FÀKAN

Mali duguw >

Sokùranin / Kafɔŋɔ

Dugu yɔrɔfɔli

Sokùranin bɛ Koloniŋɛ galoda fɛ min galotigi-dugu ye Molobala ye. O Molobala o fana y'a ka kafoda kubedugu ye; a fana Delila ka Kɛ Sokùraninkaw ka jamanatigi-dugu ye. Kolomiko siratigɛ la, Sokùranin bɛ Kucala fɛ a ni min cɛ ye bam 29 ye Sikaso marabolo 'kɔnɔ.

Dugu tɔgɔko

I n'a fɔ miɲankadugu caman bɛ cogo min na, Sokùranin ye dugu ye tɔgɔ 2 bɛ min na: Sokùranin ani Kafɔŋɔ. Sokùranin de fɔli ka ca awa o fana de sɛbɛnnen dòn dugu tɔgɔ sɛbɛnniko bɛɛ la. Sokùranin y'a bamanantɔgɔ ye ni kà Kafɔŋɔ Kɛ a miɲankatɔgɔ ye. A miɲankatɔgɔ Sɔrɔla yɔrɔkura-ci dɔ fɛ min Kɛra cὲ dɔ fɛ min tɔgɔ tùn ye ko Màsa. Komin kan fla bɛ Fɔ dugu la, dugu tɔgɔflako in sababu Bɔra o de la.

Dugu dugutigiya

Dugutigi de bɛ Sokùranin Mara, laadala-dugutigi kɔni. A tìgiya bɛ Sɔrɔ kɔrɔyakunda, min ye k'a Jira k'a fɔ ko ni cɛ min ka kɔrɔ ni dugu cɛ tɔw ye k'o de bɛ Kɛ dugutigi ye.

Dugu yɛrɛ tu tigɛbaa fɔlɔ tɔgɔ ye Masa Tarawele. A ka baara tùn ye donsoya ni sɛnɛ ye.

Dugu bònya

Sokùranin tɛ dugu kùnbaba ye. Kìn kelen de dòn. Dugu b'a sìgiyɔrɔ 2nan na nin ye. A sìgiyɔrɔ fɔlɔ tomon bɛ Weele ko Gbee.

Dugu siyako

Sokùranin sigibaaw la fànba ye miɲankaw ye. Olu ni siya wɛrɛw bɛ sìgi la ɲɔgɔn fɛ i n'a fɔ bɔbɔw ani fulaw. Jamu minnu bɛ dugu la olu ye Tarawele, Danbɛlɛ, Jara, Jalo ani Saanu. Kan fla de bɛ Fɔ dugu 'kɔnɔ: mamara (miɲankakan) ni bamanankan.

Dugu baarako

Sɛnɛ ye sokùraninkaw kaa baara la fànba ye. Yenkaw bɛ kɔɔri Sɛnɛ, saɲɔ, keninke, kàba, ʃɔ, tiganinkuru, bɛnɛ, zɛrɛ, malo ani tiga.

Dugumɔgɔw bɛ jiriforoko fana Kɛ. Mangoro ni lenburu ni somɔ ninnu bɛɛ b'u ka nakɔjiriw la. U bɛ nakɔlafɛn minnu Sɛnɛ olu ye ʃù, foronto ani nafɛn wɛrɛw.

Baganmara fana bɛ sokùraninkaw ka baaraw la. Bagan sugu minnu bɛ u fɛ olu ye misi, saga, bà wùlu ani fàli ye.

Sokùranin 'kɔnɔ, kamanmafɛnw bɛ yen. Kami ni ʃɛ ni tonkɔnɔ ani kɔnɔ wɛrɛw bɛ dɔw 'bolo mara la.

Jagokɛlaw bɛ dugu 'kɔnɔ. O dɔw ka baara ye baganfeere ye. Dɔw ta ye sɛnɛfɛnw ni butikiminɛnw ye. U bɛ o warilabaara ninnu Kɛ u ni lɔgɔduguuw 'cɛ bari Sokùranin yɛrɛ tɛ lɔgɔdugu ye.

Donsoya kɛbaa damadɔw bɛ yen. Fɛn min ye bololabaaraninw ye, motodla ni nɛgɛsodla bɛ Kɛ duguden dɔw fɛ.

Dugu yiriwaliko

Dugu yiriwaliko la, Sokùranin ye dɔ Kɛ o la. Kɛnɛyaso kelen bɛ dugu la.

Yεlεma kuraw siratigε la, fɛn kura dɔw Nàna dugu 'kɔnɔ i n'a fo baarakɛminɛnw. Лɔʃimansin, pɔnpekɔlɔn, moto, kalalimansin ninnu bɛɛ b'o minɛnw na. Hali sɛnɛkɛmansin dɔ bɛ dugu 'kɔnɔ yen. jabaranin Sera dugu 'kɔnɔ fana. Dugu ka kɔɔrifeere bɛ Лɛnabɔ kɔɔrisugu jɔlen na.

Dugu ka baaraɲɔgɔnya siratigɛ la, dugu ni bolodalibaara minnu bɛ baaraɲɔgɔnya Kɛ o dɔw ye CMDT ni AMDD ye. CMDT sèndonnen don dugu kɔɔrisɛnɛ yiriwali fɛɛrɛw la ani jurudon-jurusara baaraw. AMDD ka dɛmɛ ɲɛsinnen bɛ sumanʃiw maracogo ɲuman ma ani dugukolo-ko kisaw.

Dugu kàlanko

Kàlan Donna Sokùranin a Mɛnna dɔɔnin. Yen kàlanko da Minɛna balikukalan ma 1989 sàn. O kàlanso kelen bɛ duguu 'bolo halibi. Lakɔlikalan fana Donna dugu 'kɔnɔ a bɛ sàn 15 ɲɔgɔn Bɔ bi. Lakɔlikalan bɛ Dàn dugumadakun dɔrɔn ma, o min ye sànwɔɔrɔ-kalan ye.

Dugu batoko

Diinɛ minnu bɛ Bato Sokùranin 'kɔnɔ olu ye silamɛya ni kerecɛnya ye. Silamɛya de fanga ka bon. Misiri kelen bɛ dugu la. Kerecɛnya Dònna dugu 'kɔnɔ Ligi Danbɛlɛ fɛ.

Dugu ɲεnajεko

Лɛnajɛlako minnu bɛ To Nà Sokùranin o dɔw ye seliw, kɔɲɔw, denkundiw ani sanyɛlɛma ɲɛnajɛ. Fɔliminɛn minnu bɛ Kɛ k'o ɲɛnajɛw Kɛ olu la fànba ye bala ni bɔnɔ ye.

Dugu kungoko

Jisigi-yɔrɔ ni jiboli-yɔrɔko siratigɛ la, kɔ kelen ni dàla naani ani jɛ kelen bɛ Sokùranin kungow la.

Dugu kabakoma-yɔrɔko

Kabakomayɔrɔ kelen min bɛ Sokùranin o tɔgɔ ye ko Faralaji. O ye 'ji ye min bɛ Poyi ka Bɔ fara dɔ 'jukɔrɔ.

Blàdon : 2016-01-20     Yɛlɛmako laban : 2016-07-29


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015