FÀKAN

2014 10 16 Mali kura

Donkibaru
Aw ni ʃu: Modibo Dànbɛlɛ

Fàrafinna cɛmancɛ  jàmana, n’o ye république centre Africaine, ka kulu dɔ  Blàra ka Taa Kamerunn jàmana kàn yaasa kà Taa Sìgi kà Kuma Pologne (Poloniya) tubabumori ka dyagoya-minɛniko la. Tubabumori Mates Dizis, ale Dyagoya-minɛna mɔgɔ dɔw, minnu bɛ  fɛ ka a Fàlen u ka ɲɛmɔgɔ  dɔ, n’o tɔgɔ  ye ko Abdulay Miskin. A mìnɛnnen dòn nìn waati in na sisàn Kamerunn jàmana kàn. Fàrafinna cɛmancɛ jàmana na, halibì, ‘jὲkulu murutilen dɔ ye ‘dànkarili Kɛ  Beni dùgu la, jàmana kɔrɔnyanfan fɛ,  kà mɔ̀ mùgan ani wɔɔrɔ Bɔ̀nɛ u niw na. ‘Siga kɛlen dòn nìn walejuguya la Uganda jàmana mɔ̀ murutilen jὲkulu, n’o ye ADEF ye.

Nizɛr jàmana kɛɲɛkayanfan fɛ, Frànsi sàbarabatigiw Ko u ye màramafɛn tɔni sàba Mìnɛ, ni missile sol air SA7 (sanbonbɔlen) olu B’a la, jàadijɛkulu minnu bɔtɔla tùn dòn Libi jàmana kan o sɛgɛsɛgɛli dɔ ‘sèn fɛ, ɔkutɔburukalo tle tan don waati la. Fìnitigiw ka kumalasela Ko, jàadi kὲlɛkɛden mɔ̀gɔ tan ni duuru Fàgara ni fɛlɛ wulili ‘sèn fɛ .

Libi jàmana, ‘klɛ juguba Bɛ ‘sèn na nìn waati in na, Bɛngazi dùgukɔnɔna na. Général (Kὲlɛmasa) Instar ni fìnitigiw kɛlen dòn k’ale Dmɛ, ye ta Wuli jàadi klɛkɛdenw na, ni jàmana dùguba flanan Bɛ u ka mara ‘kɔnɔ. A ka ca ni mɔ̀gɔ tan ani wolonflà ye minnu Sàra tle kelen masurunya ‘kɔnɔ, klɛ ‘sèn fɛ .

Mozanbik jàmanatigi-sigi kàlata, k’a Sɔ̀rɔ ‘bàlanna ma K’a la, Felipe Лuzi bɛ ɲɛfɛla la, jaabi kùnfɔlɔ minnu Bɔra. Fànga sɔ̀sɔbagaw ko namara Kɛra. Mànkan dɔw Kɛra ʃufɛla fɛ. Fàrafinna wòrodugu-yanfan jàmanaw ka jὲkulu y’a Лini Madagaskar jàmana fànga mɔ̀gɔw fɛ, ko kà bolonɔ Blà bὲnkan, min b’a To mɔ̀ minnu ye jàmana Blà pòlitikiko-mankan sababu la, ka Se kà Segin kà Nà ani ‘yaafa ka Kɛ  u ma. Nin jὲkuluba Ko ‘kuma Tɛ  ale ‘da. ‘Jàmanatigi kɔrɔ, Mark Ranfalomanana, min Seginna ka Nà jàmana ‘kɔnɔ  k’a sɔ̀rɔ a ma ‘fɛn Fɔ mɔ̀gɔ ʃi ye.

Kùnflanintu jòlibɔn ye mɔ̀gɔ flanan Mìnɛ  Etazuni jàmana kan. Nìn ye kɛnɛya furakɛlikɛla dɔ ye ni a tùn bɛ k’i màgo Dòn liberiyaka min, ni bàna tùn B’a la, ani ni a Faatura ɔkutɔburukalo tle seegin Dalas, Tɛksas, ni o Bɛ  Etazini yàn. Kùnflanintu jòlibɔn ye mɔ̀gɔ bà naani ani kmɛ duuru de Fàga, an bɛ don min i ko sisàn. FAO, n’o ye ‘jὲkulu ye min ka baara ye dunkafa sabatili ye, ka sàn 2014 gafe min Bɔra kɔngɔ kὲlɛliko la dunuya, Ko mɔ̀gɔ miliyɔn kmɛ seegin ni duuru de degunnen dòn kɔngɔ sababu la. Fàrafinna sahara sanfɛjamanaw ani Azi, olu de ka degun ka jugu kosɛbɛ ni bɛɛ ta ye. 

