Leninn
Nfladimir Ilitc Uliyanɔf n’a bɛ Weele ko Leninn, Bangera Iniyɔn sonfiyetik (URSS) ‘kɔnɔ.
A ye josariya kàlanw de Kɛ k’o kàlanw Fòori. Kàbini Leninn ncinin, karl Maks ka hakililaw de Diyara a ye sɔrɔko, fàngako ani màrakɛcogo la sìgida ‘kɔnɔ.
Leninn ye jὲkulu caman Blà ‘sèn kàn Iniyɔn Sonfiyetik ‘kɔnɔ ‘jàmanayɛlɛma nàsiraw fὲ. O jὲkulu nìnnu sìgili ‘sèn kàn ye gὲlɛyaw lase Leninn mà sàbu a ka o taablolo nìnnu ni o waati jàmarabagaw ta tùn tɛ kelen ye a fàso ‘kɔnɔ. O gὲlɛya nìnnu ‘kan mà, Linnin y’a fàso Blà kà Taa Erɔp ‘kɔnɔ.
1917 sàn feburuyekalo la, Leninn Sèginna kà Nà a fàso ‘kɔnɔ.
1917 sàn ɔtɔburukalo la, Leninn Fàrala jὲkulu dɔw kàn kà murutiliba dɔ Boloda jàmana ‘kɔnɔ min Taara Laban fàngadafiri la. Fànga dafirilen, Leninn n’a jὲɲɔgɔnw y’u ka fàngaɲinitɔn Blà ‘sèn kàn u ye min tɔgɔ Da ko (partiti bɔlshenfik).
1922 sàn desanburukalo la, pariti bɔlshenfik Yὲlɛmana kà kɛ URSS ye. Leninn Kɛra o pariti ɲɛmaa ye. Pariti wɛrɛ tùn tɛ jàmana ‘kɔnɔ o waati ni URSS tɛ.
Leninn Fatura 1924 sàn na nkà jàmana Màrala n’a ka hakililaw ye fo kà Nà Se bì mà.
Blàdon : 2025-08-30 Yɛlɛmako laban : 2025-08-30










