungoyaala la. Sonsannin fana K'a ma ko kungoyaala sɛngɛ ka bòn ko nka n'a bɛ Se k'a Labɛn k'u ka Taa ɲɔgɔn fɛ sinin. U Bɛnn'o kan. Dugu jɛlen surukuba Nàna sonsannin fɛ yen k'ale Labɛnna. U bɔlen ka kungosira Minɛ, sonsannin Nàn'i Kanto surukuba ma ko donsoya tɛ Taa ni 'gundo tɛ. A k'a bɛ dalilu dɔ Di surukuba ma. ko n'u Taara Se yɔrɔ dɔ la k'ale b'a Màbɔ ko surukuba k'o Kɛ, ko n'o Kɛra k'a bɛ 'sogo caman Fàa. Aa o kuma in Dyara surukuba ye kosɛbɛ. Ɔ, o kɛlen sonsannin Ko:
- N ka kilisi in ye dɔnkili de ye dɛ, n kɔrɔ.
- N y'a Mɛn a Da n dwaa, surukuba 'kan bɛ tèn.
Ɔ, o kɛlen, sonsannin y'i nkɔɔnɔ Labɛn k'i Kanto:
I Da n 'kùn jalaba, i Da.
K'i k'i Da n 'kùn jalaba, i Da.
I Jɛngɛ k'i Da n 'kùn jalaba, i Da,
K'i k'i Da n 'kùn jalaba, i Da.
O kɛlen, surukuba Yɛlɛla k'i Kanto:
- Aa n dwaa, ne yɛrɛ hakili la k'a bɛ na Gὲlɛya, jaa-jaa a man gɛlɛn yɛrɛ.
Sonsannin fana y'i Kanto a ma:
- Ee n Kɔrɔ, kilisi ye gundolafɛn dɔrɔn de ye n'o tɛ fɛn gɛlɛnman tɛ.
Jaa-jaa jalasunba dɔ de bɛ kungo yɔrɔ dɔ la yen, n'i ye a dɔnkili nin Da min 'kɔrɔ, o bɛ Sin k'i Yuuru ka Da i 'kùn tèn. Ɔ, surukuba dun tɛ kungoyaala Dɔn kuma tɛ ka Bɔ olu bɛɛ kàla ma.
Aa, u Taara fo ka Taa Se jalasunba in ma. Sonsannin ko surukuba ma ko donsoya ye gundo ye ko a k'ale Kɔnɔ jalasunba in 'kɔrɔ sɔ̀n. Sonsannin Taar'i Лɛmadogo tuba dɔ kɔ fɛ ni k'i Kanto surukuba ma ko:
- N 'kɔrɔ kilisi;
Surukuba kɛlen k'o Mɛn, a Sinna k'i Kanto o yɔrɔnin bɛɛ ko:
I Da n 'kùn jalaba, i Da;
K'i k'i Da n 'kùn jalaba, i Da;
I Jɛngɛ k'i Da n 'kùn jalaba, i Da;
K'i k'i Da n 'kùn jalaba, i Da;
Aa, o kɛlen jalasunbolo belebele dɔ Sinna ka Fara ka n'i Da surukuba 'kùn tèn yɔyi kà surukuba dɛrɛlen To o 'kɔrɔ yen tèn. O kɛlen, sonsannin Bɔra tu 'kɔnɔ kà N'i Kanto surukuba ma:
- N 'kɔrɔ donsoya tɛ Taa nin 'kɔ dɛ, o Kun i yɛrɛ la. N'i Kɛra 'balofɛn ye n na jiribolo-kunbɛn-kilisi Fɔ i ye, nka n'i yɛrɛ ma Kɛ 'balofɛn ye ayiwa, n 'kɔrɔ, i bɛ na n Kɔ̀n kiti min na Ala k'a Nɔgɔya i ye.
Sonsannin ye nin Fɔ yɔrɔ min, o y'i kɔ Kɛ bɔ̀ ye.