FÀKAN

Ziirinda >                                                                                                   2016 05 19

Sonsannin ni surukuba ka teriya

Sonsannin ni suruba tùn ye terimaw ye. ‘ʃu t'u Fara 'tle t'u Fara. Donsoya de tùn ka Di u ye kosɛbɛ. 'Tuma ni 'tuma u tùn bɛ To ka Taa kungoyaala la ɲɔgɔn fɛ. Nka u ka kungoyaalaw la sonsannin tùn bɛ kekuya Kɛ surukuba la  kà Taa ni sogo sɔrɔlen fànba bɛɛ ye.
Nka nin ʃi ma surukuba fari Fàga ka Bɔ sonsannin 'kɔ. Ɔ, don dɔ sɔgɔmada-joona fɛ u Solila ka Bɔ ka kungo jan dɔ sira Minɛ k'u bɛ Taa 'kungoyaala. Aa, u Taara kà Taa kà Taa..... U Taara Se yɔrɔ dɔ la u sɛngɛlenba. U y'u Sìgi jiriba dɔ 'kɔrɔ k'u b'u sɛngɛlafyɛn Bɔ. Surukuba Nàn'i Kanto sonsannin ma ko:
- N 'teri 'sonsan, nin jiri suma in kɔni ka Di nka minnɔgɔ b'an na dɛ! O dun bɛ Kɛ cogo di?
-N 'teri 'suruku, n'an Wulila an na jiko Лɛɲini sira fɛ, sonsannin kan bɛ tèn.
Ɔ, u sɛngɛlafyɛn bɔlen, u Wulila k'u Kɛ sira kan. U ye dɔɔnin Taama dɔrɔn ka Sin ka Bɔ kɔlɔn dɔ kan tèn. Surukuba y'i Ko:
- Alahu akubaru, an n'an Min sisan.
Lɔgɔkurun kelen de tùn bànamininen dòn a kɔlɔn in da la  kà juruflen kelen Blà kɛrɛ fɛ yen. Surukuba Sinna ka Bòli k'i Madon kɔlɔn na. O y'a Sɔrɔ hali sonsannin tùn tɛ Se k'a sènTà koɲuman minnɔgɔ 'bolo. Ɔ, tuma min na u bɛɛ Sera kɔlɔnda la, surukuba Siranna a y'i Jɔ kɛrɛ fɛ dɔɔnin. Sonsannin Nàna juruflen Tà k'a bɛ ji Bɔ. A ye kalo ni sankolo Ye kɔlɔn 'kɔnɔ. O kɛlen, a Kulela. A ko:
- N 'teri 'suruku, e ka Nà nin kabako in Lajɛ tàn!
- N tɛ Gɛrɛ n'i ma Лɛfɔ, surukuba ko tèn.
- N 'teri 'suruku, kalo ɲumannin ni sankolo ɲumannin dɔ bɛ kɔlɔn 'kɔnɔ yan.
O kɛlen surukuba fana Bòlila ka Nà. Nka a selen, a ma Sɔn ka flɛli Kɛ kɔlɔn in 'kɔnɔ. A y'i Jɔ sonsannin kɔ fɛ k'i Kanto.
- N teri 'sonsan, kalo wɛrɛ ni sankolo wɛrɛ min ni Ala ta tɛ kalen ye, ne t'o Flɛ fyew, bari ko jɛlen tɛ o ye.
Aa, jaa-jaa kɔlɔn in tùn ye bilisi ta de ye. U Tor'o de la jinɛ jugu dɔ Girinna ka Bɔ. Yanni 'sonsannin k'i Pan ka Bɔ kɔlɔndala-jiri kan op, jinɛ jugu y'a Tà a tlo janw ma tèn. Surukuba Bòlila ka Taa ʃwɛ!
Ɔ, jinɛ jugu Taara ni sonsannin ye kà Taa a Di bilisi ma o y'a Kɛ tlelafana na ye. Ɔ, surukuba kɛlen ka kunnafoni Sɔrɔ kɔ fɛ ko bilisi ye a 'teri sonsannin Kɛ na ye, aa! a nisɔndyalen Kulela dew. A ko:
-Ee! bɛɛ ko ne nalonnen dòn nka ne kisilen Flɛ nin kelennin na dɛ! N b'a Fɔ n bɔnnaw bɛɛ ye k'u ʃi kana kɔlɔnkɔnɔ-kalo Lajɛ wa u kana kɔlɔnkɔnɔ-sankolo Lajɛ. Bari Ala ta t'u ye.
N y'o Sɔrɔ yɔrɔ min n y'a Blà yen.

 

Blàdon : 2016-05-19     Yɛlɛmako laban : 2016-07-07


I fɛla Fɔ fasiri kan :

Captcha

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2024

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015