FÀKAN

Fàkan mɔgɔw

Kabini fàkan fogo Dayɛlɛnna 2014 sàn na k'a dònsira Kɛ fakan.ml ye, kanko cɛsiribaa dɔw b'a la ka baaraw K'a 'kɔnɔ. A sintinbaaw yɛrɛ y'o la mɔgɔ fɔlɔw ye. Mali fàsokanw baarali galabu-kɛnɛtigi dɔw 'sèn b'a la denmisɛnkunda. O denmisɛnkulu mɔgɔ fànba bɛ tɔn dɔ la ko Kan ni Yiriwa. O tɔn in mɔgɔ minnu y'u Kandi fàkan fogo lafali la, olu ma Salaya a baara fɛ halibi. An b'u Weele ko fàkan baarali dungɔlamɔgɔw.

Isiyaka BAALO

Isiyaka BAALO ye 'ɲininikaramɔgɔ ye. Bayɛlɛmanikɛla ani kanbaarala dòn fana (TB mankutusɛbɛn na). A ye fogo Blà 'sen kan fogokɛnɛ kan n'o bɛ Weele ko Fàkan fogo, min dlonsira Ye fakan.ml ye. Isiyaka BAALO bɛ ɲininikaramɔgɔya Kɛ Mali sannakalanso dɔ la ko FLSL, Bamakɔ. A ka karamɔgɔya bɛ Kɛ kankalan (anglɛkan ni bamanankan) ani kandɔn kan. A bɛ ɲininiw Kɛ bamanankan kan ani Mali tabiya dɔw. O ɲininiw y'a To a Sera ka daɲɛgafe Dla bamanankan na 2008 sàn na a ni Kr Dukure ka jὲɲɔgɔnya 'kɔnɔ. Isiyaka BAALO ye fàkan fogo sintibaa ye.  A bɛ kan sàba Mɛn k'u fana Sɛbɛn: bamanankan, faransɛkan ani anglɛkan. A ye risikan Kàlan k'a To cɛmakalanso la.


 Yusuf BAALO

Yusuf Baalo bε Bɔ Nɔkɔlɔn, Joyila kolomi 'kɔnɔ. A bε sannakalanso san sabanan na Bamakɔ sannakalanso dɔ la ko FLSL. A b'a la ka alemakan kankelen-kalan Kɛ yen. Fàkan fogo sintibaa dɔ dòn. Daɲɛsɛbɛn min bɛ fogo kan, Yusufu Baalo ka baara ye daɲεtɔmɔ ye k'o Lafa. Yusufu bε kan minnu Sεbεn olu ye bamanankan, faransεkan ani alemakan ye. Fakan.ml sintibaa 2nan dòn.
 

Musa DANBƐLƐ

Musa S Danbεlε bɛ Bɔ Sungulaso, Kucala kolomi la. A ye sannakalan sànnaani-kalan Kɛ k'o Foori anglɛkan kankelen-kalanni na, Bamakɔ. Musa Danbɛlɛ y'i To sannakalan na ka Sɔmi fàsokanw nafa la. A ye DNAFLA ka kalokelen-kalan Kɛ bamanankan na. A bɛ bamanankan ni anglɛkan karamɔgɔya Kɛ cɛmakalansow la (TB mankutusɛbɛn).

Musa Danbɛlɛ ka bolojolenya kosɔn bamanankan sɛbɛnni na, Fàkan mɔgɔw  Dar'a la k'u ka fogo lafali sagoya dɔ Dòn a 'bolo. Fogo lafali dungɔlamɔgɔ dɔ dòn. A ka lafali fànba bɛ Mali duguw kùnnafoni dònni kan fakan.ml 'kɔnɔ. Musa Danbɛlɛ bɛ kan minnu Fɔ n'a b'u Sɛbɛn olu ye mamara, bamanankan, faransɛkan ani anglɛkan ye. A  bɛ bayɛlɛmaniw ni kanlasew Kɛ o kan ninnu ni ɲɔgɔn 'cɛ.


