Bamakɔ dùgumasiri
Bamakɔ dùgumasirimin bɛ Weele ko Tour de l’afrique, ale Ye kabakomayɔrɔba dɔ ye min yankan ka bòn kosɛbɛ. A bɛ Fàlajɛ, Bùgunisiraba ni Fana ta bὲnyɔrɔ kà na Bamako dùgu ‘kɔnɔ. A bɛ Mali ka jàtigiladon Sinsin, bari dunanw nàtɔ faaba ‘kɔnɔ, a bɛ olu Bisimila, kà k’an bὲn Da u taatɔ fana ye.
Dùgumarisiri in Kurunbokarila 2000 sàn na, jàmanakuntigi kɔrɔ Alifa Umar Konare fὲ. A bɛ hakilijigin Kɛ Mali ka tàbiyaw la. A jɔli kùn dɔ ye kà Mali Tariku Sankɔrɔta ani kà fàrafinna ka kèlenya Sinsin.
- Dùgumasiri tàamasiyɛnw
Dùgumasiri in jɔcogo bɛ fɛn caman Kofɔ
A jɔ cogo bɛ lahala min Kofɔ : an ka tàbiyaw ani fàrafinna ka kèlenya tàamaseere Dòn.
A dùgumala bɔlen Bɛ nsìrajuba fὲ, o min bɛ fɛn caman Kofɔ i n'a fɔ sìgikafɔ ani miirinabaw tàyɔrɔ Kofɔ làadalakow la.
A sanfɛla tàamasiyɛn dɔ bɛ yèn o bɛ ɲɔgɔndɛmɛ ni sìgikafɔ ani bὲn Kofɔ, o min Ye fàrafinna jɔsen dɔ ye.
- Bɔgɔdaga sɔgɔ-sɔgɔlen :
Bolow kɔrɔtalen : bɛ fàrafinna ka ɲɔgɔndɛmɛ ka balimaya, jὲɲɔgɔnya ani kèlenya Kofɔ fàrafinjamanaw ni ɲɔgɔn ‘cɛ.
Mìsali la, ni mɔgɔ kelen y’a Laɲini k'a bɛ bɔgɔ sɔgɔlen fa ji la, a tɛ Se. Nkà ni fàrafinna jàmanaw bɛɛ Fàrala ɲɔgɔn kàn k’a wòw Datugu n’u bolow ye, fàrafinna bɛ fànga Sɔrɔ mɔgɔ wɛrɛ tɛ dònyɔrɔ Sɔrɔ an ni ɲɔgɔn ‘cὲ. Bamananw b’a Fɔ u ka zànaw na ko bolokɔnin kelen tɛ bὲlɛ Tà, wa ni koko Pɛrɛnna basa bɛ Dòn.
- Fàrafinna sìgija
Fàrafinna sìgija o b’a san fὲ k’a Jira ko a bɛ Mali la fàrafinna mumɛ tɔgɔ la.
Dònda 4 b’a Jira ko fàrafinna fàamaw bɛ Nà kà Bɔ diɲɛ selekenaani bɛɛ lajɛlen dɔ fὲ.
Dùgumasiri in yὲrɛ kùndama bɛ Taa mɛtɛrɛ 46 la.
Blàdon : 2026-10-07 Yɛlɛmako laban : 2026-10-07










