Adama Namakɔrɔ Fɔnba : Mari
Dɔ̀nkilidala
Yàn ka di de màanu, yàn ka di sa!
Sìke ne wolofa dònon ‘kan Bɔra yàn
Yàn ka di de màanu, yàn ka di sa!
Laminɛlikɛla
Sòlo Bɛ Mari yoo!
Ee Mari yoo!
Solo bɛ Mali yoo!
Jɔ̀n kuma tɛ kan mɛnli ban banko
Sòlo bɛ Mari yoo!
Ee Mari yoo!
Sòlo bɛ Mari yoo!
Jɔ̀n kuma tɛ kan mɛnli ban banko.
Dɔ̀nkilidala
Sìke diɲɛ Ye ‘sɔ̀gɔma caman ye.
Ko ne k’alu ma Mari ‘ko Mɛn
Fàjalan san ka Mari ‘ko Mɛn
Лèba jan ka Mari ‘ko Mɛn
Mari Wolola jumadon fɛ
A fa Sàra jumadon fɛ
Woloba Sàra jumadon fɛ
U ye Mari D’a mɔ̀muso ma
O na Kɛ Mari ka wolofa ye
O na Kɛ Mari ka woloba ye
Sà y’o fana Dun jumadon fɛ aan!
Alu ma Mari ‘kan Mɛn
A ko n tɛ Jìgi màsaba Ala la
Mari Taara se Amadi ma
A ko wii Amadi yoo!
I tɛ Hinɛ ne Mari la wa?
Amadi Kàsira n ka Mari de fɛ
A Ko n b’i Blà n ka mìsilu la
Mari Taara ni mìsilu ye
Su nana Se tlancɛ la
‘Mìsi sàba Sàra o mìsilu la
Mari y’o Kɛ kàsi de la
Amadi y’i Kanto Mari de ma
Nin ko tɛ̀mɛnen Bɛ kàsi de kan
‘Tlè kelen pe ‘mìsi sàba
‘Tlè flà Ye ‘mìsi wɔɔrɔ
‘Kalo kelen bɛ ne ka mìsilu Ban aan
Alu ma Mari ‘kan Mɛn
A Ko n tɛ Jìgi màsaba Ala la
Mari Taara n’a ‘yɛ̀rɛ de ye
Laminɛlikɛla
Mari yoo!
Dɔ̀nkilidala
Mari Taara se wula jan na
Laminɛlikɛla
Mari yoo!
Dɔ̀nkilidala
Kàba dìbilen Bɛ kɔrɔn de la
Laminɛlikɛla
Mari yoo!
Dɔ̀nkilidala
Màsaŋala dìbilen Bɛ kɔrɔn de la
Laminɛlikɛla
Mari yoo!
Dɔ̀nkilidala
Mari sìgilen Bɛ jiriju fɛ
Mari Kumana o yɔrɔ de la
A Ko wi Màsabaŋala
Ni ne Mari labanko duɲa
Kàba nìn ka Kɛ fɔɲɔba ye
Nkà ni ne Mari labanko duɲa
Kàbapɛrɛn ka Jìgin ne Mari de kan
Mari y’o Fɔ tùma min na
Kàba kɛlen Kɛ fɔɲɔba ye
Kàbapɛrɛn jìginnen Bɛ jiriju fɛ
A ‘fàn kelen Ye sanu de ye
A ‘fàn kelen Ye wari de ye
Mari nàlen Bɛ o sanulu ta
A ye dɔlu Dòn mùsolu la
Kà na dɔlu Sàn jɔ̀nkɛlu la
Mari Sìgira o yɔrɔ de la
O yɔrɔ kɛlen Bɛ bùguba ye
Bùgu tɔgɔ Ye ko Maribugu aan!
Alu ma Mari ‘kan Mɛn
A Ko n tɛ Jìgi màsaba Ala la
Laminɛlikɛla
Ne Bɛ n badenw ma
‘Jɔ̀n si kàna i yὲrɛ Fàga ɲani ye
N ma ɲani laban Dɔn
Dɔ̀nkilidala/ Laminɛlikɛla
Ne Bɛ n badenw ma
‘Jɔ̀n si kàna i yὲrɛ Fàga ɲani ye
N ma ɲani laban Dɔn
Dɔ̀nkilidala
Mari ‘sènna-samara fɔlɔ bɔlen Bɛ sùnunkun de kan
Laminɛlikɛla
Jɔ̀n bɛɛ n’i labanko
Dɔ̀nkilidala
Mari ‘jùlakulusi fɔlɔ bɔlen Bɛ sùnunkun de kan
Laminɛlikɛla
Jɔ̀n bɛɛ n’i labanko
Dɔ̀nkilidala
Mari ‘kanna-dloki fɔlɔ bɔlen bɛ sununkun de kan
Laminɛlikɛla
Jɔ̀n bɛ n’i labanko
Dɔ̀nkilidala
Mari ‘kunna-fugula fɔlɔ bɔlen Bɛ sununkun de kan
Laminɛlikɛla
Jɔ̀n bɛ n’i labanko
Dɔ̀nkildala
Mari nana bùgu Sìgi k’o tɔgɔ Da Maribugu de
Ala tɛ Kɛɲɛ ‘ko la
Laminɛlikɛla
Ne Bɛ n badenw ma
‘Jɔ̀n si kàna i yɛ̀rɛ Fàga ɲani ye
N ma ɲani laban Dɔn
Dɔ̀nkilidala
Ne Bɛ n badenw ma
‘Jɔ̀n si kàna i yɛ̀rɛ Fàga ɲani ye
N ma ɲani laban Dɔn
Laminɛlikɛla
Ne Bɛ n badenw ma
‘Jɔ̀n si kàna i yɛ̀rɛ Fàga ɲani ye
N ma ɲani laban Dɔn
Dɔ̀nkilidala
Ne Bɛ n badenw ma
‘Jɔ̀n si kàna i yɛ̀rɛ Fàga ɲani ye
N ma ɲani laban Dɔn
Laminɛlikɛla
Ne Bɛ n badenw ma
‘Jɔ̀n si kàna i yɛ̀rɛ Fàga ɲani ye
N ma ɲani laban Dɔn
Dɔ̀nkilidala
Ne Bɛ n badenw ma
‘Jɔ̀n si kàna i yɛ̀rɛ Fàga ɲani ye
N ma ɲani laban Dɔn
Laminɛlikɛla
Ne Bɛ n badenw ma
‘Jɔ̀n si kàna i yɛ̀rɛ Fàga ɲani ye
N ma ɲani laban Dɔn
Dɔ̀nkilidala
Ne Bɛ n badenw ma
‘Jɔ̀n si kàna i yɛ̀rɛ Fàga ɲani ye
N ma ɲani laban Dɔn
Blàdon : 2025-11-25 Yɛlɛmako laban : 2025-11-25










