FÀKAN

 

Fransi làsigiden lablali kà Bɔ Mali 'kɔnɔ an ka tὲmɛsennafanga fɛ, o Ye 'ko ye min Fùsayara, bari jaabi de Dòn. Fransikaw ka Ledriyan ye kuma bὲnbali minnu Fɔ Mali kùnnasigifanga ma o kumaw tɛ 'fɛn ye ko 'jàmana b'a Fɔ i jàmana ɲɔgɔn dɔ jɔbaaw ma. A kumaw ni ɲànkeli min ka kan, an bɔlen Flɛ k'o dɔ Ye kà Bɔ Mali 'yɔrɔ kà Kɛ Fransi kan. Fransi fana bɛ bὲn-bɛn-bɛn caman na dìbi la walasa a ka Se ka Mali kùnko Fɔ n'a ma Kɛ ni a tὲmɛni ye Mali fàamaw ka yàmaruya 'kɔnɔ. Ale Fransi t'a fɛ ka jɛɲɔgɔnya Dòn a ni Asimi ninnu 'cɛ k'o sababu Kɛ ale t'olu Jàte fànga tàbaa ɲumanw ye Mali la. O Ye 'ko ye min tɛ Bὲn 'cogo ʃi la bari hali n'u nàli ma Kɛ suganli 'kɔnɔ fànga la, Fransi ka kan k'a Dɔn ko jàmanaden b'u 'kɔ 'kɔrɔ. Ko maliden sàgo ye min ye maliko la k'u bɛ kà dɔ Kɛ o la fɔlɔ. O la, ale Fransi tɛ Se k'i Munu-munu a da fɛ kà Mali nìyɔrɔsɛbɛnw bolonɔbla Kɛ. N'a Tora tèn, Mali ka jàmanaya Bɛ min o 'kɔnɔ? O de la, mànkan min Wulila ko Danimark k'i ka sorasi 90 nàlenw Lasegin ka Taa a yὲrɛ ka jàmana kan, o sababu Bɔra o bolonɔbla sugu dɔ la. Fransi de ye 'fὲɛrɛ bɛɛ Kɛ kà o sorasi kofɔlen ninnu ka sɛbɛnkow bɛ ɲɛnabɔ Mali fàamaw 'ɲìnɛ ma. Sàriya kɔrɔ minnu Bɛ yèn a ko kan, olu dun b'a Jira ko ni o sorasiw n'a ɲɔgɔnna fɛn o fɛn bɛ N'an Dὲmɛ an ka kὲlɛ in na, ko a yàmaruya ka kan kà Bɔ mali màrabaaw 'yɔrɔ fɔlɔ. Danimark taw nàli in ma Bɔ o sira ɲuman fɔlen fɛ. Fransi yὲrɛ de y'i kàana Gὲlɛya kà sɛbɛn dɔw Bilisa u ni danimark 'cɛ k'a sɔ̀rɔ Mali 'sèn ma Dòn a 'ko fosi la. Yala o sorasiw nàkun ye an dɛmɛni ye wa?

Blàdon : 2022-02-01     Yɛlɛmako laban : 2022-02-01


I fɛla Fɔ fasiri kan :

Captcha

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2024

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015