FÀKAN

Màsaba sɛbɛnnibolo

Dadonkan

Màsaba ye manden kɔnɔna sɛbɛnnibolo dɔ ye min tùn bɛ Sɛbɛn Karata 'kɔnɔ, Karata masaʃi bamananw fɛ, Mali la. A sɛbɛnnibolo in ye kanɲɛ-sɛbɛnnibolo dɔ ye, o min b'a Jira ko a siginiden taamaʃyɛn kelen bɛ Kɛ ka kanɲɛ kelen Fɔ sani a ka Kɛ ka mànkanden kelen Fɔ.

Màsaba sintinbaako

A Jirala k'a Fɔ ko màsaba sɛbɛnnibolo ɲɛgɛn dlabaa ye Wɔyɔ Kulubali ye ka Bɔ Mali la. A cɛ in y'a sigini Dla ka Blà 'sèn kan 1930 sàn na. Wɔyɔ yɛrɛ ka dugu ye Asacɛmala ye, màsaʃi-dugu dɔ, min Kɛra màsaba sɛbɛnbaaw ka faaba ye, o min bɛ Sandare kubeda fɛ bì. 1978 sàn sɛtanburukalo y'a Sɔrɔ Tapa Kulubali ye sɛbɛnnibolo in karamɔgɔ lakodɔnnen ye. O waati y'a Sɔrɔ Wɔyɔ yɛrɛ bɛ balo la, nka a tùn kɔrɔlen dòn kosɛbɛ.

 

Asacɛmala bɔlen 'kɔ a la, dugu wɛrɛ minnu tùn bɛ minnu bɛ sɛbɛnnibolo Sɛbɛn olu dɔw ye Jabe ye, Segala, Sereji ani Korɔnka ye. Dugumaja in bɛ màsaba kan hali ni ale bɛ anglɛkan na.

Màsaba kɛyɔrɔko

I n'a fɔ Nfayi, Loma, Mɛnde ani kpɛlɛ ɲɔgɔn, màsaba sɛbɛnnibolo ye manden kɔnɔna kanɲɛ-sɛbɛnnibolo dɔ ye, Fàrafinna tlebin fɛ. A tìgi y'a Laɲini ka bamanankan Sɛbɛn n'a ye, o min ye 'kan ye min bɛ Fɔ Mali 'kɔnɔ, Burkina fàso, Kɔdiwari, Laginɛ, Ganbi, Moritani ani Senegali 'kɔnɔ.

Màsaba siginidenko

Màsaba sɛbɛnnibolo ye siginiden 123 ye. A bɛ Sɛbɛn ka Bɔ numan fɛ ka Taa kinin fɛ, i n'a fɔ fransɛ ni anglɛ bɛ Sɛbɛn cogo min na. A sɛbɛnni taafanko ye dànfara Dòn a ni Manden kɔnɔna sɛbɛnnibolo tɔw caman 'cɛ, olu minnu bɛ Sɛbɛn ka Bɔ kinin fɛ ka Taa numan fɛ i n'a fɔ arabukan taacogo.

 

Blàdon : 2016-07-07     Yɛlɛmako laban : 2017-02-26


I fɛla Fɔ fasiri kan :

Captcha

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2024

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015