Seko ni dɔnko kɛnɛ.

Kasim tarawele.

Magistraw (sariyatigiw) ka tɔn jὲkulu min bɛ an ka jàmana ‘kɔnɔ, n’an bɛ a Fɔ a ma ko SILMA, ale ye ‘barosigi Kɛ bì, k’a Jìra k’a Fɔ, minisiri (setigi) min Bɛ sàriyako kùn na an ka jàmana kɔnɔna na, ko olu ni o tɛ kà ɲɔgɔn Fàamuya baara taabolo la . Adama Yɔrɔ Sidibe, ale ye SILMA, o ɲɛmaaba ye:

Adama Yɔrɔ Sidibe.

Syndicat (baaralapasa-tɔn) nìn créela (Sìgira ‘sèn kan). An y’an ka kaye deposer (Di)  k’a Jìra k’a Fɔ an fὲlaw bɛ tàn. A ma an Weele tle kelen kà Nà k’a Fɔ mun de b’aw ka kaye ‘kɔnɔ,  an k’a kuma Fɔ. Aa, a’ y’aw ka kaye Blà kà Nà n y’a Mɛn. Ni waati Sera, an bɛ  Kuma, o ma Fɔ. An Tlara ka lettre (‘cikan) Sɛbɛn tugunni ka Taa a Fɔ a ye ko hey, anw ka kaye Bɛ i fɛ yèn, a bɛ kalo naani Bɔ sisàn mais (nkà) i ma foy Fɔ  an ‘ɲɛ na. An B’a fɛ i ka an Weele an ka dɔ Fɔ. Halisa a ma foy fana Fɔ. A ka mutation (baarayɔrɔ-falen) fɛn o fɛn bɛ Kɛ, an b’an fὲla Fɔ k’a Blà, a b’a Kɛ komin I n’a sɔ̀rɔ ‘ko tɛ yèn. An Ko o min fana Flɛ o ye, o ko fana selen Bɛ yɔrɔ min na, an ye lettre (cikan) dɔ  fana Sɛbɛn k’o bɛɛ Fàra ɲɔgɔn kan, k’o Ci a mà k’a Fɔ e de ye ministre de la justice (sàriya setigi) ye. Donc (o la), To i nɔ na.

Kasim tarawele.

U y’a Jìra fana k’a Fɔ ko minisiri (setigi) bɛ munu-munusaalo min Kɛ jàmana kɔnɔna na, kà mɔgɔw ka degun Lajɛ, k’a Fɔ k’a bɛ ‘fura Kɛ olu la, ko o tɛ a ka ‘baara ye. Laban min yὲrɛ, n’a y’o Kɛ faanakaw fɛ yèn, o Kɛra dègunba ye magistraw (sàriyatigiw) mà.

Adama Yɔrɔ  Sidibe.

N Ko ne kɔni tɛ nà Se kà Taa mais (nkà) n dankan, vice president, ko n b’o Blà kà Taa. Olu Taara. Olu Taara mun Ye yèn? Olu Taara a Ye Bacili ye yèn responsible (kotigi) bɛɛ Weele ka Tla kà presse (kùnnafoni tìgilamɔgɔw) fana Weele, kà Tla tugunni association fɛn o fɛn Bɛ Faana, la societe civile (dùgukɔnɔ-mɔgɔw), k’u bɛɛ Weele. Kà Tla tugunni dùgumisɛnnin fɛn o fɛn, ni min ka procès (kiiri) Kɛra, ni min ma jaabi ɲɛnama Sɔ̀rɔ fɛn na, jàa o papier (sɛbɛn) caman de tùn B’a ‘bolo. O tùn B’a ‘bolo, a y’u Sɔ̀rɔ u bɛ kalo caman Bɔ  bì. O B’a ‘bolo yèn. A mà fɛn Fɔ juge (kiiritigɛla) ‘ɲɛ na. Kà nà juge (kiiritigɛla) tà k’o Lasigi jàma cɛ mà, ko juge (kiiritigɛla), Kuma. E ta hakilinata ye min ye, o Fɔ.

Kasim tarawele.

U ka laɲini Ye ‘min ye, bɛɛ  lajɛlen k’i Jɔ̀ i jɔ̀yɔrɔ la yaasa baara in, a bɛ Se kà Kɛ Л cogo min na.  ‘Sabu la, kiiritigɛ, ale ni baara tɔ̀w tɛ kelen ye.

Adama Yɔrɔ Sidibe.

