FÀKAN

Ziirinda >                                                                                                        2016 05 14

Sinamuso jugu

Nin Kɛra muso flà ye minnu tùn bɛ cὲ kelen 'kùn. Sinaya jugumanba tùn bɛ u ni ɲɔgɔn 'cɛ. O Kɛra sababu ye fo muso flanan tùn t'a fɛ kà muso fɔlɔ n'a denw Ye a ɲɛ na. K'a sɔrɔ muso fɔlɔ denkɛ fɔlɔ tùn b'a Bònya bònya suguya bɛɛ la. Wa o fana de tùn ye muso fɔlɔ fana ka den mandi ye o jìgiba fana tùn bɛ min kan. Nka Ala ni juguya fɛ muso flanan ma Miiri den in ka bònyaw la. Don dɔ Kɛra a Wulila ka Taa morikɛ dɔ fɛ yen k'a bɛ Taa o den in Лɛɲini walasa k'a ka hadamadenya Dòn nkalama la. A selen moriso la, a bisimilalen morikɛ fɛ, a y'i Kanto:
- Ee, karamɔgɔ, ne kɔnɔ gannen dòn bì koyi!
- Cogo di n balimamuso? morikɛ kan bɛ tèn.
O kɛlen, a Ko
- A ye n Tɔɔrɔ karamɔgɔ, a n'a ba mana fɛn o fɛn Fɔ n cὲ ye o bɛ n Minɛ o ma.
- O ye jɔn ye ne ba? morikɛ kan bɛ tèn
- Karamɔgɔ n sinamuso den.
O kɛlen, morikɛ fana K'a ma ko:
- Nɛgɛ tigɛda ye fanda ye. N'i Sera yan kàban, nin ye o dagablen talen ye ka Bɔ i 'da la. I b'a fɛ an k'a Kɛ cogo min na i t'o fɔ n ye?
- Karamɔgɔ, ne t'a fɛ n ɲɛ yɛrɛ de ka D'a kan n ka ɲɛnamaya yɛrɛ tɔ 'kɔnɔ. Muso ye morikɛ Jaabi tèn.
Morikɛ fana y'i Kant'o la ko:
- Han! ni n y'a Faamu, i b'a fɛ an k'a Blà jamanakɔnɔtaa la wa?
Muso fana Ko morikɛ ma o la ko:
- Karamɔgɔ n'o Kɛra, a Mɛn o Mɛn n tlo bɛ na Dòn a kibaru la don dɔ la, ne dun t'o fɛ.
O kɛlen, morikɛ y'a kùn Kɔmi, a y'a Faamu ko muso b'a fɛ ka min Fɔ. A Ko muso ma
- N'i Ko tèn, o ka nɔgɔ anw moriw ma n'a tɔ bɛɛ ye. ɛɛ, n bɛ na 'furamugunin Di i ma i k'i Jija k'o Kɛ a 'kɔnɔ. N'o kɔni Ser'a 'kɔnɔ, i ka Da n na walima i ka Tigɛ n na, a bɛ Taa 'dugu la taa-ni-ka-segin tɛ dugu min na wa 'màa tɛ 'màa kibaru Sɔrɔ k'i To yen wa o dugutaa in 'balifura tɛ hali ne yɛrɛ 'bolo 'kuma tɛ mɔgɔ wɛrɛ ma.
Aa! o Bɔ morikɛ 'da! muso y'a Faamu k'a b'a fɛ kà min Fɔ. A Nisɔndyara f'a bɛ Muguri.
Ɔ, morikɛ ye furamugunin fitinin D'a ma, ko a k'a Kɛ i n'a fɔ ale y'a Лɛfɔ cogo min na. Muso fana ye fura Minɛ kà sira Tà. A bɛ Taa, a bɛ Taa. A Nàna Bɛn ni flamuso dɔ 'nɔnɔfèerela ye. A ye nɔnɔ dɔɔnin Sàn o 'bolo. A selen 'so sa, a ye nɔnɔ in Yɛlɛma minɛn dɔ 'kɔnɔ kà furamugunin in fana Yɛlɛma o 'kɔnɔ, k'a Лagami. A y'a sɛbɛkɔrɔ Лagami k'a Blà ka muso fɔlɔ den in Kɔnɔ. Tuma min na a Tlara nin bɛɛ la, a Taara k'a bɛ T'i Ko. Aa! jaa kojugu t'a yɛrɛ Kɛ! muso jugu in bɛ Bɔ ɲɛgɛn na tuma min na, a Nàna nɔnɔflen jàlen Sɔrɔ a yɛrɛ den 'da, den wɛrɛ t'a 'bolo min 'kɔ kɔni. Den in ye nɔnɔ in bɛɛ Min k'a Ban tayi! Muso jugu in y'i bolo flà Da a kùn kà Kule dew, k'ale bolo Kɛr'a yɛrɛ kàla ye.

N y'o Sɔrɔ yɔrɔ min n y'o Blà yen.

Blàdon : 2016-05-14     Yɛlɛmako laban : 2016-07-07


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015