FÀKAN

Apolo Bànakisɛ

‎Apolo ye 'ɲɛdimi ye min bɛ mɔ̀gɔ dègun kosɛbɛ. Màli la, Apolo bɛ 'mɔgɔ caman mìnɛ sàmiɲɛ banwaatiw fɛ, ‘kɛrɛnkrɛnnenya la, sɛtanburukalo ni ɔkutɔburukalo la. O kalo nìnnu ye apolo bànakisɛ bugunwaati ye, k'a sababu kɛ waatiyɛlɛma ye. Bànakisɛ in tàamasiyɛnw bɛ bange tìle 1 fo tìle 5 a dònnen 'kɔ fàri la. O de kosɔ̀n, apolotɔ bɛ se k'a yἑlɛma 'mɔ̀gɔ caman fɛ kà sɔ̀rɔ a yἑrɛ ma a dɔn k'a b'ale yἑrɛ la. Apolo mana mɔ̀gɔ mìnɛ, à tàamasiyɛnw ye ɲɛ bìlenni ye coyi ani ɲɛjibɔ. À bɛ kɛ à tigi 'ɲɛ na ko nɔgɔ b'à ɲɛ na k’a sɔ̀rɔ 'nɔgɔ t'à la.

‎Apolo jɛnsɛncogo mɔ̀gɔw 'cɛ: Apolo bànakisɛ jɛnsɛn ka di kosɛbɛ. A ka c'à la, a bɛ yἑlɛma mɔ̀gɔ la tɛgɛ de 'sababu la. Apolo bɛ mɔ̀gɔ min na, o ka teli kà màga a ɲɛ na 'tùma bɛɛ. O kɔ fɛ, bànakisɛ bɛ to à tɛgɛ la. O mana taa màga mìnɛn dɔw la, i n'a fɔ jifilen, kon mìnɛyɔrɔ, sènfɛjuru, o n'a 'ɲɔgɔnna caman, a bànakisɛ bɛ to o fɛn masìna na. Ni 'mɔ̀gɔ wɛrɛ taara màga o mìnɛnw na kà tila kà màga a ɲɛ na kà sɔ̀rɔ  a m'à tɛgɛ kò sàfunɛ na, a bɛ yἑlɛma o tìgi fɛ. Apolo bànakisɛ bɛ se kà yἑlɛma mɔ̀gɔ la ni kùnkɔrɔdonnan ani ɲɛda màsiriminɛnw ye. Apolo bànakisɛ yἑlɛmali teliyakojugu fɛ, 'mɔ̀gɔ caman b'a fɔ k'a bɛ se kà yἑlɛma mɔ̀gɔ fɛ à bànabaatɔ ɲɛkisɛ filɛli dɔrɔn fɛ; k’a sɔ̀rɔ o kuma in  tɛ 'tìɲɛ ye. A ka teli jɛnsɛnni fɛ jàmamayɔrɔw de la, i n'a fɔ sugukɔnɔnaw, kàlansokɔnɔnaw ani mɔgɔtamɔbilikɔnɔnaw. Ɔkutɔburukalo ye kàlantawaati ye Màli la. O fana b'à to à bɛ jɛnsɛn diya.

‎Apolo bànakisɛ kùnbɛncogo:

‎- Kà tɛgɛ kò ni sàfunɛ ye 'tùma caman, ‘kɛrɛnkɛrɛnnenya la, n'i bɔra jàma cɛ la;

‎- Kà caman bɔ  ɲɛda màgali la, bawo tɛgɛ de b'à se ɲɛkisɛ ma;

‎- An kà na to kà baara kɛ ni 'mìnɛn kelenw ye, i n'à fɔ ɲɛda màsiriw, ɲɛda bɛ jɔ̀ɔsi fìnikolon minnu na ani ɲɛdonnanw.

‎Apolo furakɛcogo: Apolo bànakisɛ bɛ ban a yἑrɛ ma ‘tìle 5 walima ‘dɔgɔkun kelen kɔ fɛ. Лɛda ka ko ni ji suma ye 'sìyɛn caman tìle 'kɔnɔ. Nkà hali ni a furaw tɛ se k'a ban ‘yɔrɔnin kelen, a bɛ dɔ bɔ a dimi na. Ni dɔ bɔra yeli la walima ni ɲɛ dimi yἑlɛnna ‘dɔgɔkun kelen 'kɔnɔ, à tigi ka 'kan kà dɔ̀gɔtɔrɔso sɛgɛrɛ.

Blàdon : 2026-11-07     Yɛlɛmako laban : 2026-11-07


I fɛla Fɔ fasiri kan :

Captcha

Jagomajira

Gamezop tlonsira

Fàkan bataki

Sìgidɔn

Jyɛn jamanaw

 

Mali duguw

 

Daɲɛsɛbɛn

Maralenw

2026

2025

2024

2024-12

2024-11

2024-10

2024-09

2024-08

2024-07

2024-06

2024-05

2024-04

2024-03

2024-02

2024-01

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015