An ma Dèli ka minisiri (setigi) ʃi Ye fɔlɔ, mɔ̀gɔ min bɛ i ka màra ‘kɔnɔ k’a Fɔ k’i b’o de Tà kà Bɔ n’a ye ka Nà, ka Nà a Fɔ jàma na, an ma Dèli k’a Ye fɔlɔ ko i Лɛfɔ. Minisiriya (setigiya), sàriya ‘bolo la, ni min ma Kɛ ka Лὲ, sàriya ye sira dɔw Jìra k’i ka ɲàginni Kɛ. I tɛ Bɔ o sira fɛ wa? Ni e ko k’e bɛ autorité kelen bafouiller (fànga fàn dɔ Lagòsi), i bɛ ka Etat autorité (fànga se mumɛ) bɛɛ de bafouiller (Lagòsi). N’i ye juge (kiiritigɛla) ka autorité bafouiller (fànga Lagòsi) cest l’autoritée de l’Etat que tu a bafouillé (o y’i kɛlen ye ka fànga se Lagòsi). Wa an dànbe fana tɛ i k’a Лini ka mɔ̀ Màlo. O tɛ an ka dànbe ye. An ka valeur societale (sìgi laadaw) tɛ Sɔ̀n o ma. Mɔ̀gɔ, i k’a Лini k’a Màlo, k’a Sìgi a màlokɛnɛ kan, ɛɛ, k’o Kɛ e dyanɲɛko ye!

Kasim tarawele.

Yàni bàrosigi in ka Wuli, SILMA mɔ̀gɔw y’a Jìra k’a Fɔ fana ko min ye minisiri (setigi) Bacili ye, ko fɛn o fɛn tɛ a ka ‘sira ye, ko a k’a Sènbɔ o la. ‘Sabu la, min ye kiiribon kɔnɔna baaraw ye, olu minnu ye magistraw (sàriyatigiw) ye, ko olu de bɛ Se kà o Kɛ Л.

Adama Yɔrɔ  Sidibe.

A ka Bɔ baciliya la ka Kɛ minisiri (setigi) ye. Anw tɛ Bacili fɛ, mais (nkà) anw Bɛ minisiri (setigi) de fɛ. O ye anw ma waajibi ye. Anw bɛ baara Kɛ n’o ye. Dɔ wɛrɛ tɛ yèn, sàriya ye min fana Fɔ. O ye kuma de ye o. An bɛ Kuma. Ni ‘dɛsɛ Kɛra o la, an fana waajibiyalen bɛ min na o de ye kà institution judiciaire (sàriyablon) in Màtarafa, k’a Màkara. A mana Kɛ mɔ̀gɔ o mɔ̀gɔ ye, ni i Ko k’i bɛ ko Kɛ min bɛ institution judiciaire (sàriyablon) Lagòsi, anw ka devoir (jɔ̀yɔrɔ) Ye min ye, o ye kà i Bàli i k’o Kɛ. An kɔni bɛ o Kɛ. Anw Ye central (kolomayɔrɔ) ye. Donc (o la), weele-weelekan Ye min ye, k’a Fɔ minisiri (setigi) Bacili ‘ɲɛ na, a ka baciliya in da Blà ka Kɛ minisiri (setigi) ye. Kunakuna min B’a la vers telle ou telle personne (ka Kɛ mɔ̀gɔ dɔw kan), a k’o da Blà.

Kasim tarawele.

Min ye SILMA mɔ̀gɔw ye, a Jìrala k’a Fɔ ko degun min Bɛ olu ni minisiri (setigi) ‘cɛ  bì, u y’a Kɛ bataki ye k’a Ci bɛɛ lajɛlen ma. Nkà min ye magistraw (sariyatigiw) ka tɔnba min Bɛ yèn, u k’a Lajɛ min ka kan kà Kɛ ni jàmana-kùntigi bɛ o ko kurunbokarili Kɛ, ko u bɛ nà a ko tɔ̀ Лɛfɔ o kɛnɛ kan.

Kan ni Yiriwa ‘tɔgɔ la, Musa Dànbɛlɛ ye jmukan Sɛbɛn.

Blàdon : 2019-10-26     Yɛlɛmako laban : 2019-10-28


I fɛla Fɔ fasiri kan :

Captcha

Jagomajira

Daɲɛgafe sànta

Fàkan bataki

Sìgidɔn

Jyɛn jamanaw

 

Mali duguw

Daɲɛsɛbɛn

Maralenw

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-09

2016-08

2016-07

2016-06

2016-05

2016-04

2016-03

2016-02

2016-01

2015