Dramann KEYITA

Dramann KEYITA  bɛ Bɔ Bamakɔ. A y'a ka lakɔlikaramɔgɔya kàlan Kɛ ka Tla o la 2008 san, Kangaba (TB mankutusɛbɛn). Ka Bɔ o san na ka N'a Blà 2013 la, Dramann ye  kalanden-kalan Kɛ Bamakɔ duguma-kalanso dɔw la. A ka kanw baaraliko dusu Dònn'a 'kɔnɔ o waati la. 2013 selen, a y'i Kanbɔ sannakalan sànnaani-kalan kɛli nɔ fɛ. A y'o Sɔrɔ minkɛ, a b'o san naaninan na kandɔn kàlanda la FLSL la ɲinan (2016). Dramann bolo bɛ bamanankan baarali caman na i n'a fɔ bayɛlɛmaniw. Dramann Keyita ni Fàkan mɔgɔw bɛ baara la sisan. A ye fàkan.ml lafali dungɔlamɔgɔ dɔ ye. A bolo bɛ dakun min na o baara la o ye masalasɛbɛnw kùnnafoniw ɲinini ye k'olu Blà fogo kan. Dramann ka kan mɛnnen ye bamanankan ni faransɛkan ye. A b'olu Sɛbɛn fana.


Umu KULUBALI

Umu KULUBALI ye Jijenika ye, Kolokani kolomi 'kɔnɔ ani Kulukɔrɔ mara la. A ye sànnaani-kalan Kɛ k'o jala Tà kandɔn kalanbolo la sanna-kalanso dɔ la ko FLASH, Bamakɔ. A Tlar'o la 2013 sàn. Umu ye bamanankan sɛbɛnni kalokelen-kalan Kɛ DNAFLA la ka Tɛmɛ ka Fàra a ka siginikalan kɛlenw kan FLASH la. O kàlan ninnu y'a Kɛ mɔgɔ faamuyalen ye bamanankan sɛbɛnni n'a mabɛn dɔnniya la. O kosɔn Umu Delila ka baara Kɛ "Jɛkabaara" kibarusɛbɛn na bayɛlɛmani siratigɛ la. Bì, Umu bɛ bamanankan karamɔgɔya Kɛ kàlanso dɔw la, Bamakɔ. Umu ye fàkan.ml lafali dungɔlamɔgɔ dɔ ye. A ka baara bɛ fogo-gafebon kùnnafoni-ɲini kan. Umu bɛ kan fla minnu Mɛn, bamanankan ni faransɛkan, a b'olu fana Sɛbɛn fo a bɛ bayɛlɛmaniw ni kanlasew Kɛ olu la.


Salimata BƐNGALI

Salimata Bεngali bɛ Bɔ Gɔngaso, Klela galoda 'kɔnɔ ani Sikaso mara la. Kandɔn kàlanbolo min bɛ FLSL sanna-kalanda la Bamakɔ, a ye 'sànnaani-kalan Kε k’o Foori yen. A y'o jàla Sɔrɔ 2013 sàn na. Salimata ye kàlan misɛnnin caman Kɛ bamanankan sɛbɛncogow kan. O kàlan ninnu y’a Kε mɔgɔ faamuyalen ye bamanankan sεbεnni n’a mabεn dɔnniya la. Salimata ka cɛsiri kosɔn, Fàkan mɔgɔw y'a K'u ka fogo lafali dungɔlamɔgɔ dɔ ye. Fakan.ml lafali ni so tàtaw kùnnafoniw ye o y'a ka baara ye. Salimata bε kan sàba  Mεn k'u Sɛbɛn fana n'olu ye bamanankan, ʃɛnara ani faransεkan ye. A b'o kan ninnu nafabɔ-sira caman Kɛ i komin bayεlεmaniw ni kalansenw kεli u la.

 

Blàdon : 2016-05-22     Yɛlɛmako laban : 2016-12-15


I fɛla Fɔ fasiri kan :

Captcha

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2024

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015