FÀKANDɔnniya fòrobayali jὲmukan tàko 13nan
Làbɛn 3 : Bàngudɔn : Tlè n’a màntonw kisa.
Dakun : Ntòlaba n’a kùnkanfaamuyaw (jupiter et ses littératures scientifiques)
1. ‘Sègin kɛli mànton yelenw tɛrɛmɛni kan fo kà Se ntòlaba ma
2. Mànton 5 : Ntòlaba (Jupiter)
2.1 Ntòlaba kofɔli (Présentation de jupiter)
- Ntòlaba Ye mànton 5nan ye n’i b’i Màbɔ tlè la kà T’a fɛ ;
- Ntòlaba bɛ Da dùgukoloblen kan kà sɔ̀rɔ kà jikuruntola Da a kan ;
- Tlè mànton 9 bɛɛ la dànkelen Dòn a yankan bònya la ;
- A kòorikɔnɔ bònya Ye bam 142 984 ye a cɛcijala yɔrɔ la ;
- Dùgukolo ɲɔgɔn 1 300 bɛ Se kà Dòn ntòlaba ‘kɔnɔ ;
- A yankan bònya fɛ, ɲininikɛla dɔw y’a Da a la ko ‘tlè jaasilen/hàlakilen ;
- Ntòlaba Kɛr’a tɔgɔ ye k’a sababu Kɛ a yankan bònya n’a sɔsɔcogo ye fɔ̀lɔkɔ la ;
- Sannakolo dòn min Bangera nìn y’a sàn miliyari 5 ye.
2.2 Ntòlaba n’a laminisannafɛnw cɛ jànya (Distance par rapport aux astres voisins)
- Fùrancɛ bamɛtrɛ miliyɔn 778 ɲɔgɔn Bɛ ntòlaba ni tlè ‘cɛ ;
- Fùrancɛ bam miliyɔn 550 b’a ni dùgukoloblen ‘cɛ a kɔ fɛ ;
- Fùrancɛ bam miliyɔn 222 ɲɔ̀gɔn b’a ni jikuruntola ‘cɛ a ɲɛ fɛ ;
2.3 Ntòlaba bàrisogoko (Structure de jupiter)
- Fɔ̀lɔkɔmanton dòn, o min bɛ Dànfara kà Bɔ bɔ̀gɔkurumanton ni jikurumanton ma ;
- Ntòlaba fɔ̀lɔkɔ mànfɛnw ye jilan ye (87%), tlèlan (13%) ;
- Tòlifɔlɔkɔ (kàbasulan) ni sɛmɛnanɲaga (ammoniac) mùrumuruninw B’a la fana ;
- Jilan bɛ To sawurayɛlɛma na ntòlaba ‘kɔnɔ a jilama n’a fɔ̀lɔkɔlama ‘cɛ ;
- Jilan jilama B’a fìri min ‘kɔnɔ, o yɔrɔ fùntenihakɛ bɛ Yὲlɛn kà Se fo 10 000 hahɛ ma ;
- A forokofiɲɛ kùnnana na, nɛnɛ bɛ Jìgin kà Se fo hakɛ jaasilen -120 ma ;
- Lamininkɔn sàba Bɛ ntòlaba la nk’u yankan tɛ jikuruntola taw Bɔ ;
- A lamininkɔnw mànfɛn Ye gɔngɔn ye ko ‘jikuru tɛ.
2.4 Ntòlaba ka bɔnnɔnako (Mouvement de jupiter)
- Ntòlaba ka tlèlamini kùntaala bɛ Fòori sàn 11,9 ‘kɔnɔ, o min y’a ka sàn kelen ye ;
- A ka bɔ̀lɔkanmunu-munu kùntaala ka sùrun waati 10 ɲɔgɔn na ;
- A ka munu-mununi teliyakojuguya y’a To a foololen dòn a cɛcijala yɔrɔ la.
2.5 Ntòlaba tɔgɔlamantonko (Satellites naturels de Jupiter)
- Ntòlaba tɔgɔlamantonw (kalow) hakɛ yelen Sera 79 ma bì-bi in na ;
- A kalow la yelen fɔlɔw Yera Galile fɛ kabini 1610 sàn na ;
- A kalo yelen fɔlɔw tɔgɔ Dara ko : Iyo, Erɔp, Ganimɛd ani Kalisto.
2.6 Dodaɲɛkura fɔlenw fàamuya dili :
1. Cɛcijala = équateur
2. Dùgukolofɔɔnɔ = volcan
3. Fɔ̀lɔkɔ = gaz
4. Fɔ̀lɔkɔmanton = planète gazeuse
5. Fìri = couche / épaisseur
6. Fùntenihakɛ = température
7. Gɔngɔn = poussière
8. Jikuru = glace
9. Jikuruntola = saturne
10. Jilan = hydrogène
11. Kòorikɔnɔ = diamètre
12. Kùntaala = période/durée
13. Laminini = révolution
14. Lamininkɔn = anneau
15. Mànfɛn = élément constitutif
16. Mànton = satellite
17. Munu-mununi = rotation
18. Ntòlaba = Jupiter
19. Sannafɛn = astre
20. Sannakolo = planète
21. Sɛmɛnanɲaga = ammoniac
22. Tlèlan = hélium
23. Tòlifɔlɔkɔ = méthane
Sunkofɔlan
Microsoft Encarta Collection, 2009, Jupiter (astronomie).
Microsoft Encarta Junior, 2009, Jupiter,
Solar system scope, Application android téléchargée de playstore, https://play.google.com/store/apps/details?id=air.com.eu.inove.sss2,
Blàdon : 2023-10-10 Yɛlɛmako laban : 2023-10-14
