FÀKAN

MumɛBangudɔn

Kalo nɔɔrɔminɛ: jakuma bɛ kalo minɛko jòli Kɛ ɲinan 'kɔnɔ?

An bɛ dɔnniyasan min na, ni dɔw Ko a ma ko tubabusan, o sàn 2016nan ye ɲinan ye. Komin sàn o sàn, jakuma bɛ kalo Minɛ, yala ɲinantaw bɛ na Bɔ a da fɛ cogo di?

Kabini lawale la, kalo b'a To a tan ni fla fili la ka sanga dama-dama Kɛ k'a ɲɛ zolomalen To. A waleya bɛ Jate halibi ka Kɛ i n'a fɔ kùnko jugu dɔ bìntɔ dòn mɔgɔninfin kan. O faamuko juguya o b'a To mɔgɔw bɛ Siran a 'ɲɛ k'u yɛrɛ majiginkow caman Kɛ a ʃu fɛ. Musow bɛ ji Kɛ kòlon na k'o Sùsu ko fɔ jakuma ka kalo Blà. Cɛ dɔw bɛ Taa misiri la ka Ala Deli. O n'a ɲɔgɔnnako caman wɛrɛw bɛ Kɛ 'sèn na a dòn ʃu fɛ.

Bì-bi in na, a ko Dara kɛnɛ kan ko 'siranɲɛko tɛ dɔnniya fɛ. Dɔnniya ko a ma ko nɔɔrɔminɛ. A bɛ Kɛ kalo ni tle fla bɛɛ la. Ni kalo ta dòn, o ye kalo nɔɔrɔminɛ ye ninka tle ta Kɛ tle nɔɔrɔminɛ ye. Tle ta dɔ Kɛra 2013 kalo 11nan tle 3 la fo o Yera Mali 'kɔnɔ. O dɔ fana Kɛra 1999 sàn utikalo tle 11 f'o Yera Fransi.

A jate bɛ Bɔ k'a Dɔn ko a bɛ na Kɛ nin don masina in na ani nin sàn masina in na. O jate ɲɛnabɔbaa minnu bɛ Mali 'kɔnɔ, o dɔ y'i wasa Dòn sàn bà tan nàtaw ɲɛtigɛli la Mali kanw na. O la, 2016 sàn, n'o ye ɲinan ye, kalo nɔɔrɔminɛ jate min bɛ o jatebla 'kɔnɔ o ye sàba ye: lasiri sabanan ta, fùrancɛ-kalo ta ani selibakalo ta.

2016 sàn kalo nɔɔrɔ minɛko fɔlɔ bɛ Kɛ kalo jɔta lasiri sabanan 'kɔnɔ. A bɛ na Bɛn n'o tle 14 ʃu ye, alamisadonya dɔ fɛ. Nka n'a kalo Jɔra siga la, a tle 14 bɛ Bɛn araba ma. O la kalo nɔɔrɔminɛ in bɛ Kɛ o arabadonya fɛ.

Mɔgɔ minnu bɛ baara Kɛ ni dɔnniyakalo ye, a bɛ Bɛn ni Marisikalo tle 24 ye. Nka ni siga Dònna kalo la, a bɛ Bɛn o tle 23 ma.

Sàn kalonɔɔrɔ-minɛko flanan bɛ Kɛ fùrancɛ-kalo tle 14, juma, ni siga ma Ye kalo jɔli la. Nka siga mana Ye o la, a bɛ Kɛ alamisa ʃu fɛ. O ka kan ka Bɛn Utikalo tle 19 walima a tle 18 ma.

Kalo nɔɔrɔminɛ-ko sabanan min bɛ yen ɲinan o bɛ selibakalo la. O bɛ na Kɛ o tle 14 fana. Ni siga Dònna a kalo jɔli la, a bɛ Bɛn sibiri dɔ ma nka ni siga ma Dòn a la, karidonya dɔ dòn. O bɛ Bɛn ni sɛtanburukalo tle 17 walima 18 ye.

An ka jatebla tɛ blàsirali Kɛ nɔɔrɔminɛ ninnu kɛjamanako kan. U bɛ na Ye jyɛn fàn dɔ mɔgɔw fɛ kɔnin. Komin dugukolo kanna ka bòn, Jyɛnmɔgɔ bɛɛ tɛ nɔɔrɔminɛ kelen Ye ɲɔgɔn fɛ. Jamana dɔw mɔgɔ b'a Ye k'a sɔrɔ jamana wɛrɛ mɔgɔw 'sèn t'a la. Лɛtigɛli min b'an 'bolo 'kɔrɔ o kɔnin ma jamana kelen Dànnatigɛ k'o mɔgɔw b'a Ye. Nka ni mɔgɔ min y'i Tlomajɔ a don fɔlen ninnu na rajow la, o b'a kibaru Mɛn ko jakuma ye kalo Minɛ nin jamana masina in na wali dugu masina in na.

Ncidɔri Sàbaatɛ bolonɔ dòn

Blàdon : 2016-06-16     Yɛlɛmako laban : 2016-12-07


I fɛla Fɔ fasiri kan :

Captcha

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2024

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015