FÀKAN

Лɛnawoloma

Nin kεra muso dɔ ye, den duru de tùn b'a 'bolo. Naani tùn ye muso ye ni ka tɔ kelen Kɛ 'cɛ ye. Nka muso in furadama ma Kɛ cɛmaninwolo fɛ. O la, n'a tùn bε Na sin Di u ma, a tùn bε dɔnkilinin dɔ Da o min 'kɔnɔ a tùn bɛ denmusonin ninnu bɛɛ tɔgɔ Fɔ, nk'a da tɛ Maga cɛmanin tɔgɔ la fyew. Ɔ, n'o Kɛra, musomanin naani ninnu tùn bɛ Bɔ ka na sin Mi. Ɔ, muso Tor'o de la fo don dɔ surukuba tlo Nana Dòn o dɔnkilinin in na, o fana y'o Ladege fo ka Se a la. Wa a ma Dàn o ma koyi, a ye 'fɛrɛ Kɛ ni k'a Kan Lalaga ka Bɛn muso yɛrɛ kumakan ye ten cɔy. Ɔ o Kɛlen sa, tuma min surukuba y'a Dɔn k'u ba Bɔra, a y'i Лɔɔri ka n'i Jɔ da la. A y'a dɔnkilinin da Minɛ sɔn, n'a Sera min tɔgɔ ma o bɛ sin ka Boli ka Bɔ surukuba fana b'o Minɛ k'o kan Kari k'o Blà. A ye muso den musomanin bɛɛ fàa nin cogonin in na ni ka Sɔrɔ k'i Sìgi k'u Kɛ hɛ! U duntɔ, cɛmanin y'i Dɛn k'a kùn Da fɔlɔwo la, a y'a Sɔrɔ fo surukuba ɲɛ Tugulen don a ko da la.

Ba nalen, a ye dɔnkilinin Da màa ma Bɔ, A Seginna k'a Da màa ma Bɔ. O kɛlen a ye cɛmanin Weele o Bolila ka Bɔ. A y'i kanto o ma

-I kɔrɔmusow Taara min?

- Surukuba Nan'i ka dɔnkilinin ɲɔgɔn Da u Bɔlen, a y'u Minɛ k'u Dun. Cɛnin kan bɛ ten.

Aa! o Fɔ ani muso k'i Woronto a ʃi ma kɔrɔya ni ʃi ye. A kulekan bɛ ko,

-Ala n ye mun Kɛ i la?

O y'a Sɔrɔ dubanin dɔ tùn bɛ jiri la u 'kɔrɔ, o Sinna k'i kanto

-Ala ma 'fɛn Kɛ, i yɛrɛ bolo de Kɛr'i kala ye. Mun na i bɛ denw Wolo ka Kɛ dɔ fɛ ni dɔ ye? Nin y'i ka 'ko ye i 'bolo yen.

O kɛlen a y'a den cɛmanin in Tà k'o Ko k'a jɛ. A bɛ fɛn bɛɛ Kɛ a ye.

N Tà yɔrɔ min, n y'a Blà yen.

Blàdon : 2017-03-29     Yɛlɛmako laban : 2017-03-29


I fɛla Fɔ fasiri kan :

Captcha

Jagomajira

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015